Sak 9
9
Cilango ku yilambo yakuŵandikana nayo
1Awu uli utenga wa AMBUJE:#Yes 17:1-3; Yel 49:23-27; Amo 1:3-5#Yes 23:1-18; Esek 26:1—28:26; Yow 3:4-8; Amo 1:9-10; Mat 11:21-22; Luk 10:13-14
Jwalakwejo akucijamuka cilambo ca Hadilaki nambo soni msinda wa Damasiko. Pajatu misinda josope ja ku Alamu jili jakwe ja AMBUJE, yalumo soni mpela musiŵelele ngosyo syosope sya Aisalaeli. 2Cilambo ca Hamati cicitesile malile ni cilambo ca Hadilaki cili soni cakwe ca AMBUJE yalumo soni misinda ja Taya ni Sidoni atamose kuti ali ŵalunda mnope. 3Taya ŵalitaŵile mapupa gakulicinjilicisya, soni ŵawunjice silifa* ni golidi* mpela litaka! 4Nambo AMBUJE tacisumula yosope yakwete jemanjajo, ni kuyijasa m'nyasa soni msindawo taciwujoca moto.
5Msinda wa Ashikeloni nombe nawo tiwuciyiwona yeleyi nipo tiwucitenda woga. Msinda wa Gasa tiwucikwinyata ni woga, yalumo soni Ekiloni nipo yiŵajembecelaga tiyicisokonecela. Mwenye jwa ku Gasa tacimtyosya nipo ku Ashikeloni tikuciŵa kwangali ŵandu.#Yes 14:29-31; Yel 47:1-7; Esek 25:15-17; Yow 3:4-8; Amo 1:6-8; Sef 2:4-7 6Ŵandu ŵa mitundu jakulekanganalekangana tacitama ku Ashidodi. AMBUJE akuti, “Tinjimasya kulikwesya kwa Afilisiti. 7Ŵandu ŵakwe ngasalya nyama jijikwete miasi, kapena jilijose jiŵalekasisye. Wosope ŵakusigala taciŵa ŵandu ŵangu nipo taciŵa mpela lukosyo lwa Yuda. Nombe nawo Aekiloni taciŵa mpela Ayebusi. 8Pandaŵijo une tinjiŵa mlonda jwa cilambo cangu kuti jwalijose akajinjila kapena kwinjilamo. Ngasinjiticisya kuti ŵandu ŵangu alagasidwe. Nayiweni mwele mwakulajila ŵandu ŵangu.”
Mwenye jwa mtendele
9Msengwe, msengwe, jemanja ŵandu ŵa ku Siyoni!*#Mat 21:5; Yoh 12:15
Mgumile mnope, jemanja ŵandu ŵa ku Yelusalemu!
Mlole, mwenye jwenu akwisa kwa jemanja!
Akwisa ali ŵakupunda ni jwakwapunda amagongo.
Jwalakwejo ali jwakulinandiya nipo akwesile mbunda —
mbunda jakwe jili ja mwana ja sampano.
10AMBUJE akuti,#Mas 72:8
Tinjityosya yigeleta ya ngondo ku Isalaeli
ni kugajigala mahaci gakwe kuja nago ku Yelusalemu;
soni mawukunje giŵakamulisyaga masengo tinjigatemangula.
Mwenye jwenu taciyikasya mtendele pasikati pa yilambo;
tacilamulila kutyocela ku nyasa jine mpaka kuja kwika ku nyasa jine,
kutyocela ku Lusulo lwa Yufuleti mpaka kumbesi kwa cilambo capasi.
Kuwucisidwa soni kwa ŵandu ŵa Mlungu
11AMBUJE akuti,#Eks 24:8
“Ligongo lya cilanga* cinatesile ni m'mwejo
cele cicasindicisidwe ni miasi ja mbopesi,
Une tinjagopola ŵandu ŵenu ŵali mpela acikapolo —
kutyocela mwisimbo lyangali mesi.
12Mwujile jemanja ŵimli ku ukapolo jemanja ŵimkwete cembeceyo;
Mwujile kwipupa lyenu lyecinjilicisidwe.
Ngumsalila sambano, Une tinjimwucisya yambone mwakutotoganya,
ni upile pa yilagasyo yosope yimsimene nayo.
13Tinjikamulisya masengo Yuda mpela ukunje wangu,
nipo Isalaeli mpela mipamba jakwe.
Tinjikamulisya masengo acalume ŵa ku Siyoni mpela upanga,
pakumenyana ni ŵandu ŵa ku Gilisi.”
14Sambano AMBUJE tacawonecela ŵandu ŵakwe;
taciponya mipamba jakwe mpela kumesya.
AMBUJE Mlungu tacilisya citolilo cawo;
tacijenda mu cimbunga cakutyocela kum'mwela.
15AMBUJE Ŵamaciligosope tacacinjilicisya ŵandu ŵakwe,
nipo tacajonanga amagongo ŵawo.
Tacigumila ku ngondo mpela ŵandu ŵakolelwe
nipo tacisulusya miasi ja amagongo ŵawo;
nipo tijicijendelecela mpela miasi ja mbopesi
jajitajidwe pa malo gakupelecela mbopesi kutyocela mu mbale.
16Pitilicikwana lisiku lyelelyo, AMBUJE tacakulupusya ŵandu ŵakwe,
mpela mkucinga mwakusayicinjilicisya yilangwa ku yakogoya.
Ŵanduwo taciŵa ŵakunyesimila mcilambo mwawomo
mpela tumaganga twamtengo wapenani twakusaŵika pa cisoti ca mwenye.
17Cilamboco ticiciŵa cakusalala mnope.
Acacanda tacikula mwamacili ligongo lya tiligu ni finyo jwakwe.
Currently Selected:
Sak 9: YAWO
Highlight
Share
Copy
Want to have your highlights saved across all your devices? Sign up or sign in
Chiyawo Bible: Buku Jeswela © Bible Society of Malawi, 2014
