Zôo 10
10
1Ɣâla, Tãi nɔ́ ŋá kɛ-ɣeniɛi fé lɛ́lɛ-nii,
ŋa pâi ísɔŋ lâai núu kélee ŋɛ́i.
Ŋa pâi ŋá mɛni sôlii kélee ƃôi yâ.
2Ŋa pâi môi yâ a gɛɛ ífe mɛni lɛ̂ɛ ḿâ.
Ŋa í marê kɛ̂i a gɛɛ í m̀ɛnii nyɔ́mɔɔi lɛ́ ḿâ nyii ŋá gɛ̀ a yai.
3À kɛ̀ ya mɛni kpɔ̂lu làa ḿâ, lé ƃé ya pâi gulâi zu?
Lé mɛni ƃé ya í pôlu tɔɔ̂i la zɛŋ í gbɛ̀tɛ a íkpîŋ yeei mai?
Ya íyee seêi ŋ̀wana-lɔ̂ɔ-ƃelai dímɛni kpɛtɛɛi mu lé mɛni ma?
4Ya mɛni ŋá kàa yɛ̂ɛ berei núu-kpune a mɛni ŋá kàa lai?
5Í kɛ̀ ɣeniɛi su kpuai yɛ̂ɛ núu-kpune ŋɔi?
6Lé mɛni ƃé ya ḿaa kpɛɛ̂i la a gɛɛ í ńzɔŋ kɔ́ri ḿâ
í ŋá mɛnii ŋá téei?
7Í gɔ́lɔŋ kpɔ́ ḿve niî mɛni nyɔ́mɔɔ da kɛ́ ní,
kɛ́lɛ núu da fé naa é ŋ́gula íyêei.
8Í ŋ́gbɛ̀tɛ a íkpɔɔi yee,
ǹyaŋ íkpɔɔ yeei a ŋɔnɔ kɛ́ ńzu karâi.
9Ɣâla, kɛ́ a gɔ́lɔŋɔɔ a gɛɛ í ŋ́gbɛ̀tɛ a pɔ̂rɔ.
Ya pâi ŋɔ́nɔ ḿvũa-fũai yɛ̂ɛ pɔ̂rɔ?
10Ífe gɛ́-ni ńee é ḿaa kôo siɣe,
é ƃɔlɔ é lɛ́ɛ la zu ḿaa sɔlɔ ƃó tãi é seri?
11Í ŋ́gao pù gîe ma í gbulɔ̂ŋ a ńana.
Í ŋ́gbono mɛi pɛ̂lɛ a ńuu da ŋ́gɔlɔ.
12Ya ŋ́wɛli a ŋánaa.
Ya gɛ́ ŋa kɛ́ ɣele ma.
Ya ḿɛi káa kpɔ́ a ǹɛ́lɛɛ.
13Ífe ǹɛɛ ní naa núu da é m̀ɛni nyɔ́mɔɔi kɔ́lɔŋ íkɛ ŋ̀wɛ̂lii í gɛ́ a ńyãai.
Ŋaâ nâa gɔ́lɔŋ a gɛɛ íkɛ m̀ɛni-ŋai ŋí kpɛ̀tɛi ḿɛni ma.
14Íkɛ̀ kpɔ́ nɔ́ ḿaa kpɛɛ̂i íkɛ gàa yɛ̂ɛ sɛŋ ƃé ŋá pâi sɔnyɔ̂ŋ kɛ̂i,
a gɛɛ í ńzoŋ ŋá sɔnyɔ̂ŋ mɛni ma.
15À kɛ̀ ŋa sɔnyɔ̂ŋ kɛ̀, mɛni kpɔ̂lu a pâi lâai ḿâ.
Kɛ́lɛ à kɛ̀ ŋa teniŋ ƃô tua kɛ̀, fé pâi m̀aa laa maa tɛ̀ sɔlɔ ƃôi.
Ƃaa kula-maa a ŋ́gɛ nɔ́ ŋɔ̃ɔ ŋ́gɛ mɔ̃lɛ mîi.
16À kɛ̀ ŋa yoŋka tèe ŋ́gɛ mɛni da ma,
ya kɛ́ yɛ̂ yala-sulu íkɛ ŋ́gbɛ̀ a gɛɛ í ńzoŋ í ḿbaa.
Ya mɛni maa pɔlɔ-pɔlɔɔ kɛ̀ a gɛɛ í mɛni ŋánaa kɛ́ a ńyãa.
17Yaâ ŋɔ́nɔ sêre-ŋa sìɣe a gɛɛ dí tɔ́ɔ ḿâ.
Ǹyaŋ ya í lii-ŋwana kpɔ́ ḿâ a ŋa ŋánaa.
Ya mɛni kpɔ̂lu láa nɔ́ ḿâ yɛ̂ɛ berei kɔluluƃa a kula vii tɔɔ̂i a kɔ̂ la gbɔara-nuu pɔi.
18Lé ƃé kɛ̀ íkɛ nɛ̀ɛ naa díkɛ maa sɔlɔ ƃôi?
Eêi kɛ̀ a mɛni lɛ́lɛɛ èe kɛ̀ dífe ḿaa sɔlɔ ƃó ni.
19Eêi kɛ̀ a mɛni lɛ́lɛɛ eêi kɛ̀ ŋá sáa dínòo kpɔ́ nɔ́ a maa félaa.
Nyíŋi eêi kɛ̀ a mɛni lɛ́lɛɛ.
20Ŋá kɛ-ɣeniɛi su fé ŋɔ́nɔ kôyaa-ni.
Tée ma a da-loŋ a gɛɛ ŋá fii-tɔɔ loŋ sɔlɔ ƃó,
21ŋá lɛ́ɛ pâi liî ǹɔii su
kpiniɛɛ maa pɔlɔ-pɔlɔɔi tí su ḿva ŋɔ́nɔ pà pôlu.
22Ŋa pâi liî ƃɛ́i naa sãa kélee táa-taai, naa kɛ́ ƃò nɔ́ wúleei,
ƃɛ́i naa kwaa ponoɔɔ káa nɔ́ a kpínii.
Currently Selected:
Zôo 10: KWB
Highlight
Share
Copy
Want to have your highlights saved across all your devices? Sign up or sign in
