Yoane 16

1Mokosumol’ino baoyi’ane lacina bofapusumwa. 2Bangokofody’ino en’etonga bena basunagoga; O, esike engoyela eneng’ende onokoyak’ino okanel’oka akambela Yakomba ekambwa. 3Bangokamba baoyi’ane lacin’oka bateya le Bafango l’emi. 4Koko mokosumol’ino baoyi’ane lacin’eho, nk’en’oka esike ena baho eoyela, boofw’oka nkosumolaki. Ntakosumola baho ena limatsako mene, lacin’oka njaaki nko l’ino. 5Koko isanga locoa eneyal’ende onontomaki; koko efan’onino ononjufola, ate, Ocoa meya? 6Ohonde lokeseli lolola en’etem’enino lacin’eneki’m’okosumol’ino baoyi’ane. 7Koko yoi line linakosumol’emi liyali nko solosolo: eleki bolotsi eneyal’ino lacina ncu, lacin’oka, yomb’emi mpacu, Bokambi afayaki eneyal’ino; koko yombo locoa, nongotom’ende eneyal’ino. 8Koko enengi’nd’oya, angakola bato bana loko ena likambo lina bowe, ko la mbongi, ko l’etendelo en’akambo: 9ena likambo lina bowe, lacin’oka bafanjimedya; 10ena likambo lina mbongi, lacin’oka locoa eneyali Bafango’onami, ko bofanjene lakina; 11ko l’ena likambo lin’etendelo en’akambo, lacin’oka lifoka lina loko lone amokoiyama likambo. 12Njali l’aoyi’akina bike oyokosumol’ino, koko bofinya yokisa baho isanga. 13Koko enengi’nd’oya, nko Bolimo bona solosolo, ende angokolond’ino ena solosolo ehatu; lacina ende afatendaki l’eango enandamene: angotenda nko baoyi’aho banok’ende, ko angokosumol’ino baoyi banangoya. 14Angonkumy’emi, lacin’oka angotamba eneyal’emi, ko angokosumol’ino. 15Baoyi bahatu banata Bafango bayali nko banami; nko la ncina eho lokosumolaka, emite, Angotamba eneyali baoyi’anami, ko angokosumol’ino. 16Efan’olingolingo bofanjenaki; ko lakina efan’olingolingo ko bongonjena; lacina locoa eneyali Bafango. 17Lacin’eho, bakili’anande bamoi baotendana, Mbo ncina ena yoi line linatosumol’ende eka nai? ate, Efan’olingolingo bofanjenaki, ko lakina efan’oli ngolingo ko bongonjena; ko, Lacin’oka locoa eneyali Bafango. 18Baila, Mbo yoi line linatend’ende, noka, Efan’olingolingo, lind’oya? Tofanonganya yoi linatend’ende. 19Yesu aofokol’oka basokolanga oyufol’ende; ko aila, ate, Ino bufolana nde ncina ena yoi linaliki’m’otendak’oka, Efan’olingolingo bofanjenaki, ko lakina efan’olingolingo ko bongonjena? 20Solosolo, solosolo, lakosumol’ino, bongolela la mposoli, ko bongosaa, ohonde bana loko bangonyangela; ino bongoka lokeseli, koko lokeseli lonino longohalingwa ekiko. 21Nk’en’oka boyoto ayatate la lonwa, ayali la lokeseli lacin’oka esike enande emoyela; koko enakady’ende yota bona afut’okanedya bino biniki’nd’oenaka: aokanedya nk’ekiko lacin’oka boto amolotwa ena loko. 22Koko ino, isanga boyali la lokeseli; koko nongokeen’ino lakina, ko betem’enino bengonyangela, ko efaataki boto onongokokumol’ino enyanga enino. 23Koko en’in’oho bofanjufolaki bufo bomoko tu. Solosolo, solosolo, lakosumol’ino, baoyi l’aoyi banang’in’oufola Bafango ena lina linami, angokof’ino baho. 24Ino botufole iyema ena lina linami: bufolaka, ko bongotamba, lacina ekiko enino efule.

25Mokosumol’ino baoyi’ane la bikolanya; esike engoya enefatendaki emi l’ino lakina ena bikolanya: nongokosumol’ino yoi lina Bafango nko fololo. 26En’in’oho bongufola ena lina linami, ko mpil’oka nongokufwel’ino Bafango, 27lacin’oka Bafango mene akook’ino nganji, lacin’oka bomonjok’emi nganji, ko bomimedy’oka mpolaki eneyali Bafango. 28Mpolaki eneyali Bafango, ko njaki ena loko; koko lakina locika loko, ko locoa eneyali Bafango. 29Bakili’anande bamosumola, iy’ate, Lenda, isanga otenda nko fololo mene: ofatende l’ekolanya tu; 30isanga tomey’oka e oeya baoyi bahatu, ko ofalele lacina boto akufola. La yoi line timedy’oka oyaki eneyali Yakomba. 31Yesu amakutwela, ate, Bimedya nde isanga? Lenda, esike engoya, 32o, emoyela nk’isanga, eneng’in’ofafanda, boto l’oto enek’enandamene, ko bongoncika nk’emi kei; ohonde mpayale emi kei: Bafango ayali nko l’emi 33Mokosumol’ino baoyi’ane lacin’eho boate mwi eneyal’emi. Ena loko boyali la njena bino; koko bonyangelaka: emi mosila yikamela loko.

Currently Selected:

Yoane 16: BBY62

Highlight

Copy