Hechos 6

Chiyetôneyshisha'ne papi napu'yama vanqu'efenjanjas

1Pava lhech nalhus tanapshin'een papi nicacujanjasa pa yaash pa t'ajôôj, lhech t'aplhuqu'e ti suya papi griegos papi judíos, yit'esha papi lhca'vosch'acchey ca nichinovalhasha'ne pant'ajô'jesh pava nalhus ti chiyicatsônjatesh'in pava vatcôs pap'elh. 2Japi doce vat'eyjatsjanjas pa tayelhvane lhacôm'a papi nicacujanjasa pa yit'esh ts'ivee:

—A'va, saselhjopyam ca vômeshelhjop ti janfacleelh cava lhclishay pa Dios, ca vo'ya ca yicumjayasheeshelh ca yicatsônjatelh pava vatcôs. 3Pa lhe'naa, yivelhavot, ti c'ayôjieshelh'a ca avatvoolheyshi avaatsheelh papi napu'yama nivacle ninanjovaay, yamqu'een pa Espíritu Santo caaj shta pa lhcajôysha, pa jaspa acumjatelh'e napuque nôque vatcumjayash. 4Pa vooy yivaatsheelh tanca vômeshelhjop ti jaya'lhelh shi' ca janfacleelh cava Dios lhasinôc.

5Pa lhacôm'a ti vatculhesh ts'ivee côque, pa lhechesh pa t'acu'ma ts'ivee pa Esteban, pa lhech nivacle yamqu'een jum pa nilhcacujayasha shi' pa Espíritu Santo, shi' pa Felipe, pa Prócoro, pa Nicanor, pa Timón, pa Parmenas shi' pa Niicolás, pa lhech tôlh'e' pa Antioquía, t'acuumjulh lhapesh pa lhfanishlhavach papi judíos. 6Pa nijooylha ti chiychajey ts'ivee pan yie' japi vat'eyjatsjanjas, vooy japi lhech pa t'ajayesh'apee pava lhpôcôtôy pa t'alh'apee ts'ivee.

7Pa lhan'e cava Dios lhasinôc pa cajuey ca yam'eshi, pa lha acloj papi nicacujanjasa yiey ja Jerusalén. Acloj shta papi vatcasinôclesh judíos t'acuumjulh pa nivatcacujayasha.

Chiyôcfa' pa Esteban

8Pa lhech nivacle Esteban yamqu'een pa vat'unaj shi' pa is t'efenjayash pa Dios, yieyshi papi nivacle, ti yisnatshem pava nimatasa papu ca nitô'yesh shi' pava yinôôclhanitsha pa'na. 9T'ajôôj jô papi tôlh'e' pa lhavanqu'eyjatsjavat lhanquey Tanuqueeshch'e papi Lhancashac, tanaôycheelh shta papi t'ajôôj jô tôlh'e' pa Cirene, pa Alejandría, pa Celicia shi' papi tôlh'e' pa Asia. Papi lhech tavayeshelhvanôcji ts'ivee pa Esteban. 10Taj ti sasemjop ca nash'apee ts'ivee, lhayaash ti tasinôyesh pa uj lhcajôysha pa yefenesh pa Espíritu Santo. 11Lhechesh pa yishayanjop papi t'ajôôj jô ca ninôôlhjônchat pa ca niteetsha ts'ivee ca nipe'yeesh ca niysisaa pava lhclishaya ca natjuyeshjulh pa Moisés shi' shta pa Dios. 12Pa lhechesh pa yivôcôyan papi nivacle shi' papi nitaôvclasaesh, nôquee shta papi vanqu'eyjatsjanesh pava lhfanishlhavach. Papi lhech t'acum'evatam pa Esteban pa yôcfa' ts'ivee, pa yicha'jey t'ajuyish papi lhcaanvacles. 13Jô'tajesh ti vooyjop papu yinôôlhjônchatesh pava ca lhclishaya ca niteetsha:

—Nôque nivacle nimuc'a ca nivô'meshjop ti yiv'ojiyan na is vatishjanjavat shi' ti t'ajuyjulh nava vatyôjijates. 14Eem ti jape'yeeshelh na lhech ti yit'esha ja Jesús, Nazaret lhavo', ti yivômjat jayu na vatishjanjavat shi' ti vena yichesh'e jayu cava yifanishelhyivach niyôjieshelhyiy lhapesh pa Moisés.

15Lhan'e papi lhech lhcaanvacles shi' lhacôm'a papi lhech yie' yovalheyvatam pa Esteban ti yi'van ts'ivee pa lhtaco ti lhayyasha pa lhtaco pa ángel.

Currently Selected:

Hechos 6: NIVA

Highlight

Copy