Zaburey 32
32
Irkoy ti zunubu yaafakaa
1Woo ti Dawda bayti dooni foo.
Boraa duu gomni kaŋ goy futawey yaafandi,
de nga zunubey tuusandi.
2Boraa duu gomni kaŋ Abadantaa si nga laybey kabu a se,
de mo zanbayan sii lakkaloo ra.
3Kullihinne ay ga dangay ay zunubey ga,
ay birey gʼay tutubu, ay ga taabi zaaroo kul,
4zama cijin nda zaari ni kaboo tiŋaa goo ay ga,
ay gaaboo bere ka tee konni waati kogay. Kay-kayna
5Woo maaganda se ay yadda ay zunuboo ga kʼa cebe ma ne,
ay manʼay layboo tugu,
ay nee: «Ay gʼay hooyaney har kaaray Abadantaa se.»
Ni, nʼnʼay layboo yaafa, ay zunuboo yaafandi. Kay-kayna
6Yala ni ganakey kul ma ni ŋaaray waati kaŋ nʼga duwandi ra!
Waati kaŋ hari beerey na nongoo kul dii, haroo si too i do.
7Ni ti nongoo kaŋ ra ay ga tugu, nʼgʼay kaa šiitayan ra,
ni hallasiroo kaatiyanoo gʼay kuubi kʼay bere. Kay-kayna
8Ni nee: «Ay ga ni cawandi,
ay ga fondaa har ma ne kaŋ nʼga hima kʼa zaa,
ay ga ni hoyray, ay moɲey goo ni ga.
9War masi tee sanda bari wala lanbaana kaŋ sii nda lakkal,
i ga aljam nda kasiji daŋ i ga kʼi gooji,
hala i masi duu ka man ni.»
10Dooray boobo goo boro laala se,
boro kaŋ na nga naanaa daŋ Abadantaa ra,
Abadantaa borohennataraa gʼa kuubi kʼa bere.
11Boro šerrantey, wa ɲaali nda Abadantaa, wa yafarhã!
Wa ɲaali kaatiyaŋ tee, war kul kaŋ biney ga šerre!
Currently Selected:
Zaburey 32: ses
Highlight
Share
Copy
Want to have your highlights saved across all your devices? Sign up or sign in
© BFP Velberter Mission and Wycliffe Bible Translators, Inc.
