Isauyedi 25

Iave Na'ukweta Maqemaqetana

Iave Mosese ivoneni ivo, “Tomo'otoqa kuvonedi saku guyoguyodi inakalaqei-maimaiqa beqa gu Ukweta Maqemaqetana inayoqoni.” Sakunidiavo mesaida goula, seluba, kainumu, kaleko, welavi, vane, bunama olibe wete tupwaidiavo saku.

8Iave Mosese ivoneni ivo, “Tomo'otoqa kivonedi Ukweta Maqemaqetana inayoqoni Yau paipaigu, beqa gamwadie aimiamia. 9Ukweta Maqemaqetana we kanasakuvo kwaivalabubunidi kaia dede mesaida gunuanuana avevemi.”

Vonadabadaba Kanadedewaga

10Iave Mosese ivoneni ivo, “We welavi akasia#25:10 Akasia tamo welavi pakalina no waineye itovotovoi. beqa Vonadabadaba Kanadedewaga kwaivalabubuni. Kanakaniakwana 110 senitamita, kanasinedada 66 senitamita wete kanalaga 66 senitamita. 11Dedewaganina goulakava beqa kwaigiapwatedi maleweye wete naqeneye, we wete goula beqa kanatalatala dolena kwaivaiqavuya inakapavivila. 12Goulaeqa kaipapula kabasinawe pulina kwaivalabubunidi kwaigiapwatedi dedewaga kaqena tamoqana tamoqana waidie, kwaiyatodi vikaineye kailuqa wete vikaineye kailuqa. 13We kaipapula kailuqa welavi akasia beqa kwaivalabubuni goula beqa kwaiumai. 14Dedewaga kanakabasinawe waidie kaipapulanidiavo kwaisinawedi we waidie'eqa kwaikavala. 15Ge kwaisiokedi kaipapulanidiavo kaia waidie inakenokeno. 16Tutuyanina dedewaga inakakava, gileu beabeadi kailuqa aivelemi kwaidodoqidi waineye, gileunidiavo waidie vonadabadaba agililidi.

17“Matautauda Vonadabadaba Kanadedewaga kanatutuboda goula beqa kwaivalabubuni, we no waineye tomo'otoqa dikapoina aikukukumidi. Tutubodanina kanakaniakwana 110 senitamita wete kanasinedada 66 senitamita. 18We selubima#25:18 Selubima tamo vaitabu veluvelulunina Yaubada ivalabubuni mepapena Tomwaya navikai maqemaqetana inamiagamatai. Kwaiwawai Kabavelamu 3:24. kailuqa goula kwaitutubeabeadi beqa kwaivalabubunidi, we kwaiyatodi dedewaga kanatutuboda waineye tamo kamikelie we tamo kamikataqie. 19Goula tamoqana matatabuna beqa kanatutuboda wete selubima kailuqa kwaivalabubunidi, vikai kailuqa waidie inatovotovoi. 20We papedi inayawaqidi tutubodanina inalubutaqoni. We kadikailuqa inaekisa inakikisaobu tutuboda waineye. 21Gileu beabeadi kailuqa kwaiyatodi naqeneye we dedewaga kanatutuboda tabwaneye kwaiyatoi. 22Guvonadabadaba Kanadedewaga kanatutuboda waineye, selubima kailuqa kawasasadie, aiwaiwai taiauda taiesipupu we guloinanidiavo matatabudi aivelemu me Isileli paipaidi.”

Currently Selected:

Isauyedi 25: mzz

Highlight

Copy