1 Samuel Iḷitchuqqutit
Iḷitchuqqutit
Sivulliq Makpiġaaŋa Samuel aglaaguruq simmiġñiŋagun Israel aullarriqaġniġmiñiñ isivġiqsiñik umialiqaġniġmun. Tainna simmiġñiŋa Israel-gum nunaŋata igliġniŋa inŋaruq piŋasutigun aŋutitigun: Samuel, aqulliq kamanaqtuaguvluni isivġiqsiġuruaq; Saul, Israel-gum sivulliq umialiŋa; suli David, suraġausiqqaamiñi iḷaksruutauniŋagun, Samuel-guvlu Saul-guvlu iñuusiŋigñi umialiguŋaiñŋaġmi.
Sivuniŋa uuma makpiġaam, allatuttauq aglaaguruatun Old Testament-mi, ukpiġutiqaġniq God-mun ikayuutausuutilaaŋa piḷḷuataġniġmun, aasii kamaksriŋiññiq maqurrutausuutilaaŋa. Taamna nalunaiqł̣ugu agliusimaruq Atanġum kiliktuutaani aŋaiyyuliqsiqpagmun Eli-mun avgunmi 2, verse 30-mi inna: “Qiksiginiaġitka iliŋich uvamnik qiksiksraqtuat, aasii aŋalamaqługniaġitka uvamnik suuŋiḷaqłiqsuat.”
Makpiġaam agliutigaich allagiit isummatit simmiġmata umialiqaġniġmun. Ilaa Ataniq qiñiŋagaat iḷumun umialiunivḷugu Israel-mun, aglaan iñuich pisuutaat pisigivlugu Ataniq piksraŋaruq umialiksraŋannik. Nuimaruaq ittuaq iluqatik umialiglu iñuŋiḷḷu Israel iñuuŋarut ataniġnaqutaani God-im. God-im pitquraŋani iñupayaat, umialgugaluaqpata naagga piiḷḷiuġaluaqpata, iñuuniaġniŋat anayasaaqtauruksrauŋitchuq.
Avgutit
Samuel Isivġiqsaumman Israel-mi 1.1—7.17
Saul Umialiguġman 8.1—10.27
Sivulliich Ukiut Saul umialigumman 11.1—15.35
David-lu Saul-lu 16.1—30.31
Saul-lu iġñiiniḷu tuqummata 31.1-13
Currently Selected:
1 Samuel Iḷitchuqqutit: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)