Mase MALOŴE GANDANDA
MALOŴE GANDANDA
Buku ja Masengo ga Ŵandumetume jikupitilisya Ngani Syambone siŵalembile Luka. Cakulinga cakwe cisyesyene cili kusala mwele ŵakulijiganya ŵandanda ŵa Yesu, muwalongolelaga Msimu Ŵaswela, kwenesya Ngani Syambone sya Yesu “ku Yelusalemu, ku Yudeya ni ku Samaliya kosope, mpaka kumbesi kwa cilambo” (1:8). Bukuji jikusala ya likuga lya ciklistu lyele lilyatandile pasikati pa ŵandu ŵa Ciyuda nipo cajendelecele kuwa cikulupi ca myilambo yosope yapasi. Jwakulemba bukuji ŵasakaga kwasimicisya ŵandu kuti aklistu nganaŵa kuti asokonesye ulamusi wa yilambo ya Loma nambo kuti ciklistu cakwanilisyaga dini ja Ciyuda.
Buku ja Masengo jigaŵidwe patatu: (1). Kutanda kwa likuga lya ciklistu mu Yelusalemu. (2). Kwawula mbali sine sya ku Isalaeli. (3). Kwawula ku yilambo ya ku Mediteleniyani mpaka ku Loma.
Cakusosekwa mnope m'buku ja Masengo ni yiwatendaga Msimu Ŵaswela, wele wayice ni macili kwa ŵakulupilila ku Yelusalemu lisiku lya Pentekosite nipo soni ukupitilisya kulongolela ni kulimbikasya mpingo ni acakulungwa ŵakwe muyakutendekwa yosope yilembedwe m'bukuji. Utenga wa ciklistu wandanda uli wakata m'mawulaliki, ni yakutendekwa yilembedwe m'bukumu, yikulosya macili ga utengawu mu umi wa ŵandu ŵakulupilila ni ŵakupopela pampepe Mcalici.
Mitwe ja ya mkatimu
Kuliŵicila cile kupeleka umboni 1:1-26
a. Kulamula kwakumalisya kwa Yesu ni cilanga 1:1-14
b. Juŵajinjile m'malo mwa Yudasi 1:15-26
Mboni sya ku Yelusalemu 2:1—8:3
Mboni sya ku Yudeya ni ku Samaliya 8:4—12:25
Utumiki wa Paulo 13:1—28:31
a. Ulendo wandanda wakwawula kulalicila 13:1—14:28
b. Msongano ku Yelusalemu 15:1-35
c. Ulendo waŵili wakwawula kulalicila 15:36—18:22
d. Ulendo watatu wakwawula kulalicila 18:23—21:16
e. Paulo waliji mkayidi ku Yelusalemu, Kaisaleya ni ku Loma 21:17—28:31
Currently Selected:
Mase MALOŴE GANDANDA: YAWO
Highlight
Share
Copy
Want to have your highlights saved across all your devices? Sign up or sign in
Chiyawo Bible: Buku Jeswela © Bible Society of Malawi, 2014