Sak 13
13
1AMBUJE Ŵamaciligosope akuŵeceta kuti, “Pitijiciyika ndaŵi jelejo jwalakwejo tacililinganyicisya liŵasa lya Daudi* nduluko ja mesi, kuti jemanjajo pamo ni ŵandu ŵa ku Yelusalemu ŵatyocesye ulemwa* ni yakusakala yawo. 2Pandaŵi jelejo tinjityosya mena ga milungu jakupanganya mcilambomo, pangali soni jutacijikumbucila soni. Tinjimtyosya jwalijose jwakulikolanga kuti ali jwakulocesya* pamo ni msimu wakunyalaya. 3Naga jwine jwalijose akwendelecela kulocesya,* babagwe ni mamagwe tacimsalila jwalakwejo kuti akwenela kuwulajidwa, pa ligongo lyakuti m'malo mwakuti aŵecete maloŵe ga AMBUJE akuŵeceta ya unami. Jwalakwejo pitacilocesyaga babagwe ni mamagwe tacimcopa mpaka kuwa. 4Ndaŵi jelejo pitijicikwana, jwakulocesya julijose tacitenda soni pa yindu yele akuti yiŵayiweni kupitila m'mesomkulola pa ndaŵi jiŵalocesyaga kupitila mesomkulola. 5M'malo mwakwe, tacijila kuti, ‘Une nganimba jwakulocesya. Une ndili jwakulima — mbele ndili mkulima pa umi wangu wosope.’ 6Jwine naga akuwusya kuti, ‘Nambi maŵanga gali ku mgongo kwenugo mwatesile cici?’ Jwalakwejo tacijila kuti, ‘Liŵangali nalipatile ku nyumba ja ajangu.’ ”
Lilamusi lyakuti awulaje jwakucinga jwa AMBUJE
7AMBUJE Ŵamaciligosope akuti, “Mjimuce, m'mwe upanga, ni mlimbane ni jwakucinga jwakungamulila une masengo! Mumwulaje, nipo ngondolo tisipwilingane. Pelepo tinjimenyana nawo ŵandu ŵangu,#Mat 26:31; Mak 14:27 8nipo mwa mbali sitatu sya ŵandu mcilambo mosopemo, siŵili tisiciwulajidwa, nipo mbali jimo ni jitijicisigala ja umi. 9Ŵandu ŵa mbali jatatuji tinjaŵika pa moto, tinjaswejesya mpela mwele mwakusaswejesela golidi.* Kaneko tacipopela kwa Une, nipo Une tinjajanga kuŵenda kwawo. Tinjasalila kuti jemanjajo ali ŵandu ŵangu, nipo tacijiticisya kuti Une ndili Mlungu jwawo.”
Currently Selected:
Sak 13: YAWO
Highlight
Share
Copy
Want to have your highlights saved across all your devices? Sign up or sign in
Chiyawo Bible: Buku Jeswela © Bible Society of Malawi, 2014
