Okutandika 39

Yosefu omu ka ya Potifaari n'okutegwa kwe

1 # Kut 37:36. Baatwara Yosefu Misri; Potifaari omwe aha bakuru b'engabo za Faraho kandi Omunyamisri owaabaire naategyeka abarinzi, yaamugura aha Baishimaeli abaamutwaireyo. 2#Byak 7:9. MUKAMA yaaguma hamwe na Yosefu, yaaba omunyamigisha. Yaaguma omu ka ya mukama we Omunyamisri. 3#Zab 1:3. Mukama we yaareeba oku MUKAMA ari hamwe nawe, kandi oku MUKAMA amuhaire omugisha omuri byona ebi arikukora. 4Yosefu yaashongoka ahari mukama we, yaamuheereza, mukama we yaamugira omureeberezi w'eka ye na byona ebi yaabaire atungire yaabimukwatsa. 5#Kut 30:27. Ku yaaherize kumugira omureeberezi w'eka ye kandi ow'ebintu byona ebi yaabaire aine, MUKAMA yaaha eka y'ogwo Munyamisri omugisha ahabwa Yosefu; kandi omugisha gwa MUKAMA gwaza ahari byona ebi yaabaire aine, eby'omuka n'eby'omu misiri. 6Yaakwatsa Yosefu ebi yaabaire aine byona; tiyaagaruka kufa aha kintu kyona eki yaabaire aine, kureka eby'okurya byonka, ebi yaabaire arya. Yosefu akaba anyeetsire gye, aine ahamaisho harungi. 7Bwanyima y'ebyo muka mukama we yaamureeba, yaamurigira, yaagira ati: Ija tubyame hamwe. 8Kwonka Yosefu yaayanga, yaagira muka mukama we ati: Reeba, mukama wangye taine ki arikumanya omuri egi ka; akankwatsa ebi aine byona; 9#2 Sam 12:13; Zab 51:4. egi ka tihariho orikuginkiramu; kandi tihariho ki atarandekuriire, kureka iwe wenka, ahabw'okuba ori omukazi we. Mbwenu nimbaasa nta kukora ekibi ekirikwingana kityo, n'okucumura ahari Ruhanga? 10Kandi n'obu araabe yaabaire abimugambira obutoosha, Yosefu akaba ataikiriza kubyama nawe, n'obu kwakuba okuguma nawe. 11Eizooba rimwe Yosefu ku yaataahire omu nju kukora omurimo gwe, hataine mushaija weena ow'omuri egyo ka orimu, 12#Enf 7:13. omukazi yaamukwata ekijwaro, yaamugira ati: Ija tubyame hamwe. Yosefu yaatsiga ekyo kijwaro omu ngaro ze, yaahunga, yaashohora aheeru. 13Omukazi ku yaareebire yaamutsigira ekijwaro kye, yaahunga, 14yaayeta abashaija b'omu ka ye, yaabagira ati: Reeba, bakareeta Omuheburaayo okutweshungiraho; mbwenu yantaahirira kubyama naanye, naateera enduuru; 15ku yaahurira naayamuza ninteera enduuru, yaatsigaho ekijwaro kye, yaahunga, yaashohora aheeru. 16Omukazi nikwo kweta ekyokijwaro haihi, okuhitsya ahu mukama we yaagarukiire omuka, 17#Enf 23:27. akamuteekyerereza ebigambo ebyo byona, oku bibaire, ati: Omwiru Omuheburaayo, ou waatureeteire, yantaahirira kunyeshungiraho; 18ku naayamuza naateera enduuru, yantsigira ekijwaro kye, yaahunga, yaashohora. 19#Enf 6:34. Mukama we ku yaahuriire ebigambo ebi omukazi we yaamugambira naagira ati: Omwiru waawe nikwo yangira, yaagira ekiniga kingi. 20#Zab 105:18; 1 Pet 2:19. Yaakwata Yosefu, yaamuta omu kihome, ahu embohe z'omugabe zaabaire ziboherwa; yaaguma okwo omu kihome.

21 # Zab 106:46. Kwonka MUKAMA yaaguma hamwe na Yosefu, yaamugirira embabazi, yaamuha okukundwa omurinzi w'ekihome. 22Ogwo murinzi w'ekihome yaakwatsa Yosefu embohe zoona ezaabaire ziri omu kihome; byona ebi zaabaire zikora, Yosefu niwe yaabaire abikoresa. 23#Kut 39:2, 3. Omurinzi w'ekihome tiyaagaruka kureeberera kintu kyona omu bi yaamukwatsize, ahabw'okuba MUKAMA akaba ari hamwe nawe, kandi ebi yaabaire akora byona, MUKAMA akaba abiha omugisha.

Currently Selected:

Okutandika 39: RR64

Highlight

Copy