Lewitikɔs 18

Nna mu akyiwadeɛ

1Na AWURADE kasa kyerɛɛ Mose sɛ: 2Kasa kyerɛ Israelfoɔ na ka kyerɛ wɔn sɛ: Mene AWURADE mo Nyankopɔn. 3#Eks 23.24 Misraim asase a motenaa soɔ no so nneyɛeɛ deɛ, monnyɛ. Na Kanaan asase a mede mo rekɔ soɔ no so nneyɛeɛ nso, monnyɛ, na monnni wɔn ahyɛdeɛ so. 4M’atemmudeɛ na monyɛ, na monkora m’ahyɛdeɛ sɛ mobɛdi soɔ. 5#Neh 9.29; Hes 20.11; Rom 10.5; Gal 3.12 Mene AWURADE mo Nyankopɔn. Na monkora m’ahyɛdeɛ ne m’atemmudeɛ a onipa a ɔyɛ no bɛnya mu nkwa no. Mene AWURADE.

6Obiara nnkɔ ne bogya biara a ɔyɛ ne honam no ho nnkɔyi n’adagya so. Mene AWURADE. 7Nyi w’agya anaa wo na adagya so; wo na ne no, nyi n’adagya so. 8#Gye 35.22; Deut 27.20; 1 Ko 5.1 Nyi w’agya yere adagya so; w’agya adagya ne no. 9#Deut 27.22 Wo nuabaa a ɔyɛ w’agya ba anaa wo na ba no, wɔwoo no efie oo, wɔwoo no baabi oo, nyi wɔn adagya so. 10Wo babanin babaa anaa wo babaa babaa, nyi wɔn adagya so, ɛfiri sɛ ɛyɛ w’adagya. 11W’agya yere babaa a w’agya awo no no, ɔyɛ wo nuabaa, nyi n’adagya so. 12Nyi w’agya nuabaa adagya so; ɔyɛ w’agya honam. 13Nyi wo na nuabaa adagya so, ɛfiri sɛ ɔyɛ wo na honam. 14Nyi w’agya nuabarima adagya so nkɔ ne yere ho; wo na kumaa ne no. 15#Gye 38.16 Nyi w’ase adagya so; wo babarima yere ne no, nyi n’adagya so. 16#Mar 6.18 Nyi wo nua yere adagya so; ɛyɛ wo nua adagya. 17#Deut 27.23 Nyi ɔbaa bi ne ne ba adagya so; mfa ne babanin babaa anaa ne babaa babaa nyi wɔn adagya so; ne honam ne wɔn; ɛyɛ abusudeɛ. 18Na mfa ɔbaa ne ne nua nware sɛ wobɛma wɔatwe kora, sɛ ɔda so te aseɛ no, wobɛyi n’adagya so aka ne ho.

19 # Lew 15.24; Hes 18.6; 22.10 Na nkɔ ɔbaa a ne nsabuo mu ne ho nteeɛ no ho nkɔyi n’adagya so. 20#2 Sa 11.4 Na wo ne wo yɔnko yere nnna, na mfa wo ho nsuo mma no mfa ngu wo ne no ho fi. 21#Deut 18.10; 2 Ah 21.6; Dwom 106.37; Yer 7.31 Na mfa w’asefoɔ mu bi mmɔ afɔdeɛ#18.21 Hebri mma wɔmmfa ogya mu mmma Molek, na ngu wo Nyankopɔn din ho fi; mene AWURADE. 22#Gye 19.5; Rom 1.27; 1 Ko 6.9 Na wo ne ɔbarima nnna ɔbaa nna; ɛyɛ akyiwadeɛ. 23#Eks 22.19 Wo ne aboa biara nnna mmfa nngu wo ho fi; na ɔbaa bi nnnyina aboa bi anim nnnane ne ho mmma no; ɛyɛ basabasayɛ.

24Mommfa nnoɔma yi biara nngu mo ho fi, ɛfiri sɛ yeinom nyinaa na amanaman a merebɛtu wɔn afiri mo anim yi de agu wɔn ho fi, 25na asase no so agu fi, enti na meretua ɛso amumuyɛ no so ka, na asase no afe ɛsotefoɔ no agu. 26Na mo deɛ, monni m’ahyɛdeɛ ne m’atemmudeɛ so, na monnyɛ saa akyiwadeɛ yi mu biara, kuromani oo, ɔhɔhoɔ a wabɛsoɛ mo mu oo, 27ɛfiri sɛ saa akyiwadeɛ yi nyinaa na asase no sofoɔ a wɔdi mo anim no ayɛ, na asase no so agu fi. 28Na asase no amfe mo angu sɛ moagu ho fi, sɛdeɛ ɛfee amanaman a wɔdii mo anim no guiɛ no. 29Na obiara a ɔbɛyɛ saa akyiwadeɛ yi mu biara no, wɔbɛtwa wɔn a wɔyɛ no afiri wɔn man mu atwene. 30Enti monhwɛ m’ahwɛdeɛ, na moanyɛ ahyɛdeɛ a wɔkyire a wɔdii mo anim yɛeɛ no amfa angu mo ho fi: Mene AWURADE mo Nyankopɔn.

Currently Selected:

Lewitikɔs 18: ASWDC

Highlight

Copy