Lewitikɔs 19

Mmara ahodoɔ bi ntimu

1Na AWURADE kasa kyerɛɛ Mose sɛ: 2#Lew 11.44-45; Mat 5.48; 1 Pe 1.15-16 Kasa kyerɛ Israelfoɔ asafo no nyinaa na ka kyerɛ wɔn sɛ: Monyɛ kronkron, ɛfiri sɛ me, AWURADE mo Nyankopɔn, meyɛ kronkron. 3#Eks 20.8, 12 Mo mu biara mmu ne na ne n’agya, na monni me home nna no: Mene AWURADE mo Nyankopɔn. 4#Eks 20.3; 34.17 Monnnane mo ho nnkɔ abosonhuhuo no nkyɛn, na monnyɛ ahoni a wɔaguo te sɛ anyame mmfa: Mene AWURADE mo Nyankopɔn.

5 # Lew 22.18-20 Na sɛ mobɔ asomdwoeɛ afɔdeɛ ma AWURADE a, mommɔ no sɛdeɛ ɛbɛma moasɔ ani: 6#Lew 7.15-18 Da a mokum no ara na wɔnnie, ne n’adekyeeɛ, na deɛ ɛbɛka akɔduru nnansa no, wɔmfa ogya nhye. 7Na sɛ wɔdi no da a ɛtɔ so mmiɛnsa no a, ɛyɛ akyiwadeɛ, ɛnsɔ ani; 8na deɛ ɔdie no bɛsoa ne mmusuo, ɛfiri sɛ AWURADE akronkronneɛ na wagu ho fi, na wɔbɛtwa saa ɔkra no afiri ne man mu atwene.

9 # Lew 23.22; Deut 24.19; Rut 2.2, 15-16 Na sɛ motwa mo asase so nnɔbaeɛ a, nwie wo nkwanseɛ deɛ no twa, na nni w’afuomdeɛ no mu mpɛpɛ; 10na wo bobe turo nso, nni mu mpɛpɛ, na wo turo mu aba a ɛgugu fam no, ntase; gya ma ohiani ne ɔhɔhoɔ: Mene AWURADE mo Nyankopɔn.

11 # Eks 20.15-16; 1 Te 4.6 Mommmɔ korɔno, na monnni kusum, na obiara nntwa ne yɔnko nkontompo. 12#Eks 20.7; Mat 5.33 Na monnka me din ho ntam atorɔ mu, na woanhura wo Nyankopɔn din ho: Mene AWURADE.

13 # Deut 24.14-15; Yer 22.13; Yak 5.4 Nni wo yɔnko amim na ntwa no dwo. Mma wo paani akatua nnka wo nkyɛn mma adeɛ nnkye. 14#Deut 27.18 Nnome ɔsotifoɔ na mfa suntidua nto onifirani anim, na suro Onyankopɔn: Mene AWURADE.

15 # Eks 23.6; Deut 16.19-20 Monntwa atemmuo mu nkontompo. Nhwɛ mmɔborɔni anim, na nyɛ deɛ ɛbɛsɔ otumfoɔ ani; tenenee mu na bu wo yɔnko atɛn. 16Nkyini wo nkurɔfoɔ mu nni nsekuro; nsɔre ntia wo yɔnko mogya. Mene AWURADE.

17 # Dwom 141.5; Mat 18.15 Ntane wo nua w’akoma mu; ka na ka wo yɔnko anim, na woansoa ne ho bɔne. 18#Mat 22.39; 5.43-48; Luk 10.25-37; Rom 13.9; Gal 5.14; Yak 2.8; Yoh 13.34 Ntɔ were na nnya wo nkurɔfoɔ mu biara ho menasepɔ, na dɔ wo yɔnko sɛ wo ho: Mene AWURADE.

19 # Deut 22.9-11 Monni m’ahyɛdeɛ so. Mma w’afieboa nnni afrafra mmforo wɔn ho; w’afuo nso, mfa adeɛ mfrafra nnua mu, na mma ntoma ahodoɔ mmienu nsasaawa nnka wo ho.

20Sɛ ɔbarima bi ne ɔbaa da na ɔde ne ho ka no, na ɔbaa no yɛ afenaa a wɔde no ama obi awareɛ, na gyeɛ na wɔnnya nnyee no anaasɛ wɔnnya mfaa ne ho nkyɛɛ no a, wɔmpeepee mu ntwe wɔn aso, na wɔnnku wɔn, ɛfiri sɛ ɔnne ne ho. 21Na ɔbarima no mfa n’asodie ho afɔdeɛ mmrɛ AWURADE, ahyiaeɛ ntomadan no ano, asodie ho afɔdeɛ dwennini na ɔmfa mmra. 22#Lew 5.17-18 Na ɔsɔfoɔ no mfa asodie ho afɔdeɛ dwennini no mpata mma no, AWURADE anim, bɔne a wayɛ no nti, na wɔde ne bɔne a wayɛ no akyɛ no.

23Na sɛ moduru asase no so na motɛ dua biara a wɔdie a, mommu n’aba no sɛ momonotodeɛ; mfeɛ mmiɛnsa na ɛnyɛ mo momonotodeɛ, wɔnnni; 24na afe a ɛtɔ so nnan no, ɛso aba nyinaa nyɛ kronkron mma AWURADE ayeyie; 25na afe a ɛtɔ so nnum no, monni n’aba, na ne nnɔbaeɛ nkɔ so nnɔɔso mma mo: Mene AWURADE mo Nyankopɔn.

26 # Lew 3.17 Mommfa mogya nnka biribi ho nnni. Monnni adebisasɛm na monngoro abayigorɔ. 27#Lew 21.5; Deut 14.1 Monnkonton mo nwi ano, na nsɛe wo bɔdwesɛ ano. 28Mommotabota mo ho mmma awufoɔ, na monnkurukyire mo ho atwerɛ biara: Mene AWURADE.

29Nhura wo babaa ho mma no mmmɔ adwaman, na asase no ammɔ adwaman, na mmusuo anyɛ asase no so ma. 30Monni me home nna na monsuro me kronkronbea no: Mene AWURADE.

31 # Lew 20.6; Deut 18.10-11; 1 Sa 28.7 Monnnane mo ho nnkɔ ɔdebisafoɔ nkyɛn, na monnhwehwɛ adunsinfoɔ akyiri kwan mmfa nngu mo ho fi wɔ wɔn ho: Mene AWURADE mo Nyankopɔn.

32Fa obuo ma ɔpanin, aane di akɔkoraa ni, na suro wo Nyankopɔn: Mene AWURADE. 33#Eks 22.21 Na sɛ ɔhɔhoɔ bi bɛsoɛ mo asase so a, monnhyɛ ne so. 34Ɔhɔhoɔ a wabɛtena mo mu nyɛ mo sɛ mo kuromani bi, na dɔ no sɛ wo ho, ɛfiri sɛ moyɛɛ Misraim asase so ahɔhoɔ: Mene AWURADE mo Nyankopɔn.

35 # Deut 25.13-16; Mmb 11.1 Monntwa atemmuo mu nkontompo, adesusuo, adekarie ne adehyɛ mu; 36nsania tee, abrammoɔ tee, efa tee ne susutoa tee na monkura: Mene AWURADE mo Nyankopɔn a meyii mo firii Misraim asase soɔ no. 37#Lew 18.30 Na monni m’ahyɛdeɛ nyinaa ne m’atemmudeɛ nyinaa so nyɛ: Mene AWURADE.

Currently Selected:

Lewitikɔs 19: ASWDC

Highlight

Copy