Zaburey 36
36
Boro futu teegoyey si Irkoy borohennataraa ganji
1Donkey boŋkoynoo ka woo don. Abadantaa tamoo Dawda dooni ti woo.
2Boro futu šenni foo goo ay binoo ra.
Nga tureyanoo ra, nga do, a nee kaŋ Irkoy hunburay sii no.
3A ga dere ka nga boŋ dii boro henna,
hala nongu kaŋ ra a si dii nga layboo kʼa konnay.
4Nga meešenney manʼti kala ifutu nda zanba,
ka ihenna tee sii nda a se addalil.
5A ga bone miile nga daaroo boŋ,
a goo fondo boŋ kaŋ si boori,
a si wanji ifutu.
6Abadantaa, ni borohennataraa ga too beenaa ra,
ni laadirtaraa ga too hala duulawey do.
7Ni šerretaraa ga hima nda tondi hondey kaŋ ga kuu nda tondi hondey kul,
ni ciitey ga hima nda guusu beeri.
Abadantaa, nʼga adamizey nda adabbawey hallasi.
8Irkoy, ni borohennataraa cine sii no!
Ni fatawey biyoo cire adamizey ga duu nongoo kaŋ ra i ga tugu.
9I ga kungu ni hugoo gomney ra,
nʼga gomni tee i se sanda boro kaŋ duu isa hari henna kʼa haŋ.
10Zama ni do hunayan ga hun,
ni gaayoo no ka kate ir dii gaay.
11Ni borohennataraa kaataray waati kul borey se kaŋ ga ni bay,
ma ni šerretaraa cebe waati kul borey se kaŋ biney ga šerre.
12Yala bolsantaa cewey masi too kate ay do,
yala boro laaley kabey masʼay zurandi!
13Borey kaŋ ga šerretaray jaŋay tee ne ka kaŋ,
i nʼi kaŋandi, i si hin ka tun koyne.
Currently Selected:
Zaburey 36: ses
Highlight
Share
Copy
Want to have your highlights saved across all your devices? Sign up or sign in
© BFP Velberter Mission and Wycliffe Bible Translators, Inc.
