Ephesians 1
1
1 #
Ac 18.19-21; 19.1. Uvaŋa Paul, tiliraŋa Christ Jesus pisuutaagun God-im, tuyuqtuŋa ilaaguaqtauruanun God-mun, ukpiġnaqtuaguruanun Christ Jesus-mi [Ephesus-miittuanun.] 2Nagliktuusiaqpaqaġitchisuq tutqiunmiglu God-miñ Aapaptiŋniñ Ataniġmiḷḷu Jesus Christ-miñ.
Quviasaaġusiat Christ-miñ
3Nanġaġlakput God, Aapaŋa Atanipta Jesus Christ, qanuq atausiŋŋuqatigiŋakaptigu Christ, ilaan aitchuŋagaatigut anniqsuutauyumiñapayauraqtuanik uvaptiŋnun itqanaiqsaqłuta qiḷaŋmuŋniksraptiŋnun. 4Savaŋaiñŋaġmi unnii nunamik, God-im piksraqtaaġianiŋagaatigut atausiŋŋuqatautquvluta Christ-mun, iñuuyumiñaquvluta nalaunŋaruakun, suli pasiñaġumiñaiḷḷuta piḷuunmik sivuqqamiñi. 5God-im piviuttaġiŋavluta taimaŋŋa, aasii piksraqtaaġikamisigut taimani ilaa sivunniŋammiuq tiguaġukłuta inmiñun, tiliḷugu Jesus Christ nunamun tuqqutitquvluta. Taamna piŋagaa ilaan pisuutigivlugu. 6Tavraasii nanġaġlakput God, qanuq atqunapiaġataq nagliktuutiqpaqaŋaruq uvaptiŋnun, atausiŋŋuqataullasikamisigut piviuttaġiramiñun Iġñiġmiñun.
7 #
Col 1.14. Christ tasuŋagaatigut God-mun, maqipkaqługu auni tuqqutivluta, God-mun suliqutigiŋaiquvlugich itqaumayumiñaiġḷugich piḷuutivut. 8Tainna pikami, ilaa atqunapiaġataqłuni nagliktuutiqpaqaŋaruq uvaptiŋnun. 9Qanuq God isumatupiaġataqtuaq suli kaŋiqsiŋavlugich supayaurat, salapqiŋagaa pisuutini uvaptiŋnun. Ilaan sivunniuġutigiŋakkaŋa iḷisimanaŋaitkaluaqtuaq sivuani, Christ-gum paŋmapak taŋŋiŋagaa. 10Aasiuvva God-im sivunniuġutigiŋakkaŋa, piviksraq nalautitpan supayaat ilaan savaani atautchimuquvlugich piqatigilugu Christ Atanġuruaq supayaanun, sut qiḷaŋmiitkaluaqpata, naagga nunamiitkaluaqpata.
11Atausiŋŋuqataukapta Christ-mun, kiŋuvaannaŋarugut iñuggunmik isuitchuamik. Taamna piŋaruq God-im sivuniġiŋavlugu tainna piruksrauvlugu. Ilaan nalautitchuugai ataramik sivunniuġutini. 12Taamna pisigilugu, uvagut Jew-guruat ukpiqqaaqtuaguut Christ-mun iñuuruksraurugut iḷisimanaqsisaġlugu qanutun God-im kamanaqtilaaŋa, iñuŋnun nanġaġumiñaqsiḷugu. 13Sulivsauq ilivsi, tusaaganikavsiuŋ uqaluk iḷumun ittuaq, tusaayugaaġiksuaq annautikun, suli ukpiġivlugu, Ilitqusiġiksuam unniqsuqłiisauŋaruam nalunaiñŋutchiŋagaasi, God-mun pigiliutivlusi. 14Tavraasii nalunaiñŋutchiqsauŋavlusi pigiliutivlusi God-mun, nalupqisukkumiñaitchusi annaurrautilaavsiññik paŋmapaŋmiñ qiḷaŋmugataġlusi. Pisigilugu taamna, iluqaġmiŋ iñuich nanġaġlirruŋ God kamanautaagun.
Paul Aŋaiyyutaa
15Taamna pisigivlugu, tusaaŋavluŋa ukpiġutivsiññik Ataniġmun Jesus-mun suli piviuttaqqutivsiññik iluqaiññun ilaaguaqtauruanun God-mun, 16quyaŋaiyuitchuŋa ilivsigun God-mun, itqaumavlusi aŋaiyyutimni. 17Apiġigiga God-iŋa Atanipta Jesus Christ, kamanaqtuaq Aapa, puttuqsritquvlusi ilaan isumattutaanik, ilivsiññun God iḷitchuġimmaġiksitquvlugu. 18Suli apiġigiga God iḷitchuġipkaquvlusi nalupqigiŋaiġḷugu annagumman taavrumuŋa God-im ququaŋammasi, suli iḷitchuġilugu inuaŋaiññiŋa kamanautim, God-im ilaaguaqtaŋisa kiŋuvaannaktaaġiniakkaŋat. 19Apiġivsaaġmigiga God iḷitchuġipkaquvlusi qanutun kamanapiaġataqtilaaŋanik ilaan suaŋŋataa ikayuġumiñaqłuta ukpiqtuaguruaguut. 20#Ps 110.1.Taavrumuuna kamanapiaġataqtuakun suaŋŋatikun God-im aŋipkaŋagaa Christ tuqqunmiñ, aasii aquvitiłługu kamanaqsipkaqtauviŋmun ilaan taliqpiata tuŋaanun qiḷaŋmi. 21Tavra Christ kamanałhaaqsiŋaruq isaġuliŋniñ ilitqusiqł̣uŋniḷḷu, suli suaŋŋatiniñ ataniġnaqutiniḷḷu. Aasii ilaan kamanautaa kamanałhaasugruktuq supayaaniñ mattumani nunami, naagga nunami qaiyumaaqtuami. 22,23#Ps 8.6.#Col 1.18.Aasiisuli God-im aŋalatchiyumiñaqsiŋagaa Christ supayaanik, iñupayaaniglu. Aasii Christ niaquummatun ittuq aŋaiyyuliqiruanun timigimmatun itamiñun. Ilaan atanniqsimagai iluqaisa aŋaiyyuliqiruat, suli nayuqłiataa ittuq iluqaiññi, tainnatuttauq nayuqłiataa inmatun sumiḷiqaa.
Currently Selected:
Ephesians 1: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
