Malaki 4
4
Ekiro ky'okugaruka kwa MUKAMA waitu
1 #
Isa 47:14; Mal 3:2; Mat 3:12; 2 Tes 1:7, 8. Ahakuba reeba, eizooba niriija, niryotsya nk'etanuuru, obu abanyamaryo n'enkozi z'ebibi bariba nk'ebitsintsi by'embuba; ekyo kiro ekiriija kiryabookyeza kimwe, tikiribatsigira muzi n'obu ryakuba eitaagi; nikwo MUKAMA ow'amahe arikugira. 2#Zab 84:11; Isa 53:5; Luk 1:78; Yoh 8:12; 12:46. Kwonka imwe abarikutiina eiziina ryangye, eizooba ry'okuhikiirira riryaturuka ahabwanyu, riine okutamba omu mapapa gaaryo. Muryashohora nimukina nk'enyana zirikuruga omu kihongore. 3Aha izooba eri ndikoreraho, muryaribatiirira ababi, babe eiju ahansi y'ebigyere byanyu; nikwo MUKAMA ow'amahe arikugira.
4 #
Kur 20:3-17; Bir 4:9, 10. Mwijukye ebiragiro by'omuheereza wangy Musa, ebyataireho n'emigyenzo ei naamuragiriire ahari Horebu ahabwa Israeli yoona.
5 #
Yoel 2:31; Mal 3:1; Mat 11:14. Reeba, ndyabooherereza nabi Eliya, ekiro kya MUKAMA ekikuru kandi ekirikutiinisa kitakizire. 6#Isa 11:4; Luk 1:17. Niwe arihindura emitima y'abazaire bakagarukana n'abaana baabo, n'ey'abaana bakagarukana n'abazaire baabo, ngu ntakaija nkaitsa ensi omukyeeno.
Currently Selected:
Malaki 4: RR64
Highlight
Share
Copy
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
