Psalms 48
48
Zion, Iniqpaŋa God-im
Psalm aglaaŋat iḷaŋisa Korah-m; atuun.
1Ataniq kamanaqtuq aasii qutchiksuaġilugu nanġaaksrauruq
iniqpaŋani God-ipta, Ilaan salumaruami iġġiŋani.
2 #
Mt 5.35. Zion, iġġiutaa God-im, qutchiksuq qiñiyunaqtuġlu;
iniqpaŋata kamanaqtuam umialgum quviatchaigaa nunapayauraq.
3God iḷitchuġipkaiŋaruq navianaisilaaŋa ilimiñiittuni
isiġmiuvluni uqqisimaaġviŋiññi iniqpaum.
4Umialgich katinŋarut
aasii aullaqivlutik Zion tuŋaanun.
5Tavraaglaan tautukkamirruŋ, aliuġutchaktut;
iqsitchakhutiŋ qimaasiññaqtut.
6Uuliksiqpaŋarut unnii,
aġnaq aulayyautiraatun iġñiaqsivḷuni.
7Umiaqpaktun qaiḷḷiqpaum siqumittaatun.
8Tusaaraġigivut God-im savaaŋich,
pagmapak aasiuvva qiñiġikput
iniqpaŋani God-ipta. Atanġum Sapiġñaqtuam;
ilaan navianniuqtitaupkaġumiñaitkaa iniqpak taimuŋa isuitchuamun.
9Iḷuani Aŋaiyyuvikpakpich, Ilvich God,
isummatigiraġigikput nuŋulaitchuaq nakuaqqutin.
10Nanġaġuugaatin iñupayaat sumiḷiqaa,
surġausiḷḷuatan aasii naluŋaiŋagaat nunapayaurami.
Atanniqsuiraqtutin pitqiksiġautaitchuakkun;
11iñuŋi aasii Zion quviasuglich!
Ilvich iluatun isivġiisuurutin;
quviasuglich iniqpaŋiññi Judah-m!
12Iñugiraasii God-im, kiavallaksiuŋ Zion aasii kisisaaġlugich nasisaaġviuruat;
13naipiqtuqsigich katchiŋi qimilġuuġlugiḷḷu uqqisimaaġviŋi;
uqautillayumagitin taipkua kiŋuvaaguniaqtuat:
14“Taamnauvva God, God-igigikput taimuŋa isuitchuamun;
Ilaan sivulliuqsaġataġaatigut isuksraitchuamik.”
Currently Selected:
Psalms 48: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
