Popular Bible Verses from Okutandika 22

Share

Abrahamu yaayeta ogwo mwanya Yehovayire, nk'oku kirikugambwa na hati ngu, Aha kibungo kya MUKAMA kiryaheebwa.

Yaamugira ati: Twara omwana waawe omwe nyamunegyere Isaaka, ou okunda, oze omu nsi ya Moria, omutambire aha kibungo kimwe omu bibungo by'aho, eki ndaakugambire, kuba ekitambo ekyokize.

Yaamugira ati: Otakora ahari ogwo mwana, nari kugira eki waamwitsa; ahabw'okuba hati naamanya ku orikutiina Ruhanga ahabw'okutaanyima mwana waawe omwe nyamunegyere.

Abrahamu yaagarukamu ati: Mwana wangye, Ruhanga naija kwebonera omwana gw'entaama gw'ekitambo ky'okwotsya. Batyo baagumizamu bombi.

nti: Okukuha ndyakuha omugisha, kandi n'okukanyisa ndyakanyisa oruzaaro rwawe rube nk'enyonyoozi z'omu iguru, kandi nk'omusheenyi gw'aha rubaju rw'enyanja; n'oruzaaro rwawe ruryakubuura amarembo g'abazigu baarwo; kandi omurirwo amahanga goona ag'omu nsi nimwo gariheerwa omugisha, ahabw'okuba oyorobeire eiraka ryangye.

Bwanyima y'ebyo Ruhanga yaagyeza Abrahamu, yaamweta ati: Abrahamu! Yaamweetaba ati: Nyamuhanga!

Maraika wa MUKAMA yaayema omu iguru, yaamweta ati: Abrahamu! Abrahamu! Yaayetaba ati: Nyamuhanga!

Maraika wa MUKAMA yaagaruka yaayema omu iguru, yaayeta Abrahamu omurundi gwa kabiri, yaamugira ati: Naayerahira, nikwo MUKAMA arikugira, ahabw'okukora eki, otanyime mwana waawe omwe nyamunegyere

Ku baahikire omu mwanya ogu Ruhanga amugambiire, Abrahamu yaayombekayo eitambiro, yaariteekyeraho enku, yaaboha Isaaka omwana we, yaamugarika aha itambiro aha nku.