Yoane 14

1Botalangake betem’enino bekeswa la lokeseli. Bimedya Yakomba; bonjimedy’emi nkoho. 2En’otumba bon’afango’onami batonga bayali bike. Yombo etayala yok’osamb’oho, tumbe mokosumol’ino. Locoa oyokokolanyedy’ino edye ntutuma. 3Koko yombo locoa okokolanyedya edye, nongoya lakina, ko nongokotamb’ino eneyal’emamene, lacin’eho en’edye eneyal’emi, ino boyalama nko meho. 4Ko bili bonaco’emi, ino beya; ko beya mboka. 5Toma amosumola, ate, Nkolo, enaco’e tofeya; ko tongononganya mboka yok’osamb’oya? 6Yesu amosumola, ate, Emi nde nde Mboka, ko la Solosolo, ko la Liiko; efan’oto onoya eneyali Bafango yengoko l’emi kei. 7Yomb’ino bonjeyak’emi, tumbe beyaki Bafango’onami nkoho. Bisik’ine bomey’ende, ko bomeena. 8Filipo amosumola, ate, Nkolo, ototume Bafango: yoi linalang’iso nko liho kei. 9Yesu amokutwela, ate, Moyala l’ino bolingolingo yok’one, ko otanjeye, Filipo? Ende ononjen’emi, amena Bafango; ko out’oila, ate, Ototume Bafango, bosamb’oya? 10Ofimedy’oka emi njali eneyali Ba fango, ko Bafango ayali eneyal’emi? Baoyi banakosumol’emi, mpatende baho eneyal’emamene: Bafango onoyali eneyal’emi, endamene kongokamba bikambwa. 11Bonjimedyak’oka njali eneyati Bafango ko Bafango ayali eneyal’emi: yombo bofakolana l’oho, bonjimedya lacin’ena bikambwa mene. 12Solosolo, solosolo, lakosumol’ino, ende ononjimedy’emi angokamba bikambwa binakamb’emi, ko angokamba bikambwa bimoi binileki bine, lacina emi locoa eneyali Bafango’onami. 13Ko baoyi ban’etaketaka banang’in’oufola ena lina linami, nongila baho, lacin’eho Bafango akumyame eneyali Bona. 14Nko bufola yoi lin’etaketaka ena lina linami, nongila liho. 15Yombo bonjoka nganji, tumbe bongomonya beeka benami. 16Ko nongufola Bafango, ko angokof’ino Bokambi’omoi, lacin’eho ayalame l’ino nko njalama, 17nko Bolimo bona Solosolo, onofatambamisa l’ato bana loko, lacin’oka iyo bafeen’ende, ko bafeeya: ino bey’ende, lacin’ende aoyalama l’ino njalama, ko angoyala en’etem’enino. 18Mpakocikaki biciki: nongoya eneyal’ino. 19Nk’ilalela kei, ko bato bana loko bafanjenaki lakina; ohonde ino bongonjena: lacina emi njaike, ino bongika nk’osamb’oho. 20En’in’oho bongey’oka emi njali eneyali Bafango, ko ino boyali eneyal’emi, ko emi eneyal’ino. 21Ende onoyali la beeka benami, ko amonya beho, ende kongonjok’emi nganji; ko ende ononjok’emi nganji, Bafango’onami angook’ende nganji, ko emamene nongook’ende nganji, ko nongoyotum’emamene eneyal’ende. 22Yudasa (efa bise Keliota) amosumola, ate, Nkolo, ncina enayotum’e eamene eneyal’iso, ko ofayotume eneyali bato bana loko, eka nai? 23Yesu amokutwela, ate, Nk’oto anjok’emi nganji, angomonya yoi linami, ko Bafango’onami angok’ende nganji, ko tongoya eneyal’ende, tongila litonga liniso eneyal’ende. 24Ende onofanjok’emi nganji, afamonya baoyi’anami; koko yoi lineyok’ino lifayali linami: nko lina Bafango onontomaki nde liho.

25Mokosumol’ino baoyi’ane kuma njali l’ino. 26Koko Bokambi, nko Bolimo bon’olotsi, onongi Bafango otoma ena lina linami, angokolak’ino baoyi bahatu, ko angokoofody’ino baoyi bahatu banaki’m’okosumolak’ino. 27Lokocikel’ino mwi, lokof’ino mwi enami; mpakof’ino la bokotua bonafeela bato bana loko. Botalangake betem’enino bekeswa la lokeseli, ko botokake bofolu en’etem’enino. 28Ino bokaki eneki’m’okosumolak’ino, Locoa, ko nonguta eneyal’ino. Yombo bonjokaki nganji, tumbe bonyangelaki eneki’m’oilak’oka, Locoa eneyali Bafango, lacina Bafango andek’emi. 29Mokosumol’ino en’esik’ene, kuma yoi liho litilame, lacin’eho enengi liho oilama ino bimedya. 30Mpit’otenda l’ino bike, lacina lifoka lina loko lone aoya, koko afan’iyema eneyal’emi; 31ohonde emi njakambe yok’onoki Bafango ontomaka, lacin’eho bato bana loko bey’oka emi loka Bafango nganji. Bemala, tocu.

Currently Selected:

Yoane 14: BBY62

Highlight

Copy