Yaasawey 18
18
1Boro kaŋ ga nga boŋ daŋ jere ga
mma nga ibaayoo ceeci,
a si yadda cimi kul ga.
2Fahamay si kan lakkal jaŋante se,
ka nga miileyaney daaru ganda no ma kan a se.
3Nda boro futu kaa, kaynandiyan kaa,
nda haawi kaa, wowyan kaa.
4Adamize meešenney manʼti kala hari guusuyaŋ,
hayaa kaŋ ra lakkal ga hun manʼti kala isa kaŋ ga dandi.
5A si boori ma boraa kaŋ tooɲe noo cimi,
ka boro šerrante zukandi nga cimoo ga.
6Lakkal jaŋante miɲoo ga huru yenjeyaŋ ra,
miɲoo ga kate a ga žabari.
7Lakkal jaŋante miɲoo no ma kate nga halaciroo,
miɲoo manʼti kala kumsay a se.
8Almunafiki šenney manʼti kala sanda ŋaayan kaanayaŋ,
i ga zunbu hala gaaham kunehere.
9Boro kaŋ ga nga kaboo yaynandi nga goyoo ra,
nga nda hasarante kul ti affoo.
10Abadantaa maaɲoo manʼti kala soorohugu kuku gaabante,
šerrante ga zuru ka huru a ra ka hallasi.
11Almankoyni almanoo mma tee a se koyra gaabante,
a ga hongu kaŋ cete kuku no kaŋ haya kul si hin a.
12Binebeeray banda ga, kaŋyan ga kaa,
boŋ yeetiyan ganda banda ga, beeray ga kaa.
13Boro ma zaabi bila nda a ma haŋajer jina,
woo ti saamataray nda haawi.
14Adamize hundoo no mʼa faaba wirci waati,
hundi kaŋ maray, may no mʼa faaba?
15Bine kaŋ ga faham ga duu bayray,
lakkalkoyney haŋawey ga bayray ceeci.
16Gomni teeyan ga meeyaŋ feeri,
ka koy nda boro hala boro beerey do.
17Boro jinaa kaŋ ga šelaŋ ga hima cimikoyni,
nda nga cinaa kaa, nʼga dii nda cimi no.
18 Alkurra ga yenje benandi,
a ga boro gaabanteyaŋ fay.
19Arma kaŋ i nʼa tooɲe manyan ga šendi
ka bisa koyra gaabante diiyan,
yenje ga hima nda kokoy hugu kufaley.
20Boro meešennoo ga hin kʼa noo haya kaŋ nda a ga huna,
nga meešennoo ga hin kʼa noo haya kaŋ gʼa kungandi.
21Deene ga hin ka tee sabbu ka kate buuyan wala hunayan,
boro kaŋ ga baa šenni ga duu hayaa kaŋ šenni gʼa hay.
22Boro kaŋ duu wande duu gomni,
alhormo no kaŋ Abadantaa nʼa noo a se.
23Talkaa mma suurandi ka šelaŋ,
almankoynoo ga zaabi nda šenni kasa.
24Boro kaŋ goo nda cereyaŋ
ga hin ka duu ey nga bonaa se,
amma cere goo no kaŋ ga man ni ka bisa arma.
Currently Selected:
Yaasawey 18: ses
Highlight
Share
Copy
Want to have your highlights saved across all your devices? Sign up or sign in
© BFP Velberter Mission and Wycliffe Bible Translators, Inc.
