Proverbs 26
26
1Nanġaiñiq isumalluaġiitchuamun iluaŋitchuq,
aputitun upinġaaguruami naagga sialuktuami nautchianik kivluivigmi.
2Pimaqłuktinniaġutit anniġumiñaitkaatin patchisauŋisuaġuvich.
Qupałuktun arriqaqtut qulausiññaqtuatun.
3Ipiġaqtuksraġigiñ tuttuqpak, kigmirriqsraġigiñ kakakti,
suli anaullaqtuksraġigiñ isumalluaġiitchuaq.
4Sivunġitchuaq apiqqun kiugupku,
taaptumatun apiqsriruatun ittutin.
5Sivuniqtuitpan kiggutin apiqqutauruamun sivunġitchuamun,
apiqsriruaq iḷitchuġiniaqtuq puqipiaŋisilaamiñik.
6Isumalluaġiitchuamik tilisiguvich uqallaurritqulugu, isigaktin ilignik kipiruatun ittuq;
iluitchuamun tikiññiaqtutin.
7Isumalluaġiitchuam alġaqsruutiŋich
arriqaqtut qilluutatuqtuatun iñuktun pisuaġnitchuatun.
8Nanġaqtuni isumalluaġiitchuaq
arriqaqtuq uyaġagmik qiḷiqsruutiŋaratun illuunmun.
9Isumalluaġiitchuam uqallausiġimmauŋ isumaturuam alġaqsruutaa
itqaġnaqtuq immaġluŋaruaq qauqqutaiqsiñiataktuaq argagmiñiñ.
10Savaktitchiri savaktiksraġman isumalluaġiitchuamik
apqusaaqsiññaqtuamik anniaqłiqsiññaqtuq kimunliqaa.
11 #
2 P 2.22. Isumalluaġiitchuaq isumalluaġiiḷuktatqigaaġman
arriqaqtuq qimmisun utiqtuatun miġiamiñun.
12Isumalluaġiił̣haaqtuaq iluałhaaqtuq iñugmiñ
isumatunasugiruamiñ isumatuitkaluaŋŋaġmi.
13Summan iqiasuuruat iñuich anisuitpat iglumigñin?
Iqsivat lion-nik?
14Iqiasuuruat iñuich mumiksiññaġuurut tuŋiutimigñi.
Upkuatun aŋmaġaaqtuatun umimmaġmi ittut nuullanatik.
15Iḷaŋich iñuich iqiasuuvaił̣ł̣utik
uqummirriġumiñaitchutunnii.
16Iqiasuuruaq iñuk isumaqaqtuq puqił̣haanasugivluni
tallimat malġugniñ iñugniñ uqalumignik tunulliqsuiḷḷaruaniñ.
17Qanaaqtuanun iḷaksruutiniq nalugaluallaġmi sunik
arriqaqtuq tiguniqłaktuatun qimmim siuttak.
18-19Iñuum pisaasuġmiaġmauŋ alla aasii mitaaqsiññaġnivḷuni
arriqaqtuq isumaiḷatun iñuktun piuraaqaqtuatun tuqutchiḷḷaruamik satkumik.
20Qiruiġman igniq qamisuuruq;
uqautikłiqsuagitpan qanaaqtuaqaġniaŋitchuq.
21Aumam ikumapkaġuugaa aġra, qiruum igniq ikumapkaġuugaa,
suli maqutchirit paaqłaktaun ititchuugaa.
22Uqautikłiġñiq tipigiksuq!
Iisisuġnaqtuq!
23Uqausiqłiġñiġum iriġaqtuġuugaa isumagipiaqtan
arriqaqtuq qivliqsaŋaruatun akiisuuram qikuyyam puggutaŋatun.
24Ukpiŋŋuaqtuam iriqsimagaa uumikkun uqayuġniġmiñik.
25Tusaasuġnaġaluaqtuq, ukpiġinagu,
qanukkii uummataa siḷvinŋaruq uumisuunmik.
26Iḷisaġnaiyaġniaġaluaġaa uumikkutini,
aglaan iñupayaam qiñiġniaġai piḷuktuat piḷġusiŋi.
27Iñuich pisaasuġmiaġniaqtuat allanun iñugnun pirausuurut.
Iñuich aksraktitchiruat nunamik naniqtausuurut.
28Uumikkutiqaġniaqtutin anniġumagupku iñuk sagluuġutinik.
Iḷumun inŋitchuat uqaluich maqutchisiññaġuurut.
Currently Selected:
Proverbs 26: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Free Reading Plans and Devotionals related to Proverbs 26
Jesus in All of Proverbs - a Video Devotional
The Book of Proverbs
The Book of Proverbs
