१ राजा 12
12
उत्तरया कुलतय्गु विद्रोह
२ इति १०:१-१९
1रहबाम शकेमय्#१२:१ शकेम थ्व उत्तरी राज्यया झिगू कुलया राजधानी खः, अथे जुयाः थुपिं झिगू कुलया नायःतय्सं रहबाम इमि राजधानीइ वयाः इमि जुजु जूगु यय्कल। वन, छाय्धाःसा इस्राएलयापिं सकलें मनूत वयात जुजु दय्केत अन वंगु खः। 2थ्व खँ न्यनाः नबातया काय् यारोबाम मिश्र देशं लिहां वल। उबलय् तक व मिश्र देशय् च्वनाच्वंगु खः, अन व सोलोमन जुजु खनाः ग्यानाः बिस्युं वंगु खः। 3अथे जुयाः इस्राएलया नायःतय्सं यारोबामयात सःतके छ्वत। अले यारोबाम व इस्राएलया फुक्क खलः वयाः रहबामयात थथे धाल, 4“छिकपिनि बौनं जिमित झ्यातुगु कु क्वबिकाः जिमिगु जीवनयात थाकुका ब्यूगु खः। उगु झ्यातुगु कुयात याउँका बियादीसा जिमिसं छिगु सेवा याये।”
5रहबामं इमित धाल, “थ्व खँय् बिचाः यायेत जितः स्वन्हुया ई ब्यू, छिपिं स्वन्हु लिपा वा।” उकिं मनूत अनं वन।
6रहबाम जुजुं थः बौ सोलोमनयात व म्वाना च्वंतले सल्लाहबीपिं थकालितलिसें खँ ल्हात। वं इमित न्यन, “थुपिं मनूतय्त जिं छु लिसः बीगु, छिकपिनिगु छु सल्लाह दु?”
7बुरापिन्सं रहबामयात धाल, “छिं थुपिं थकालितय्त बांलाःगु व्यवहार यानाः थुमित यःगु सल्लाह बियादिल धाःसा अले थुपिंलिसें बांलाक खँ ल्हानादीसा थुमिसं न्ह्याबलें छिगु सेवा याइ।”
8तर वं उपिं थकालिपिनिगु सल्लाह मन्यंसे थःनापं ब्वलंपिं अले थःगु सेवा याइपिं ल्याय्म्हतय्के सल्लाह काल। 9वं इमित न्यन, “‘छिकपिनि बौनं जिमिके तयादीगु कु याउँकाबियादिसँ’ धकाः जितः बिन्ति याःवःपिं मनूतय्त जिं छु लिसः बीगु? जिं छु यायेगु, छिमिगु छु सल्लाह दु?”
10इमिसं लिसः बिल, “‘छिकपिनि बौनं जिमित झ्यातुगु कु क्वबिकादीगु दु, उकियात याउँकाबियादिसँ’ धकाः छितः धाः वःपिं मनूतय्त छिं थथे धयादिसँ ‘जिमि बौया जँ स्वयाः जिगु कान्छी पतिं हे तःत्याः! 11जिमि बौनं छिमित झ्यातुगु कु क्वबिकल, जिं छिमित थ्व स्वयाः झन झ्यातुगु कु क्वबिकाबी। वय्कलं छिमित कोर्रां दाय्कादीगु खः तर जिं छिमित झन कं दुगु कोर्रां दाय्काबी।’”
12अथे जुयाः जुजुं धाःथें यारोबाम व सकलें मनूत स्वन्हु लिपा वयाथाय् लिहां वल, अले धाल, स्वन्हु लिपा हाकनं जिथाय् वा। 13जुजुं थकालितय्गु सल्लाह मन्यंसे ल्याय्म्हतय्गु सल्लाहकथं कडा जुयाः मनूतय्त खँ ल्हात 14वं धाल, “जिमि बौनं छिमित झ्यातुगु कु क्वबिकादिल, जिं झन झ्यातुगु कु क्वबिकाबी। वय्कलं छिमित कोर्रां दाय्कादीगु खः, तर जिं छिमित कं दुगु कोर्रां दाय्काबी।”
15थुकथं जुजु रहबामं उपिं मनूतय्गु खँ न्यं हे मन्यं छाय्धाःसा शीलोयाम्ह अगमवक्ता अहियाहपाखें नबातया काय् यारोबामयात परमप्रभुं धयादीगु वचन पूवनेत वय्कलं थज्याःगु अवस्था हयादीगु खः।
16जुजुं थःगु खँ मन्यंगु खनाः फुक्क इस्राएल चिल्लाय् दनाः हाल,
“छु झीपिं दाऊदया परिवारया ब्वः खः ला?
यिशैया काय्याके झीगु छुं अधिकारया भाग मदु।
हे इस्राएल, थथःगु पालय् हुँ!
हे दाऊद, छं थःगु हे छेँ स्व!”
