Kabavelamu 45

Iosepa taunina ivekaiveveneni tatanavo waidie

4Iosepa tatanavo waidie ivesipupu ivo, “Kwamai vivigue.” Tutuyanina imai vivineye ivesipupu ivo, “Yau taimi Iosepa, gumanigu kwavegimwaneyegu ikewagu imaiegu dede Itipita pwayapwayana waineye. 5We deqoina ge nuami inakapo wete kamikapoka inaoqala taunimi waimie yau kwavegimwaneyegu amai dede waineye, paina Yaubada ivetunegu agumeta amai tomo'otoqa aiketoyavudi ge inawapa. 6Diqabanidiavo dede kailuqa waidie lase kanatutuya pwayapwaya waineye. We diqaba 5 waidie imaimai ge tamo aitoi inabagula wete inatavi kanikani. 7We Yaubada ivetunegu agumeta wamie'eqa amai beqa komi wete tubuleleleqimiavo aiketoyavumi kabanuavilele bwaigina beqa, we meyawaimi kwaimiamia.

8“We komi dede waineye ge kwadavetunegu, we Yaubada ivetunegu dede waineye wete iyatogu Pelo kanatokaivaisa, ailoinedi Pelo navanuqa kanatomianavo wete Itipita pwayapwayana matatabuna kanatoloina. 9#Aposi 7:14Deqoina kwavedimadimana kwainaqo tamada waineye, kwavoneni kwanavo, ‘Natumu Iosepa ivona ivo: Yaubada iyatogu Itipita pwayapwayana matatabuna kanatoloina. Ge kwaivemumuna kwaiobuma waigue. 10Komi kanasala kwaimai vikai Goseni waineye kwaimiamia vagi yau vivigue. Komi, natumiavo, tubumiavo, misipivo, migoutivo, mibulumakauvo wete vakai sakuvo waimie taiauda kwaimaiedi. 11Paina diqaba 5 wete lase bwaigina, vagi yau aivekisabodebodemi wete kanasala kanikani aivelemi. Kago kanikani ge aivelemi mitomo'otoqavo wete mitolituqavo inaveyomuyomu.’ ”

25Beqa Iosepa tatanavo Itipitaeqa ivila inaqo Kenani tamadi Iakobo waineye. 26Tutuyanina no waineye imai tamadi ivoneni ivo, “Iosepa ge idawapa. Gumanina Itipita kanamatatabu iloloineni.” Tamadi Iakobo divona inoqai, we itoalavunuqi vonanina ge idavetumaqaneni.

27We Iakobo ivoneni vona puena Iosepa ivonedi, wete saku kabadodoqa wagabiubiunidiavo ikisedi Iosepa gumanidiavo ivetunedi inadodoqi Iakobo inavileni inanaweni Itipita. Matautauda iyagova-otoqi nuana ikawananaqai. 28Beqa Iakobo ivesipupu ivo, “Vona mwaqitana! Natugu Iosepa meyawaina ge idawapa. Ainaqo aikiseni mulineye aiwapa.”

Currently Selected:

Kabavelamu 45: mzz

Highlight

Copy