Matayo 7
7
1TALEZAKE banto baoyi, nyang’inyo lofezama l’aoyi. 2Ele jeza lindez’inyo lifezama el’inyo lenkina: ko bifelez’inyo, ngok’iny’oezaka. 3Ko oala ifufumbu ile nda liso ja lilongo likawe, lolo ofokanela botondo bole nda liso likawe mongo lae? 4Bala, botondo bole nda liso likawe mongo, ko out’okela lilongo likawe, Kela nkoleza ifufumbu ile nda liso likawe ngamo? 5We bokakatano, oza botondo bole nda liso likawe mongo nda joso: mpanga wene fole wae woza ifufumbu ile nda liso ja lilongo likawe.
6Talokaake mbwa toma touzama nd’oeko, ko talusake perles ikinyo nda joso ja nsombo, nyango ifomatel’iko la bakaka’akiyo, ko ifokengwana okot’inyo.
7Luola, ko ifokaema el’inyo; lasa, ko lifotana; lokunda, ko ifokombwa el’inyo. 8Ele wengi’onto onduola ifamba, ko ondasa ifena, ko ifokombwa el’ende okunda. 9Nkina bona owa bont’okinyo’omo aolomba ise ioko, ise ifolokaya ekenje nde? 10Ko nkin’ende alomb’ise nse, ifolokaya njwa? 11Nkin’inyo bant’obe lea lokaya bana’akinyo nganji y’olotsi, Ise ekinyo ole nda loola afolekola lokaya iyo balomb’ende toma t’olotsi nde? 12Nd’ewela eko, lokeela banto baoyi ba nko loswele balang’inyo wae banto bakeel’inyo; ngoko wae elenge ea bisekyelo ko la baoyi ba bateli bauma. 13Lotswa nda wiso wa nkaka; ele wiso bol’onene, ko mboka ecwa nda lofito ele la bongonge mongo, ko iy’andotsw’eko bal’auke. 14Ele wiso bol’isisi, ko mboka ecwa nda loiko ele nkaka, ko iy’atan’eko baf’auke. 15Lofonga loala bateli ba mpafomba bay’el’inyo ngole mpate, lolo nd’etema’ekiyo bale nga nkoi ya wale. 16Lifaea l’amuka’akiyo. Banto bayomuke bamuka ba bokoli wa vina lim’aeke nde, nkina bateli lima bafengolankoi? 17Eleng’eko wengi botamba w’olotsi bocw’amuka b’olotsi; lolo botamba w’obe bocwa bamuka b’obe. 18Botamba w’olotsi ntabocweka bamuka b’obe; ko botamba w’obe ntabocweka bamuka b’olotsi. 19Wengi botomba botacweka bamuka b’olotsi wumbamaka, ko wusamaka nda tsa. 20Nd’ewela eko, lifaea l’amuka’akiyo. 21Af’iy’auma bankel’emi Nkolo, Nkolo, botsw’olo nda likulaka ja loola; lolo ende okela wango wa Fafa ekami ole nda loola. 22Bant’auke bifonkel’emi nda mbil’eko, Nkolo, Nkolo, iso ntatotelak’aoyi nda lina likawe, ko ntatoozaki bademona nda lina likawe, ko ntatokambaki belemo bi’ofilo beuke o nda lina likawe? 23Ko njifasangela, Nceak’inyo nye, iny’akel’obe, liman’el’emi. 24Nd’ewela eko, wengi’onto ondoka baoyi’ane bakami, ko akel’ako, aosongana la bonto owa wanya otongak’ilombe nd’ekenje. 25Ko mbula eojwa, ko mpela eoya, ko bempompo beokumba, ko beokund’ilombe iko; ko ntikweki; ek’iko ikotongi nd’ekenje. 26Koko wengi’onto ondoka baoyi’ane bakami, ko afokel’ako, aosongana la bonto osamba wanya otongak’ilombe ikande nd’itenela y’ekongo. 27Ko mbula eojwa, ko mpela eoya, ko bempompo beokumba, ko beokund’ilombe iko, ko iokwa; ko ekwelo ea ilombe iko eolekola.
28Koko aki Yesu osizaka baoyi’ane, bitukuluku bi’anto baokamwa la lilako likande, 29eki’nde alakak’iyo ngole bonto ole la mpifo, afa ngole bakoci’akiyo b’enkanda.
Currently Selected:
Matayo 7: NTMN58
Highlight
Share
Copy
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.