Zabbuli 34
34
Zabbuli ya Dawudi; bwe yawaanyisa empisa ze mu maaso ga Abimereki, eyamugoba, n'agenda.
Katonda akuuma abatuukirivu
1Nneebazanga Mukama mu biro byonna,
Nnamutenderezanga bulijjo.
2Emmeeme yange eneenyumiririzanga mu Mukama,
Ababonaabona bawulire basanyuke.#Zab 44:8, Yer 9:24, 1 Kol 1:31
3Mujje tugulumize Mukama,
Tugulumize erinnya lye fenna.#Zab 69:30, Luk 1:46
4Nneegayirira Mukama, n'anziramu,
N'andokola mu kutya kwange kwonna.#Zab 18:6, Mat 7:7
5Mumutuunulire, musanyuke,
Temulikwatibwa nsonyi n'akatono.
6Omunaku ono yakoowoola, Mukama n'amuwulira,
N'amulokola mu nnaku ze zonna.#2 Sam 22:1
7Malayika wa Mukama asiisira okwetooloola abo abamutya, N'abalokola.#Lub 32:1,2, 2 Bassek 6:17, Dan 6:22, Beb 1:14
8Mulegeeko mulabe nga Mukama bw'ali omulungi.
Wa mukisa oyo amwesiga.#Zab 2:12, Beb 6:5, 1 Peet 2:3
9Mutyenga Mukama, mmwe abatukuvu be,
Kubanga tebabulwa kintu abamutya,#Baf 4:19
10Obwana bw'empologoma oluusi bubulwa emmere ne bulumwa enjala;
Naye abanoonya Mukama tebaabulwenga kintu kirungi kyonna.#Yob 4:10,11, Zab 84:11
11Mujje, baana bange, mumpulire,
Mbayigirize okutya Mukama.#Zab 66:16
12Oyagala okunyumirwa obulamu, okuwangaala n'okufuna ebirungi?#1 Peet 3:10-12
13Ziyizanga olulimi lwo okwogera obubi,
N'emimwa gyo obutoogeranga bya bulimba.#Zab 15:3; 141:3, Yak 1:26, 1 Peet 2:1,22, Kub 14:5
14Va mu bubi, okolenga obulungi;
Noonyanga emirembe, ogigobererenga.#Zab 37:27, Bar 12:18; 14:19, 3 Yok 11
15Amaaso ga Mukama gali ku batuukirivu,
Era awulira okukaaba kwabwe.#Zab 33:18, Yok 9:31
16Obwenyi bwa Mukama buba ku abo abakola obubi,
Alaba nti tebajjukirwenga mu nsi.#Zab 33:18, Yok 9:31
17Abatuukirivu baakoowoola, Mukama n'awulira,
N'abalokola mu nnaku zaabwe zonna.
18Mukama ali kumpi n'abo abalina omutima ogumenyese.
Era awonya abalina omwoyo oguboneredde.#Zab 51:17, Is 61:1; 66:2
19Ebibonoobono eby'omutuukirivu bingi,
Naye Mukama amulokola mu byonna.#Zab 34:6, Bik 12:11, 1 Tim 3:11,12
20Akuuma amagumba ge gonna,
Nekutamenyekako na limu.#Kuv 12:46, Yok 19:36
21Obubi bulitta omubi,
N'abo abakyawa omutuukirivu balisingibwa omusango.#Zab 7:15,16; 94:23
22Mukama anunula abaddu be,
So tewali mu bo abamwesiga alisingibwa omusango.#Zab 25:22; 103:4, Bar 8:33,34
Currently Selected:
Zabbuli 34: LBR
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
All rights are reserved to the Bible Society of Uganda.