Matayo 17

Okuhindurwa kwa Yesu

1 # Luk 9:28-36; Mak 9:2-13. Ku haahingwireho ebiro mukaaga, Yesu yaagyenda na Petero na Yakobo na Yohaana omurumuna, yaabahitsya aha mutwe gw'orushozi ruraingwa bonka. 2#2 Pet 1:16-18. Yaahindurirwa omu maisho gaabo, aha maisho ge haamurinkana nk'eizooba, n'ebijwaro bye byayera nk'omushana. 3Kandi Musa na Eliya baareebeka omu maisho gaabo, nibagaaniira nawe. 4Petero yaagambira Yesu ati: Mukama wangye, ni kirungi obu turi aha; ku oraabe nookunda, twombekye obuju bushatu, akamwe kabe akaawe, akandi kabe aka Musa, n'akandi aka Eliya. 5#Mat 3:17; Bir 18:15. Ku yaabaire naakigamba, haija ekicu kirikwengyengyeta, kyabasangira, eiraka ryakyemamu nirigira riti: ogu n'Omwana wangye ou nkunda, ou nyesiimira munonga; mumuhurire. 6Abeegi ku baarihuriire, baagwa bajuumaire, batiinire munonga. 7Yesu yaija, yaabakoraho, yaabagambira ati: Mwimukye, mutatiina. 8Ku baajuumwire amaisho, tibareeba muntu weena kureka Yesu wenka. 9Bwanyima ku baabaire nibashuuma nibaruga aha rushozi, Yesu yaabeehanangiriza ati: Mutagira ou mwagambira ebi mworekirwe, okuhitsya obu Omwana w'omuntu arizooka omu bafu. 10#Mal 4:5. Abeegi be baamubuuza bati: Ahabw'enki abahandiiki bagira ngu: Eliya ashemereire kubanza kwija? 11Yaabagarukamu ati: N'eky'amazima; Eliya aryaija, ashemeze byona; 12#Mat 14:9, 10. kwonka nimbagambira ngu, Eliya akaheza kwija; kwonka tibaramumanyire, kureka bakamutwaza, nk'oku baayenzire. Kandi hoona n'Omwana w'omuntu nikwo barimubonabonesa. 13Aho niho abeegi be baihire kumanya ku arikubagambira ahari Yohaana Omubatizi.

Yesu okukiza omugwi w'entsimbo

14 # Luk 9:37-42; Mak 9:14-20. Ku baahikire ahu abantu baingi baabaire bari, haija omushaija, yaamutsimbira amaju, yaamugira ati: 15Mukama wangye, saasira omwana wangye; ahabw'okuba naagwa entsimbo, kandi zimukabya munonga; kaingi agwa omu muriro, kandi obundi agwa omu maizi. 16Naamureetera abeegi baawe, baaremwa kumukiza. 17Yesu yaagarukamu ati: Imwe ab'obusingye obu obutarikwikiriza, oburikwehabagiza, ndyahitsya hi okuguma naimwe? Ndyahitsya hi okubagumisiririza? Mumundeetere! 18Yaagambira kubi daimoni; yaamurugaho, omwana ogwo yaakirira aho omuri ako kaanya. 19#Mat 10:1. Bwanyima abeegi baija ahari Yesu omu mubonano, baamubuuza bati: Ahabw'enki itwe tutabaasize kumubinga? 20#Luk 17:6; Mak 11:23. Yaabagarukamu ati: N'ahabw'okwikiriza kwanyu kukye. Kandi buzima nimbagambira nti: Ku muraabe mwine okwikiriza nk'akajuma ka #17:20 Sinaapi: reeba Mat. 13:31. sinaapi, ku murigambira orushozi oru ngu, Ruga aha, oze hariya, ruryarugaho; kandi tihariho kintu kyona ekiribarema. 21Kwonka daimoni ow'omuringo nk'ogu tarikubingwa kindi kureka okushaba n'okwesiibyakwo.

22 # Luk 9:43-45; Mak 9:30-32. Ku baabaire bari Galilaaya, Yesu yaabagambira ati: Omwana w'omuntu aryaheebwayo omu mikono y'abantu; 23baryamwita, kandi aha kiro kya kashatu aryazooka. Baaganya munonga.

24 # Kur 30:13. Ku baataahire Kaperenaumu, abantu abarikushooza #17:24 Omushoro gwa hekalu n'ekicweka kya shekeli ekyabaire kishorwa Omuyudaaya weena buri mwaka. Reeba Okuruga 30:12-16. omushoro gwa hekalu baija ahari Petero, baamubuuza bati: Beitu omwegyesa waanyu tashora? 25Yaabagarukamu ati: Naashora. Ku yaataahire omu nju, Yesu yaaba niwe yaabanza kumubuuza ati: Nooteekateeka ota, Simooni? Abagabe b'ensi ehoozi n'omushoro babiheebwa bantu ki? Abaana baabo nari abantu abandi? 26Ku yaamugarukiremu ati, Abandi, Yesu yaamugambira ati: Mbwenu abaana baabo baine obusingye. 27Kwonka itwe tutabagwisa kubi, ogyende aha nyanja, otegyese eirobo, eky'enyanja eki oraabanze kukwata, okyashamure, omu kanwa kaakyo noija kushangamu sitateeri; obe niyo waabaha ahabwangye n'ahabwawe.

Currently Selected:

Matayo 17: RR64

Highlight

Copy