Colossians 4
4
1 #
Eph 6.9. Atanġuruasii, aŋalataġisigik kivgasi nalaunŋaruakun pitqiksiġautaitchuakullu, iḷisimalusi ilivsivsauq Ataniqaqtilaavsiññik qiḷaŋmi.
Iḷisaurrutit
2Aŋaiyyusimaaġitchi tuniqsimalugu aŋaiyyuniqsi. Qiptaiḷḷusi aŋaiyyuguvsi, quyyavigilugu Ataniq. 3Aŋaiyyutilutalu, God-mun aitchuquluta piviksramik alġaqsruiyumiñaqsiḷuta tusaayugaaġiksuanik, quliaqtuaġilugu Christ sivuani kaŋiqsiñaiñŋaruaq. 4Pisigivlugu alġaqsruiñiġa tigutaaqtauruŋa. Aŋaiyyutisiŋa kaŋiqsiñaqsiḷugu uqautigiyumagiga kaŋiqsiñaiñŋaruaq Christ-kun. Taamna piraksraġigiga. 5#Eph 5.16.Piqataukavsi ukpiŋaitchuanun aŋalataġisitchi ilivsiññik isumattutikun, atuġlugu piviksraq quliaqtuaġilugich tusaayugaaġiksuat. 6Uqaluusiqsi ataramik iviġaumanaġli, anniqsuiyumiñaġlutiŋ uqalusi iḷisimayumiñaġumausi qanuq kiggutilluataksravsiññik iñupayaamun.
Paġlasuiqsaaġutit
7 #
Ac 20.4; 2 Ti 4.12. #
Eph 6.21, 22. Tychicus quliaqtuaġutiniaġaasi iluqaanik irrusimñik. Ilaa piviuttaġirauvluni aniqatauruq ukpiġnaqłuni savaktauruq kivgauqatauvluni kivgauruanun Ataniġmun. 8Tiliŋagiga ilivsiññun una sivuniġivlugu, ilivsi iḷitchuġitquvlusi qanuqitilaaptiŋnik ilaanullu qapiŋaisaaquvlusi iluqasi, 9#Phm 1.10-12.aasii piqatigimmigaa Onesimus, ukpiġnaqtuaq piviuttaġirauruaġlu aniqan, iḷauruaq ilivsiññun. Taapkuak quliaqtuaġutiniaġaasi supayaanik piŋaruanik maani.
10 #
Ac 19.29; 27.2; Phm 1.24;
Ac 12.12, 25; 13.13; 15.37-39. Aristarchus tigutaaqtauqatiŋma paġlagaasi, Mark-guvlu aġnaqatiŋan Barnabas. Piraksriŋagivsi qanuq ilivsiññun paġlaraksraġitilaaŋanik. Qaikpan paġlayumagiksi. 11Paġlayumagiksivsauq Jesus taggisiqaqtuaq Justus-mik. Kisimik taapkua aŋutit Jew-guruat savaqataurut uvamnun akunġanni savaqanma alġaqsruikama atanniqsimmataanik God-im iñuŋnun, aasii qapiŋaisaaġutauŋarut uvamnun.
12 #
Col 1.7; Phm 1.23. Epaphras-gum iḷaummiruam ilivsiññun, kivgaŋata Christ Jesus, paġlagaasi, ataramik itqaumavlusi kipiġniuġutikun aŋaiyyunmiñi, iñuutquvlusi agliraksraiqsuatun ukpiqtuatun, suli nalupqigiŋaiġumiñaqsiḷugu pisuutaa God-im ataramik. 13Iḷisimapiaġiga ilaa savaŋatilaaŋa siġḷiqivluni pisivlusi taamapkualu Laodicea-miittuat Hierapolis-miittuallu. 14#2 Ti 4.11; Phm 1.24; 2 Ti 4.10; Phm 1.24.Luke-gum piviuttaġirauruam taaktim Demas-lu paġlagaasi.
15Qaaŋiqsitchigik paġlatitka aniqatiinun Laodicea-miittuanun Nympha-mullu aŋaiyyuliqiruanullu igluani. 16aasii ukua tuyuutit taiguaganikpatigik akunnavsiññi, taiguaqtinmiyumagisi aŋaiyyuliqiruanun Laodicea-mi, suli taiguaqsaġmigisivsauq tuyuutit Laodicea-ġmiunun, 17#Phm 1.2.uqallautilugulu Archippus, qaunagiyumaugguuq taŋŋiġuglugu savaaksriusiani Atanġum aitchuutaa ilaanun. 18Uvaŋa Paul aglakkiga una paġlan uvamnik. Itqaumasitchi tigutaaqtautilaamnik. God naglikkutiqpaqaġli ilivsiññun.
Currently Selected:
Colossians 4: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
