Efesusi Nan be kugbɔŋ nan a poolin
Nan be kugbɔŋ nan a poolin
Pɔɔl kaah nan sɔb kugbɔŋ kan sei Efesusi yaabin ki nan chinn pag tibɔr tan ye, “N-yonn nmɔn nan foo ke, U ni li tun ki gbeen U lol nmɔn, ki lagin waah nan naan nan papaab nin tum biɛn, wee Masiya li ye uyudaan” (1:10). Ki ji ye ibalin ki tenn Uwonbɔr a ninfob ke bi li ŋmag Uwonbɔr kaah bon ibonn takpen yan ye Un ta bininfob biɛn a mɔb ki kpaag tab nin Yisa Masiya nna.
Pɔɔl nan sɔb kugbɔŋ nan ki sɔŋ ban la nan yɔɔn kpenn bi binbemin a poolin le, naah li ŋa man wee bin biɛ ke bi ma nin ban nan chinn kpenn bi binbemin biɛn ye nba le. U nan ban un sɔŋ ban nan kpenn bi binbemin a pool le, ban nan nyan Efesusi yaab a tingbanpiiu wan wee bi yi ke Atemisi n-yaan wee ki san bijawaamin le. U nan sɔb ki ban bin karin ki le kuninfogbaluŋin. Le ni nan ye Tachikusi le n karin ki (Efesusi 6:21-22) wee ni li nann ileen a pagim ki tenn biwonjiɛm liwonjiɛnl a yonn.
Pɔɔl nan chinn wɔɔn Efesusi yaab ke njiɛm bu le Uwonbɔr wan ye Baa nan gann U ninfob, le ki wɔɔn baah kan jiɛnper wee ki nyan bi birin Yisa Masiya wan ye U bigin bu, nin Kasi a Naaŋ kaah nan che Uwonbɔr a mɔsiinl takpenlin gbeen man. Ni ma bu biwonjiɛmin biɛn ye nba le Masiya ni. Le nan kpiɛ milee, u balin u gbɔŋ karimin nin ban peligin ke bi li jɔɔ njiɛm nin taba baah jɔɔ nmɔkpaa nin Masiya n bu.
U nan ta pag wonn a leen takpem le ki wɔɔn Uwonbɔr a ninfob nin Yisa kaah ye nba man; ni ma ye: Biwonjiɛm nann tigbanann le Masiya ye liyul; bee kudiig le Masiya ye kijaantelig; bee poo, le Masiya ye u chal. Niwann biɛn ga Masiya a wonweemin bu le, u jiɛm nin u manug nin u jiɛnper nin u nyunyunbasanl ki kpiɛ u kasi a binbem.
Kugbɔŋ nan kaah por man
Nan be kugbɔŋ nan a poolin a piinim (1:1-2)
Masiya nin Biwonjiɛm (1:3—3:21)
Nbinben pɔɔn man be Masiya ni (4:1—6:20)
Ndiɛm (6:21-24)
Currently Selected:
Efesusi Nan be kugbɔŋ nan a poolin: KUGL
Highlight
Share
Copy
Want to have your highlights saved across all your devices? Sign up or sign in
Komba New Testament © Bible Society of Ghana, 2014.