Psalms 95
95
Atuun Nanġautikun
1Qaiḷusi, nanġaġlakput Ataniq!
Quviasugluta atuqta uyaġauruamun annaurriptinnun!
2Ullautisa saaŋanun quyyatiqaġluta
suli atuġluta quvianaqtuanik nanġautinik.
3Atanikkii God-auruq suaŋŋatiqaqtuaguvluni,
umialik qutchigñiqsrauruaq god-ipayaaniñ.
4Atanniqsuġaa nunapayaaq,
itiniqsraŋiññiñ iḷuata nunam qutchigniqsraŋiññun iġġich.
5Taġiuq atanniqsuġaa, ilaata piḷiaġivlugu;
nunaptauq, argamiñik piḷiaŋa.
6Qaiḷusi, purvigilakput suli nanġaġlugu ilaa;
sitquġluta sivuġaanun Atanġum, Savaŋaruam uvaptinnik!
7 #
He 3.7-11. #
He 3.15; 4.7. Qanuq ilaa God-igigikput;
uvagut ilaan qaunagigaatigut,
iluqata imnaich naamapkaġaatigut.
Uvlupak naalaġnisiuŋ:
8 #
Ex 17.1-7; Nu 20.2-13. “Siqquqsipkaġnasiuŋ uummatiksi, piusiŋatitun maŋŋuvsi Meribah-mi,
piḷġusiatitun taiptumani uvlumi Massah-mi nunagluktuami.#95.8 Quliaqtuaŋik taapkuak ittuk Exo. 17:1-7-miḷu Num. 20:1-13-miḷu.
9Taikani kiŋuniivsi uuktuŋagaanŋa,
qiñiŋagaluaqłutigluuvvaa savaamnik.
10Malġukipiani (40) ukiuni qinnautiŋagitka taipkua kiŋuniġiiguruat.
Uqallaŋaruŋa, ‘Iḷumutuuġutaiññiaġaatiin!
Kamaksrisuŋiñŋarut piraksriutimnik.’
11 #
Nu 14.20-23; Dt 1.34-36; He 4.3, 5;
Dt 12.9, 10. Qinnaliŋaruŋa aasii unniqsuqłiivḷuŋa:
‘Isiġataġumiñaitchusi nunamun
unaŋuiqsiġviksrautikkaluavsiññun.’”
Currently Selected:
Psalms 95: INUPIAQ
Highlight
Copy
Compare
Share
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