अनंलि इस्राएलयापिं मनूत थथःगु छेँय् वन।#२ शमू २०:१ 17तर रहबामं यहूदाया शहर शहरय् च्वनाच्वंपिं इस्राएलीतय्त शासन याना हे च्वन।
18अले जुजु रहबामं दासयात थें ज्या याकूपिं मनूतय् नायः अदोनीरामयात इमिथाय् छ्वल। तर इस्राएलीतय्सं वयात ल्वहँतं कय्काः स्यात। जुजु रहबाम धाःसा हथाय् पथासं थःगु रथय् च्वनाः यरूशलेमय् बिस्युं वन। 19अबलय्निसें आः तक नं उत्तरी इस्राएलया मनूत दाऊदया परिवारया विरोधी जूगु दु।
20यारोबाम लिहां वःगु खँ न्यनाः इस्राएलयापिं मनूतय्सं वयात छगू सभाय् सःतल, अले वयात इस्राएलयाम्ह जुजु ल्यल। यहूदा कुलयापिं मनूत जक दाऊदया परिवारनापं मिलय् जुयाच्वन।
शमायाहया अगमवाणी
21रहबाम यरूशलेमय् थ्यंकः वल। अले वं इस्राएलनापं लडाइँ यानाः थःगु राज्य हाकनं लित कायेत यहूदा व बेन्यामीन कुलयापिं १,८०,००० म्ह सिपाइँत मुंकल।#२ इति ११:१-४
22तर परमेश्वरया मनू शमायाहयाथाय् परमप्रभुया थ्व वचन वल, 23“सोलोमनया काय् यहूदायाम्ह जुजु रहबामयात अले यहूदा व बेन्यामीनय् दुपिं फुक्क इस्राएलीतय्त थथे धा, 24‘परमप्रभुं थथे धयादी – छिपिं थः इस्राएली दाजुकिजापिंनापं लडाइँ यायेत थहां वने मते! छिपिं सकलें थथःगु छेँय् लिहां हुँ छाय्धाःसा थ्व ज्या जिं यानागु खः।’” उकिं इमिसं परमप्रभुया खँ न्यन, अले परमप्रभुं उजं बियादीगु थें यारोबामलिसें लडाइँ मयासें छेँय् लिहां वन।
बेथेल व दानय् लुँयाम्ह निम्ह द्वहंचा
25यारोबामं एफ्राइमया पहाडी देशय् च्वंगु शकेम शहरयात पखाः व ध्वाखा दय्काः बल्लाकल, अले व अन हे च्वन। वं अनं वनाः पनीएल शहर नं बल्लाक दय्कल।
26यारोबामं थथे बिचाः यात, “थ्व राज्य दाऊदया परिवारया ल्हातय् हे लिहांवनी जुइ। 27थुपिं मनूत यरूशलेमय् परमप्रभुया देगलय् बलि छायेत वन धाःसा इमिगु मन यहूदाया जुजु रहबामपाखे लिहांवनी। अले जितः स्यानाः इपिं रहबामयाथाय् हे लिहांवनी।”
28अले सल्लाह बीपिनिगु सल्लाह कयाः जुजुं लुँयाम्ह निम्ह द्वहंचा दय्कल। वं मनूतय्त धाल, “छिमित यरूशलेमय् वनेत थाकुइ। हे इस्राएलीत, छिमित मिश्र देशं पित हयादीपिं छिमि द्यःत थुपिं हे खः!”#प्रस ३२:४
29वं छम्ह द्वहंचा बेथेलय् व मेम्ह दानय्#१२:२९बेथेलय् व मेम्ह दानय् थ्व शहर इस्राएलया उत्तरी राज्यया झिगू कुलया देशया दच्छिनया कुन्चाय् ला, दान शहर उगु देशया उत्तरया कुन्चाय् ला, थुकथं वं इस्राएलया उत्तरी राज्यय् न्ह्याम्हसिनं नं आराधना यायेत उपिं निगू शहर मध्ये छगुलिइ वनेमाःगु नियम दय्कल। थापं यात। 30थ्व हे खँ इस्राएलय् पाप जुल। मनूत उपिं मध्ये छम्ह द्वहंचायात पुजा यायेत उत्तरय् दान तक नं वनेगु यात।
31उबलय् तक परमप्रभुयात आराधना यायेत देगः दय्कूगु मदुनि। अथे जुयाः यारोबामं द्यःपुजा यायेगु थाय्त थांत नं दय्कल। अले लेवीया सन्तान मखुपिं मनूतय्त नं पुजाहारी ल्यल। 32वं च्यागूगु लाया झिंन्यान्हु खुन्हु यहूदाय् हनीगु नखः#१२:३२ यहूदाया मनूतय्सं हनीगु नखः यक्व मनूतय्सं थ्व नखः न्हय्गूगु लाया झिंन्यान्हु दुखुन्हु शुरु जुइगु नखः खः धका बिचाः याइ। यारोबामयात थःमनूतय्गु आराधना याइगु तरिका हीके मास्ति वः। अथे जुयाः यारोबामं निगू मूर्त्ति दय्कल अले लेवी कुलयापि पुजाहारीतय्गु थासय् मेगु कुलयापि पुजाहारीत तल। ३३ पदय् यारोबाम पुजाहारी मखुसां वं थम्हं हे बलि बिल। स्वयादिसँ लेवी २३:३३-३४ थें छगू नखः शुरु यात, वेदीइ बलि छाल। बेथेलय् थःम्हं दय्कूपिं द्वहंचातय्त बलि छाल। बेथेलय् थःम्हं दय्कूगु पुजा यायेगु थाय्या निंतिं पुजाहारीतय्त नं ल्यल। 33अले थःम्हं ल्यःगु च्यागूगु लाया झिंन्यान्हु खुन्हु व बेथेलय् थःम्हं अन दय्कूगु वेदीइ बलि छाःवन, वं इस्राएलीतय्गु निंतिं नखः शुरु यात, अले व वेदीइ बलि बीत वन।
Currently Selected:
१ राजा 12: NEW
Highlight
Share
Copy
Want to have your highlights saved across all your devices? Sign up or sign in
© 2024 Nepal Bible Society, Newa Christian
Literature Center and Wycliffe Bible Translators, Inc.
