Okutandika 22
22
Ruhanga okugyeza Abrahamu
1 #
Yak 1:12-14. Bwanyima y'ebyo Ruhanga yaagyeza Abrahamu, yaamweta ati: Abrahamu! Yaamweetaba ati: Nyamuhanga! 2#Yoh 3:16; 2 Bus 3:1. Yaamugira ati: Twara omwana waawe omwe nyamunegyere Isaaka, ou okunda, oze omu nsi ya Moria, omutambire aha kibungo kimwe omu bibungo by'aho, eki ndaakugambire, kuba ekitambo ekyokize. 3#Heb 11:17-19. Atyo Abrahamu yaimuka kare omu kasheeshe, yaatandiika endogoya ye, yaatwara babiri aha batsigazi be na Isaaka omwana we; yaashatura enku z'okwotsya ekitambo, yaimuka, yaaza omu mwanya ogu Ruhanga amugambiire. 4Aha kiro kya kashatu Abrahamu yaanaga amaisho, yaareeba omwanya gukiri hare. 5Abrahamu yaagira abatsigazi be ati: Imwe mugume aha n'endogoya, nyowe n'omwojo tuze kuriya, turamye, haza tugarukye, tubashangye aha. 6#Yoh 19:17. Abrahamu yaakwata enku z'okwotsya ekitambo, yaazikorera Isaaka omwana we; we yaatwara omuriro n'omusyo gw'endiga; baagyenda hamwe bombi. 7Isaaka yaayeta Abrahamu ishe ati: Taata! Abrahamu yaamwetaba ati: N'enki, mwana wangye? Yaagira ati: Beitu shi ka twine omuriro n'enku; omwana gw'entaama ogw'okutamba gurahi? 8#1 Pet 1:19. Abrahamu yaagarukamu ati: Mwana wangye, Ruhanga naija kwebonera omwana gw'entaama gw'ekitambo ky'okwotsya. Batyo baagumizamu bombi.
9 #
Yoh 10:17, 18. Ku baahikire omu mwanya ogu Ruhanga amugambiire, Abrahamu yaayombekayo eitambiro, yaariteekyeraho enku, yaaboha Isaaka omwana we, yaamugarika aha itambiro aha nku. 10#Isa 53:6-12. Abrahamu yaakununkirira omusyo kurezya omutabani. 11Maraika wa MUKAMA yaayema omu iguru, yaamweta ati: Abrahamu! Abrahamu! Yaayetaba ati: Nyamuhanga! 12#Rom 8:32; Yak 2:22. Yaamugira ati: Otakora ahari ogwo mwana, nari kugira eki waamwitsa; ahabw'okuba hati naamanya ku orikutiina Ruhanga ahabw'okutaanyima mwana waawe omwe nyamunegyere. 13Abrahamu yaimutsya amaisho, yaamagamaga, yaareeba enyima ye empaya y'entaama ekwatsirwe ebikamba omu mahembe; Abrahamu yaagyenda, yaihayo egyo mpaya, yaagitamba kuba ekitambo ekyokize omu mwanya gw'omwana we. 14Abrahamu yaayeta ogwo mwanya Yehovayire, nk'oku kirikugambwa na hati ngu, Aha kibungo kya MUKAMA kiryaheebwa.
Ruhanga okugaruka kuragaanisa Abrahamu omugisha
15Maraika wa MUKAMA yaagaruka yaayema omu iguru, yaayeta Abrahamu omurundi gwa kabiri, 16yaamugira ati: Naayerahira, nikwo MUKAMA arikugira, ahabw'okukora eki, otanyime mwana waawe omwe nyamunegyere, 17#Kut 13:16. nti: Okukuha ndyakuha omugisha, kandi n'okukanyisa ndyakanyisa oruzaaro rwawe rube nk'enyonyoozi z'omu iguru, kandi nk'omusheenyi gw'aha rubaju rw'enyanja; n'oruzaaro rwawe ruryakubuura amarembo g'abazigu baarwo; 18#Gal 3:8, 9, 16. kandi omurirwo amahanga goona ag'omu nsi nimwo gariheerwa omugisha, ahabw'okuba oyorobeire eiraka ryangye. 19Bwanyima Abrahamu yaagaruka aha batsigazi be; baimuka baagyenda hamwe Beeri-sheba; Abrahamu yaaba niyo yaatuura.
20 #
Kut 11:29. Bwanyima y'ebyo baagambira Abrahamu bati: Reeba, Milika nawe azaariire Nahori abaana; 21omujigaijo ni Uzi, n'omurumuna Buuzi, na Kemueli ishe wa Aramu; 22na Kesedi, Haazo, Piludashi, Yidulafu na Besueli. 23#Kut 24:15. Besueli yaazaara Rebeka; abo omunaana nibo Milika yaazaariire Nahori, murumuna wa Abrahamu. 24Kandi n'omukazi we w'ekinyanshunju orikwetwa Reuma, nawe yaazaara Teeba, Gahamu, Tahashi na Maaka.
Currently Selected:
Okutandika 22: RR64
Highlight
Share
Copy
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
