Galantiya 6
6
Naah li tug tab a tugi man
1N nabum, ni ye ni kan uba tun titoonbir ke, nim ban be nin Kinaaŋin ni ter mu soon wee un mann ki sir nbamɔm, amaa wee ki li nyi ni ba bu, naa ye man ke ni mu li kɔɔ libiginlin. 2Ni li tug tab a tugi ya man, ni ye ni ŋaan man ke, ni li gbeen Masiya a siimin. 3Ni ye uninfo tiɛr ke u ye niba, wee kaah sin ye niba ke, u lar u ba le. 4Uninfo biɛn nmag u ba a toon ya. Wee ki nin fir ki fa u gbingbanl u toon ŋan bu, ki laa jɔɔ u ba magir u kpiɛgi, 5uninfo biɛn ntum u tɔɔl a tugil.
6Bininfob ban gaa Uwonbɔr a bɔŋann nin a wɔɔmin, ni kpaa le nin bin por baah jɔɔ niwann ŋann nan biɛn ki sei wan wɔɔnn bi.
7Ni laa che bin lar ni: Uwonbɔr kaa ye kuwanlawaŋi. Uninfosaal chiɛ waah bun niwann nan le. 8Wan bun u tɔɔl a gbanann a bam a wan booli ke, u na yin chiɛ nkum le; wan mu bun iwanbool yan gbee kinaaŋin a num ke, u na yin chiɛ limiɛfol lan kaa jɔɔ ndiɛmin le kinaaŋ ban. 9Mambu ni laa che ti bag itoon ŋan a tum bu, ni ye taa jiɛn itoon ŋan a tum ke ti na li kan tinyɔɔr n-yonn man chaan nan. 10Mambu, taah kan nsan nin ti li tun itoon ŋan, ni che ti li tun itoon ŋan ki tenn bininfob biɛn na, naah dii tɔɔ ban bu le ye ban ye biwonjiɛm a niin yaab.
Ikpaan yan joor nin ipoor
11Ni kan maah ta min tɔɔl a nɔɔ ki sɔb isɔb gbingbem yan ki sei na!#6:11 Pɔɔl nan jɔɔ ugbansɔbir wan sɔb u gbɔŋ le, amaa ni niɛ wɔɔn ke Pɔɔl baantɔɔl le sɔb nan. 12Bininfob ban ban bin wɔɔn biba a ŋam npaan ni nin bi ma mugir ni ke ni jii ni pun. Nan bu che bi ŋaan man ye baa ban biba nmugir bi Masiya a dapunpunlin bu. 13Ban jiil bi pun nmɔn gbaa kaa nɔɔ nsiimin ni, nin ni ma biɛn ni le ki ban ni jii ni pun wee bi li jɔɔ far bi gbingban ni gbanann a binbem bu. 14Min kaa li nyi ki fa ligbingbanli, see ti Yudaau Yisa Masiya a dapunpunlin a binba bu, u dapunpunl nmɔn le ku kutingbɔŋ nan a kɔlisa n gbanann nin, le n mu a kɔlisa nyan kutingbɔŋin na. 15Uninfo wan jii nin wan kaa jii kaa ye niba; nan kpaa talar le ye kuwonaaŋ pɔŋin. 16Uwonbɔr a posɔɔm nin u nyunyunbasanl li be ban nɔɔ nwɔɔm nan bu, hali nin ban ŋa Uwonbɔr a bɔŋann nin yada-n ban ye Juu yaab nin ban kaa ye Juu yaabin biɛn.
17N bɔjoor kaar ye nan le, uba laa ji mugirimi, n pii jɔɔ Yisa a daagim n gbanann nin.
18N nabum, ti Yudaau Yisa a nyunyunbasanl li be nin ni naam. Ibamɔn.
Currently Selected:
Galantiya 6: KUGL
Highlight
Share
Copy
Want to have your highlights saved across all your devices? Sign up or sign in
Komba New Testament © Bible Society of Ghana, 2014.
