Matayo 28

1Ena mbus’ena Sabata, ena limatsako lin’ekedyo ena bina bon’oso bon’eyenga, Malia Mangandala la Malia emoi baoya oyolenda nketa. 2Ko lenda, loko lolilaki bike mene, lacin’oka ekima ena Yawe akitaki ena loola, ko aohalingola lufe, ko aokisase ena lufe. 3Elongi enande eyaaki yoka lihalihali, ko bisenda binande telele yoka mpembe; 4ko batombanyi bailima nko mbilima lacin’ena losomo lonande, ko baoyalama yoka bato banowaka. 5Ekima ena loola aolokwela bayato, ate, Botaangake; emi leya ino boyakembe Yesu onakamaki en’ekulusu. 6Ende afayali mendo, lacin’oka amoletwa en’ewedi, yok’onoki’nd’otendaka. Boyaka, boyene edye eneki Nkolo oetamaka. 7Koko bocoaka yaya, boyosumole bakili’anande, in’ate, Amoletwa en’ewedi. Ko lenda, ende ayacu en’oso’onino ena Ngalilaya; bongen’ende meho. Lenda, mokosumol’ino. 8Ko bauma ena nketa la mbango, nko la mbanga ko l’ekiko mene, ko baocoa la laango lacina basumole bakili’anande. 9Ko enem’iy’ocoa, lenda, Yesu aoukana l’iyo, amaesa, ate, Bonyangelaka. Iyo baolama, baunda bakak’anande, ko bamokumya. 10Ko Yesu amasumola, ate, Botaangake; bocoaka, boyosumole bakune’anami baete ena Ngalilaya, ko bangonjena meho.

11Enem’iy’ocoa, lenda, bamoi ban’atombanyi baoya en’onyanga, ko baosumola nkanga ina toome baoyi banilamaka bahatu. 12Enek’iy’osusanaka la bingambe oyanga eango, baofa soldats nyongo ena nkolo, 13iy’ate, Ino bilaka, Mbo enem’is’otot ilo bakili’anande baoya oyongola boduo’onande l’oco. 14Ko yombo gouverneur aoka yoi line, iso tongokadya likambo l’ende: ino botakandakandake. 15Ko lyo, enek’iy’otambaka nyongo, bailaki yok’onok’iy’olakamaka. Ko yoi line lisekolaki eneyali Ba-Yuda, ko liyali nko le bon’in’one.

16Koko bakili jo l’omoko baocoa ena Ngalilaya, ena lingonji linaliki Yesu oasumolaka. 17Enek’iy’oenak’ende bamokumya; koko bamoi baokandakanda. 18Koko Yesu aoy’eneyal’iyo, aotenda l’iyo, ate, Lifoka lihalitu limofam’emi l’ena loola l’ena loko. 19Lacin’eho, bocoaka, bolake’ato en’enyanga behetu, bayalame bakili’anami; baine en’asi ena lina lin’afango, ko lina Bona, ko lina Bolimo bon’olotsi; 20balake lacina bamonya baoyi banaki’m’okolakak’ino bahatu. Ko lenda, emi njali l’ino bina behetu, yengoko esimbelo en’esike.

Currently Selected:

Matayo 28: BBY62

Highlight

Copy