Kɔleŋtiɛŋ Veerɛi 13
13
14Tãi zaaƃai ká ŋí ŋa pâi la kápɔ naa. M̀ɛnii kélee ka pâ lai, fɛ̂ɛ seri feerɛ kpaa saaƃa é kɛ́ ma. 2Diai dí sɔnyɔ̂ŋ kɛ̀ a maa-ŋuŋ ŋa dília-woo ƃo da núu kpeli-ŋai kélee, ǹyaŋ ŋa nâa dília-woo ƃôi tãi ḿve la naai, yɛ̂ɛ berei ŋá gɛ̀ la ŋánaa-kaa-siai veerɛ-ɣelei mai, a gɛ́ɛ ŋà pà ŋɔnɔ fé pâi dímalôŋ kâai 3tãi nɔ́ ka ŋ̀wɛ̂lii la ká zɛŋ káa a nɛ̀ a gɛ́ɛ Kôrai káa lônoi ŋ́gbonôi. Víi fé kpɛɛ ni a berei a tûa la a káai, kɛ́lɛ, wála-wala káa ǹyêei kákponôi. 4Kpɛ́ni fêi, dí gbamo wúru su-tíyeŋɔɔ ma fii-kpɛɛ su, kɛ́lɛ, gáa ɣele ma a Ɣâla ŋɔwála-walai. Kpɛ́ni fêi, kúfii kpɛɛ̂i gbonôi, kɛ́lɛ, kútûa-perei su a káa, kwa dîa-ni kwa pâi kɛ̂i ɣele ma a Ɣâla ŋɔwála-walai.
5Ka kákpîŋ maa kpɛɛ ká gáa à kɛ̀ kálaa-lai káa niî káyêei. Ka kákpîŋ su kɔɔ̂ŋ. Káfe gɔ́lɔŋ Zîsɛ Kôrai káa kákponôi? Tɔ̃yâ ma, ǹyaŋ fɛ̂ɛ nɔ́ ka fɛɣɛ su-kɔɔŋ su. 6Kili-kɛ-zu káa ńyêei a gɛ́ɛ ka pâi gɔ́lɔnîi a gɛ́ɛ kúfe niî fɛɣɛ ni. 7Kɛ́lɛ, kwa Ɣâla fɛlîi a gɛ́ɛ káfe mɛni nyɔ́mɔɔ kɛ̀ zu-kulâi fa kúa kpîŋ kwa pɔ̂ri tɛɛ̂i su-kɔɔŋ su, kɛ́lɛ, a gɛ́ɛ ka mɛni lɛ́lɛɛ kɛ́, berei máŋ gáa la yɛ̂ɛ nya ƃe kú fɛɣɛ̂i. 8Kpɛ́ni fêi, kúfa pɔ̂ri mɛni da kɛ̂i nyíi a tɔ̂ɔ dɔ̃yâi mai, kɛ́lɛ, fɛ̂ɛ nɔ́ é kɛ́ dɔ̃yâi mɛni ma. 9Kpɛ́ni fêi, kúlii nɛ̃ɛ̂i à kɛ̀ kúfii kpɛɛ̂i kákponôi kpanaŋɔɔ. M̀ɛnii kwa Ɣâla fɛlîi mɛni mai, ǹyaa ƃa kámaa-mɛni kélee su é sã́a. 10Ŋa nyíŋi pɔ̃yɛ̂i tãi fé la kásamâi a gɛ́ɛ ŋà pà fé kálùaŋ a gbanaŋɔɔ a ŋɔwála-walai Kúnuu-namui è dɛ̀ɛ ḿbɔ a gɛ́ɛ fé káwòlo, kɛ́lɛ, ŋá kátɔɔ lai
Ǹaa-ti-maai gbɛɛ ŋái
11Gbɛɛ ŋái, ŋánûa, káɣele-wulii. Ka kátûa-perei pɛ́ŋ pɛ́lɛ, ká káwoli tɔ̂ɔ m̀ɛnii ŋí ma ŋa môi kâai, ka káwoo kɛ́ zu tɔnɔɔ, ká kɛ́ lii-sêe su, gɛ̀ ní ŋwɛli-kɛ-maa da nii-see-Ɣalai a pâi kɛ̂i kákɔlɛ. 12Ka kála ti kákîe-ni dîa a la-kpɔ see-ma maa waa. 13Ŋ̀âla-ƃelai kélee dí fàa kâa.
14Kúnuu-namui Zîsɛ Kôrai ŋɔƃɛlɛ-sêei da Ɣâla ŋɔwɛli kɛ́-maai é pɛ́lɛ M̀ɔlêŋ Maa Waai ŋɔkɛ-naai ma é kɛ́ kákelee kákɔlɛ.
Currently Selected:
Kɔleŋtiɛŋ Veerɛi 13: KWB
Highlight
Share
Copy
Want to have your highlights saved across all your devices? Sign up or sign in
