Zôo 11
11
Zofa è lòno Zôo pɔ́
1Zôo kɛ́ɛ a m̀ɛi sáai, Naama naloŋ Zofa è nâa pɛ̀lɛ lónoɔɔ ma:
2Zôo, núu nyii a lôno tí a ŋánaai, fɛ̂ɛ nɔ́ é ŋ̀óli tɔ́ɔ núu da ma.
Í kpɔ́ɔi lonoi ŋí fa pɔ̂ri ǹɛ̂i a gɛɛ ífe niî mɛni nyɔ́mɔɔ kɛ́ ní.
3Ǹóno-ŋai ya gɛ̀i, fa pɔ̂ri gɛ̂i ǹúui gbéli-ŋai dí dímɛi sáa.
Ya ɣɛ́lɛ-maa kùla núu da kponôi, dífa í téniŋ tɔɔ?
Tɔ̃yâ ma da pâi gɛ̂i tí.
4Ya môi a gɛɛ m̀ɛnii ya môi nɔ́ ƃa dɔ̃yâi.
Íkɛ mò yɛ̂ɛ ífe niî mɛni nyɔ́mɔɔ da kɛ́ ní Ɣâla ŋɛ́i-tuɛ.
5Eêi kɛ̀ pere kɛ́ ƃò naa a gɛɛ Ɣâla nya kpîŋ é lóno ípɔ,
6a gɛɛ é ŋɔkɛ́-perei maa loo mɛni-ŋai lɛ́ yâ,
iî pâi gɔ̂lɔnii a gɛɛ Ɣâla ŋɔtárei fé nɔ́ m̀éla tɔnɔ ma.
Maa nɛ̃ɛ̂i a gɛɛ í mɔ̃lɛ kpɔ́ a ŋ̀ánaa,
kɛ́lɛ Ɣâla a ímaa nɛ̃ɛ a mɛni kpɔ̂lu loŋ nɔ́ láa yâ.
7Ya pɔ̂ri târei Ɣâla kɛ́-mɛni maa pɔlɔ-pɔlɔɔ-ŋai su?
Ya pɔ̂ri kpîŋ târei Ɣâla maa tɔ̃yâ da ŋɔtárei su?
8Ɣâla ŋɔtárei kɛ̂tɛi é tɛ́ɛ ŋ̀elei su ŋɔkɛ́tɛi ma,
ɣelêi-pere da saa-taa nyii gáa ǹɔii mu-perei.
Ǹyaŋ ífe mɛni da kɔ́lɔŋ é pîlaŋ ma.
9Ɣâla ŋɔtârei kɛ̂tɛi é tɛ́ɛ ǹɔii ŋɔkɛ́tɛi ma.
Gɛ̂tɛi máŋ é tɛ́ɛ yúo ŋɔŋa kɛ̂tɛi ma.
10À kɛ̀ Ɣâla a pà é núu da sòŋ é lí la m̀ɛni-sâa ƃó-nuui pɔ́,
maa ǹúui kpîŋ fa pɔ̂ri mɛni da kɛ̂i a gɛɛ é Ɣâla kpera.
11Ɣâla è ǹûai kɔ́lɔŋ da núu pɛlɛi.
Ɣâla a núu kâa sɔnyɔ̂ŋ kɛ̂i, va nîa maa-nuui tí ŋɔsɔnyɔ̂ŋ ma.
12Ƃoo-nuu tarêi kpanaŋɔ̂ɔi é tɛ́ɛ la
lɔɔ-fɛnɛ-sɛŋ ŋáa kɔŋɔɔ ma.
13Kɛ́lɛ Zôo, à kɛ̀ ya ípôlu tɔ̀ɔ ísɔnyɔ̂ŋ ma,
í íyee tɛ́ ɣelêi í Ɣâla fɛli,
14à kɛ̀ ya íyee kùla ísɔnyɔ̂ŋ su,
í ǹɛɛ naa teniŋ-ƃo làa é kɛ́ ípɛrɛi mu,
15tɔ̃yâ ma gɛ̀ ní ŋumɛ fé pâi kɛ̂i yâ íkɛ ɣéniɛi su.
Ya pâi kɛ̂i a ítɔɔ̂i kpanaŋɔɔ.
Sɛŋ-da fé pâi ímaa yaôi.
16Ya pâi nîai í mɛni kpɔ̂lui ma yɛ̂ɛ berei yá a fɛ̀ɛ,
à yèŋ, nûa da nîa la m̀ɛni mai.
17Vólo-leŋ a pâi pîlanii íkɛ̀-ɣeniɛi ma yɛ̂ɛ fólo tɛ́ɛ ŋuŋ ma fòlo.
Ǹyaŋ m̀ɛni-kpɔ̂luɔɔi nyii gáa íkɛ̀ ɣéniɛi sui,
maa a pâi fáleni yɛ̂ɛ kpíni a pène a ɣele-ƃɔɔ.
18Yao da kélee fé pâi kɛ̂i ŋɔ́nɔ íkɛ̀-ɣeniɛi su,
kili-kɛ-zu a pâi kɛ̂i íyêei.
Ɣâla a pâi ímaa kɔ̃ɔ̂i ífe pâi yaôi. Ya pâi ífii tɔɔ̂i.
19Sɛŋ-da fé pâi ímaa yaôi.
Núu támaa a pâi é ǹyée sée íŋɛi.
20Ŋ̀wana-lɔ̂ɔ-ƃelai dífe pâi tarêi m̀ɛnii su gáa kɛ̂i a diai.
Dífa berei kâa a gɛɛ dí pú.
Ǹyaŋ kili-kɛ-zu da kpɛ́ni fé ǹúu sîi-ŋai ŋí yêei é tée saa pôlu.
Currently Selected:
Zôo 11: KWB
Highlight
Share
Copy
Want to have your highlights saved across all your devices? Sign up or sign in
