Malaki 2

Abaleevi okwita endagaano ya Ruhanga

1 # Mal 1:6. Mbwenu imwe banyamurwa 'mwe, ekiragiro eki n'ekyanyu. 2#Mal 3:9; Lev 26:14; Bir 28:15. MUKAMA ow'amahe naagira ati: Ku muraayangye kuhurira, mwayanga kuta omutima aha kuhaisa eiziina ryangye ekitiinisa, niinyija kubooherereza omukyeeno, n'emigisha yaanyu ngikyeene; kandi buzimazima naaherize kugikyeena, ahabw'okuba mwangire kukita aha mutima. 3#Kur 29:14; Yoel 1:17; Nah 3:6. Reeba, ndyahana oruzaaro rwanyu, mbasiigye amasha g'empongano zaanyu ahamaisho, mbacwe omu maisho gangye. 4#Kub 3:45; 25:12, 13; Neh 13:29. Haza obwo nibwo murimanya, ku niinye naabahaire ekyo kiragiro, ngu endagaano ei naaragaine na Leevi ebone kugumaho; nikwo MUKAMA ow'amahe arikugira. 5#Isa 54:10. Egyo ndagaano ei naaragaine nawe ekaba eri endagaano y'amagara n'obusingye; nkabimuha ngu atiine; kandi yantiina, yaagira obwoba ahabw'eiziina ryangye. 6#Dan 12:3; Yak 5:20. Okwegyesa eby'amazima kukab akutamuruga mu kanwa, kandi akaba atashangwa naagamba ebitahikire. Akaba agyendera naanye omu busingye n'omu kuhikiirira, kandi akaba ahindura baingi okuruga omu bibi. 7#Lev 10:11; Bir 17:9; Hag 1:13. Ahakuba eminwa y'omunyamurwa eshemereire kurinda okumanya, n'abantu bashemereire kuba niwe baayehabuzaho; ahabw'okuba n'enutmwa ya MUKAMA ow'amahe. 8#1 Sam 2:17; Ezk 22:26. Kwonka imwe muteeshukire omuhanda, muteerize baingi entsibo omu bi murikwegyesa; mwashiisha endagaano ya Leevi; nikwo MUKAMA ow'amahe arikugira. 9#Bir 1:17; 16:19; 1 Sam 2:30. Nikyo ndikubagayisiza, nkabahindura abataine kitiinisa omu maisho g'abantu boona, ahabw'okuba timurarinzire biragiro byangye, kureka mukashoroora abantu omubi murikwegyesa, mwagira orubaju.

Ebibi by'abantu ba Ruhanga

10 # Bir 4:35, 39; Isa 33:1; 1 Kor 8:6; Efe 4:6. Twena titwine Tataitwe omwe? Ruhanga owaatuhangire t'omwe? Ahabw'enki buri muntu ti mwesigwa ahari mugyenzi we, nitushiisha endagaano ya baatatenkuriitwe? 11#Ezr 9:2. Yuda tabaire mwesigwa, kandi omuri Israeli na Yerusaalemu hakozirwemu ebirikunugwa; ahabw'okuba Yuda ahagaire Omwanya gwa MUKAMA ogurikwera, ogu arikukunda, yaashwera muhara wa ruhanga w'enduga-mahanga. 12Omuntu orikutwaza atyo, nkaabaasibwa ki MUKAMA amumariraho kimwe omuntu weena ow'okuhamya, ow'okugarukamu, nari ow'okuhongyera MUKAMA ow'amahe, omu mahema ga Yakobo!

Ebibi by'omu maka

13Kandi eki nakyo nimukikora. Nimwitsa eitambiro rya MUKAMA amarira gaanyu, nimurira kandi nimuborooga, ahabw'okuba takyeta ha mpongano ezi murikuhonga, n'obu kwakuba okuziikiriza ashemereirwe. 14Kwonka nimubuuza muti: Ahabw'enki atarikubiikiriza? Ahabw'okuba MUKAMA akaba kareebi w'okuhamya endagaano ei waaragaine n'omukazi w'omu butsigazi bwawe, ou waareebize, haza ari mugyenzi waawe, kandi omukazi waawe ou waaragaine nawe endagaano. 15#Kut 2:24; Mat 19:4, 5. Ruhanga ogwo omwe taratuhangiire omwoyo gw'amagara, akagutugumizaho? Mbwenu ekindi naayenda ki? Naayenda oruzaaro orurikutiina Ruhanga. N'ahabw'ekyo mwerinde, hatagira owaareebya omukazi w'omu butsigazi bwe. 16#Mak 10:9, 11. Ahabw'okuba MUKAMA Ruhanga wa Israeli naagira ati: Nyanga okushenda, n'omuntu orikweshwekyerera, aine obubisha aha mukazi we; nikwo MUKAMA ow'amahe arikugira. N'ahabw'ekyo mwerinde, murekye kuba endeebya.

17 # Isa 5:20; 43:24; Mal 3:1, 15; 2 Pet 3:4. Muruhize MUKAMA n'ebigambo byanyu. Kwonka nimugira muti: Tumuruhize tuta? Ahabw'okuba nimugira muti: Buri muntu orikukora ebibi ni murungi omu maisho ga Ruhanga, kandi naabashemerererwa. Nari shi nimubuuza muti: Ruhanga ocwa emanja z'oburyo arahi?

Currently Selected:

Malaki 2: RR64

Highlight

Copy