Matayo 24

Ebirikumanyisa okucwekyerera kwa Yerusaalemu, n'okugaruka kwa Yesu

1 # Luk 21:5-36; Mak 13:1-37. Yesu yaashohora omuri hekalu; ku yaabaire naagyenda, abeegi be baija kumworeka ebyombeko bya hekalu. 2We yaabagarukamu, naagira ati: Timurikureeba ebi byona? Buzimazima nimbagambira nti: Tihariho ibaare eriritsigara riri aha rindi eritarinagwa ahansi.

3Ku yaabaire ashutami omu kibungo kya Zeituuni, abeegi be baija aha'ari omu mubonano, baamubuuza bati: Tugambire ebi ahu biribeeraho, n'akamanyiso k'okwija kwawe oku kariba, n'ak'obunaku obu ensi egi erihweraho. 4Yesu yaabagarukamu ati: Mwerinde, omuntu weena ataribahabisa; 5#Byak 5:36, 37; 1 Yoh 2:18. ahabw'okuba baingi baryaija omu iziina ryangye, nibagira bati: Niinye Krito! kandi baryahabisa baingi. 6Kandi muryahurira engamba n'okurangaanwa kwazo; mwerinde, mutaryemereza emitima, ahakuba ebyo byona tibiribura kwija; kwonka emperu yo eryaba etakahikire. 7#Isa 19:2. Eihanga riryateera erindi ihanga, n'obugabe buryateera obundi bugabe; haryabaho enjara n'emitsitsa omu myanya mingi. 8Ebyo byona niyo ntandikiro y'obusaasi.

9 # Mat 10:22; Yoh 16:2. Obwo baryabahayo okubonabonesibwa n'okwitwa; muryayangwa amahanga goona ahabw'eiziina ryangye. 10Omu biro ebyo baingi baryagwa, bareebyane, bangane. 11#1 Yoh 4:1. Haryaimuka baanabi baingi b'ebishuba, bahabise baingi. 12#2 Tim 3:1-5. Ahabw'obugomi kukanya, okukunda kw'abaingi kuryahora. 13Kwonka origumisiriza okuhitsya aha muheru, niwe arijunwa. 14Kandi engiri egi ey'obukama eryagambwa omu nsi zoona okuba eky'okuhamya aha mahanga goona; obwo nibwo emperu erihika.

15 # Dan 9:26, 27; 12:11. Kandi ku murireeba ekirikuzira ekirikuhwerekyereza, ekyagambirwe nabi Danieli, kyemereire omu Mwanya ogurikwera, (orikushoma ayetegyereze) 16abo abariba bari Buyudaaya omu bunaku obwo bahungire aha nshozi; 17#Luk 17:31. n'ori aha mutwe gw'enju ataritemburuka ngu agire ebi aiha omu nju ye; 18n'oriba ari omu misiri atarigarukayo kwenda ekijwaro kye. 19Abariba baine enda n'abarikwontsya omu biro ebyo bayrakareeba! 20Mushabe okuhunga kwanyu kutaribaho omu biro by'embeho nari ahari Sabato; 21#Dan 12:1. ahabw'okuba omu biro ebyo haryabaho okubonabona kwingi okutakabahoga okwiha aha kuhangwa kw'ensi okuhitsya hati, kandi tikuribaho. 22Ebiro ebyo kuri bitaracwireho, tihaakurokokireho muntu n'omwe; kwonka ahabw'entoore ebiro ebyo biryacuubwaho. 23Omu biro ebyo omuntu weena ku aribagira ati: Reeba, Kristo ari aha! nari shi, ari hariya, mutarimwikiriza; 24#2 Tes 2:8, 9. ahakuba haryaimukam abarikweyeta Kristo na baanabi b'ebishuba, baryakora obumanyiso bukuru n'eby'okutangaaza, babone kuhabisa n'entoore, kyaba nikibaasika. 25Reeba naabibagambira bitakahikire. 26N'ahabw'ekyo ku baribagira bati: Reeba, ari omu ihamba, mutarizayo; nari ngu, ari omu kishengye, mutarikiikiriza. 27Nk'oku omurabyo gurabiza oburugwa-izooba gukahika oburengyerwa-izooba, nikwo n'okwija kw'Omwana w'omuntu kuriba. 28Ahu omutumbi guri hoona, niho amahungu gateeranira.

