Zabbuli 35
35
Zabbuli ya Dawudi.
Okwesiga Katonda
1Ayi Mukama, wakana n'abo abawakana nange,
Lwana n'abo abalwana nange.
2Kwata engabo n'akagabo,
Osituukiremu onnyambe.#1 Peet 2:3, Kuv 14:25, Is 49:25
3Galula effumu lyo,
Eri abo abanjigganya,
Oŋŋambe nti,
“Nze bulokozi bwo.”
4 #
Zab 35:26; 40:14; 70:2; 71:13 Bakwatibwe ensonyi baswale,
Abaagala okunzita,
Bazzibwe emabega nga basobeddwa abateesa okunkola akabi.#Zab 69:22-28; 109:6-15
5Malayika wa Mukama abagobe,
Babe ng'ebisusunku ebitwalibwa embuyaga.#Yob 21:18
6Ekkubo lyabwe libeemu ekizikiza
n'obuseerezi.
Malayika wa Mukama mw'abagobera.#Zab 73:18, Yer 23:12
7Kubanga bantega ekitimba,
Awatali nsonga,
Baasima obunnya mbugwemu.
8Okuzikirira kubatuukeko nga tebamanyi,
N'ekitimba kye bantega kikwase bo
Bennyini bazikirire.#Zab 7:15, Nge 5:22, 1 Bas 5:3
9Olwo ndisanyukira Mukama,
Ndijaguza olwo obulokozi bwe.#Zab 9:14, Is 61:10, Luk 1:47
10N'omutima gwange gwonna ndigamba nti, “Mukama, ani afaanana nga ggwe,
Awonya omunafu eri oyo amusinga amaanyi,
Awonya omwavu eri oyo amunyagako ebibye?”#Zab 51:8; 71:19; 86:8
11Abajulirwa ab'obulimba basituka
Bannumiriza ebigambo bye ssimanyinako.#Zab 27:12
12Bansasula obubi ku lw'obulungi,
Ne bammalamu amaanyi.#Zab 38:20, Yer 18:20
13Naye bo bwe baalwala, n'ayambala ebibukutu,
Ne nnebonereza nga nsiiba,
Ne nsaba Katonda nga nkutamizza omutwe.#1 Bassek 20:31, Yob 30:25, Zab 69:10,11, Mat 10:13
14Nnakola nga bwe nandikoledde mukwano gwange,
oba muganda wange,
Ne nkutama ne nnakuwala ng'afiiriddwa nnyina.#Zab 38:6
15Naye nze bwe n'agwa ku kizibu ne basanyuka, ne bakuŋŋaana okunsekerera.
Ne be simanyi,
Ne banjeyereza obutasalako.
16Ne banduulira ng'abatatya Katonda,
Ne baluma obujiji nga bansunguwalidde.#Zab 37:12
17Ayi Mukama, olituusa wa okutunula obutunuzi?
Mponya abaagala okunzita.
Obulamu bwange buwonye empologoma zino.#Zab 22:20, Kaab 1:13
18Olwo ndikwebaliza mu kibiina ekinene,
Ndikutenderereza mu bantu abangi.#Zab 22:22,25
19Abalabe bange abampaayiriza, tobakkiriza kunneewaanirako.
Era abankyawa awatali nsonga, tobaganya kunyigiragana ku liiso ku lwange nga basanyuka.#Zab 69:4, Yok 15:25
20Kubanga teboogera bya mirembe,
Naye bateesa ebigambo eby'obulimba ku abo abateredde emirembe mu nsi.
21Bannumiriza nga baleekaana nti,
“Twalaba kye wakola!#Zab 22:3; 70:3
22Bino byonna wabiraba, ayi Mukama, tosirika busirisi.
Ayi Mukama, tombeera wala.#Kuv 3:7, Zab 10:1; 28:1
23Situka, Ayi Mukama, ontaase.
Osale omusango gwange,
Katonda wange era Mukama wange.#Zab 7:6; 44:23
24Sala omusango gwange, Ayi Mukama Katonda wange, ng'obutuukirivu bwo bwe buli;
Toganya balabe bange kunneewaanirako.#Zab 7:8; 35:19
25Baleme kugamba mu mitima gyabwe nti, Otyo, tufunye kye twagala:
Oyo Tumumize bugobo!#2 Sam 17:16, Kung 2:16
26Bonna abasanyukira nze okulaba akabi, bakwatibwe ensonyi baswale.
Bajjule ensonyi n'okunyoomebwa abanneegulumirizaako.#Yob 8:22; 19:5, Zab 35:4
27Boogerere waggulu olw'essanyu,
bajaguze, abo abaagala nsinge omusango.
Era boogerenga bulijjo nti, Mukama agulumizibwe,
Asanyuka okulaba ng'omuddu we ng'awangudde.#Zab 40:16; 70:4
28Olwo ndirangirira obutuukirivu bwo,
Ne ttendo lyo obudde okuziba.”#Zab 51:14; 71:24
Currently Selected:
Zabbuli 35: LBR
Highlight
Share
Copy
Want to have your highlights saved across all your devices? Sign up or sign in
All rights are reserved to the Bible Society of Uganda.