Matayo 16

Yesu okwima Abafarisaayo akamanyiso

1 # Mak 8:11-21. Abafarisaayo n'Abasadukaayo bakaija, baamushaba kubooreka akamanyiso akarikuruga omu iguru, nibamutega. 2#Luk 12:54-56. Yaabagarukamu ati: Ku buba buri haihi kwira, mwareeba ebicu nibitukura, mugira ngu, omu kasheeshe nihaija kusiiba hakyeire. 3Kandi omu kasheeshe mugira ngu eri izooba nihaija kuba habi, ahabw'okuba ebicu nibitukura kandi nibikondakonda. Nimumanya kukyenga enshusha y'eiguru, kwonka timurikubaasa kukyenga obumanyiso bw'obunaku. 4#Mat 12:39, 40. Ab'obusingye obubi obw'obushambani nibenda akamanyiso; kwonka tibarikaheebwa kureka akamanyiso ka Yona. Yaabarugaho, yaayegyendera.

Ekitumbisa ky'Abafarisaayo

5Abeegi be ku baahikire seeri, baijuka ku beebirwe kwereetera emigaati. 6Yesu yaabahabura ati: Reeba, mwerinde ekitumbisa ky'Abafarisaayo n'Abasadukaayo. 7Baagambirana bati: Eki arikufa n'ahabw'okuba titwareeta migaati. 8Yesu ku yaabimanyire, yaababuuza ati: Imwe abaine okwikiriza kukye, nimufa ki aha by'emigaati? 9#Mat 14:17-21. Timukashoborokyeirwe, n'obu kwakuba okwijuka emigaati etaano aha bantu enkumi itaano, n'ebitenga oku byaingaine ebi mwaijwize? 10#Mat 15:34-38. Kandi n'emigaati mushanju aha nkumi ina, n'ebiibo oku byaingaine ebi mwaijwize? 11N'enki ekibazibiire kumanya ku ntarikugamba ha by'emigaati? Mwerinde ekitumbisa ky'Abafarisaayo n'Abasadukaayo. 12Okuruga aho baamanya ku atabagambiire kwerinda ekitumbisa eky'emigaati, kureka enyegyesa y'Abafarisaayo n'Abasadukaayo.

Petero okuhamya ku Yesu ari Kristo

13 # Luk 9:18-21; Mak 8:27-30. Yesu, ku yaahikire omu kyanga kya Kaisarea-Filipi, yaabuuza abeegi be ati: Beitu abantu nibagira ngu nyowe Omwana w'omuntu ndi oha? 14Baamugira bati: Abamwe nibagira ngu, Ori Yohaana Omubatizi, abandi ngu, Ori Eliya, kandi abandi ngu, Ori Yeremia nari omwe ahari baanabi. 15Yaababuuza ati: Mbwenu shi imwe, mugira ngu mba oha? 16#Yoh 6:69. Simooni Petero yaagarukamu ati: Ori Kristo, Omwana wa Ruhanga ohuriire. 17#Gal 1:15, 16. Yesu yaamugarukamu ati: Oine omugisha, Simooni mwene Yona; ahabw'okuba omubiri n'eshagama tibyo byakushuuruurira ekyo, kureka Tata ori omu iguru. 18#Yoh 1:42; Efe 2:20. Kandi ninkugambira nti: Ori #16:18 Omu Rugriika Petros amakuru eibaare. Petero, naanye ndyayombeka ekanisa yangye aha #16:18 Petra omu Rugriika n'orukiri. rukiri oru, #16:18 Nari amaani ga rufu. n'amarembo g'okuzimu tigarigibaasa. 19#Mat 18:18. Ndyakuha ebishumuruzo by'obukama bw'omu iguru; eki oriboha omu nsi kyona, kiryabohwa n'omu iguru; eki orikomoorora omu nsi kyona, kiryakomoororwa n'omu iguru. 20Bwanyima yaayehanangiriza abeegi be kutagira ou baagambira ku ari Kristo.

Yesu okuhana Petero

21 # Luk 9:22-27; Mak 8:31—9:1. Okuruga aho Yesu yaatandika kumanyisa abeegi be oku ashemereire kuza Yerusaalemu, akabonabonesibwa omuri bingi abakuru n'abanyamurwa abakuru n'abhandiiki, akaitwa, kandi bwanyima y'ebiro bishatu akazooka. 22Petero yaamuta aha rubaju, yaatandika kumuteisa, naamugira ati: Nikikabure, Mukama wangye! ekyo tikirikwija kukubaho na kakye. 23Yesu yaahinduka, yaagira Petero ati: Garuka enyima yangye, Sitaane! Wambeera enkongi, ahabw'okuba torikuteekateeka bya Ruhanga, kureka eby'abantu.

24 # Mat 10:38, 39. Yesu yaayeyongyera yaagambira abeegi be ati: Omuntu weena ku araayende kunkuratira, ayeyangise, ayekorere omusharaba gwe, ankuratire. 25Omuntu weena orikwenda kukiza amagara ge, aryagabuza; kandi weena orikubuza amagara ge ahabwangye, aryagakiza. 26#Mat 4:8. Mbwenu kiryagasira ki omuntu kutunga ensi yoona, haza akafeerwa amagara ge? Nari shi, omuntu aryahayo ki kucungura amagara ge? 27#Rom 2:6; Enf 24:12. Mumanye ngu Omwana w'omuntu aryaija na baamaraika be omu kitiinisa kya Ishe; kandi obwo nibwo ariihura omuntu weena ebishemereire ebi yaakozire. 28Buzima nimbagambira nti: Omuri aba abeemereire aha, hariho bamwe abarireeba Omwana w'omuntu naija omu bukama bwe batakafiire.

Currently Selected:

Matayo 16: RR64

Highlight

Copy