29 # Isa 13:10; 2 Pet 3:10. Bwanyima y'okubonabona kw'omu biro ebyo, ahonaaho eizooba ruryahinduka omwirima, n'okwezi tikuryaka, n'enyonyoozi ziryaragara niziruga omu iguru biryatengyetsibwa; 30#Kush 1:7; Mat 26:64; Dan 7:13, 14; Zek 12:10. obwo akamanyiso k'Omwana w'omutu karyareebeka omu iguru, amahanga goona ag'ensi garyacura, kandi baryareeba Omwana w'omuntu naizira omu bicu by'omu iguru, aine obushoboorozi n'ekitiinisa kingi. 31#1 Kor 15:52; 1 Tes 4:16. Aryatuma baamaraika be n'eiraka rihango ry'enzamba, bateerane entoore ze nibazitaaruura omu mbaju ina okuruga aha muheru gw'eiguru okuhika aha gundi. 32N'ahabw'ekyo mwegyere aha mutiini nk'eky'okureeberaho; eitaagi ryagwo ku ryoroba, ryatooka amababi, mumanya ku omwaka guri haihi. 33Mutyo naimwe ku murireeba ebyo byona, mumanye ku ari haihi, ku yaahikire n'aha rwigi. 34Buzimazima nimbagambira nti: Obusingye obu tiburihwaho, okuhitsya obu ebi byona biribaho. 35#Mat 5:18. Eiguru n'ensi biryahwaho, kwonka ebigambo byangye tibirihwaho.

36Kwonka eby'ekyo kiro n'obwo bunaku tihaine orikubimanya, n'obu baakuba baamaraika b'omu iguru, n'obu yaakuba Omwana, kureka Isheboona wenka. 37#Kut 6:11-13. Nk'ebiro bya Noa oku byabaire biri, nikwo n'okwija kw'Omwana w'omuntu kuriba. 38#2 Pet 3:5, 6. Ahakuba nk'oku baabaire bari omu biro ebyo ebyabandiize omwegyemure gw'amaizi, nibarya kandi nibanywa, nibashwera, nibahingira, okuhitsya aha kiro eki Noa yaataahiireho omu bwato; 39bakaba bari aho bataine ki barikumanya, okuhitsya obu omwegyemure gw'amaizi gwaizire, gukabatwara boona; n'okwija kw'Omwana w'omuntu nikwo kuriba kutyo. 40#Luk 17:35, 36. Obwo abashaija babiri baryaba bari omu musiri, omwe aryatwarwa, ondiijo atsigweho. 41Abakazi babiri baryaba nibasa aha rubengo; omwe aryatwarwa, ondiijo atsigweho. 42N'ahabw'ekyo mugume nimureeba, ahakuba timurikumanya kiro eki Mukama waanyu ariiziraho. 43#Luk 12:39-46. Mumanye ngu, kuri nyineeka yaamanyire obunaku nyekiro obu omushuma araiziremu, akaagumire naareeba, areka kwikiriza omushuma kurima n'okutaah omu nju ye. 44N'ahabw'ekyo naimwe mweteguure, ahabw'okuba obunaku obu mutarikuteekateeka, nibwo Omwana w'omuntu ariiziramu.

Enfumu y'abambari babiri, omubi n'omurungi

45Ni #24:45 Omu Rugriika n'omuhuuku. mwambari ki ow'okwesigwa kandi ow'obwengye, ou mukama we yaatsigiire ab'omu ka ye kubagaburira omu bunaku obuhikire? 46Aine omugisha omwambari ogwo, ou mukama we arigaruka akashanga naakora atyo. 47#Mat 25:21, 23. Buzimazima nimbagambira nti: Aryamukwatsa ebi atungire byona. 48#Mub 8:11. Kwonka omwambari omubi, ku ariteekateeka omu mutima gwe ati: Mukama wangye atwireyo, 49akatandika kuteera abambari bagyenzi be, akarya kandi akanywa n'abasinzi, 50mukama w'omwambari ogwo aryaija aha izooba eri atamutegyerereizeho, n'obunaku obu atarikumanya, 51aryamutemamu habiri, amuhe omugabo gwe n'endyarya; okwo niyo abantu bariririra, bakanena enshaya.

Currently Selected:

Matayo 24: RR64

Highlight

Copy