ဆာလံကျမ်း 76
76
တန်ခိုးကြီးသောတရားစီရင်ခြင်းအရှင် ဘုရားသခင်
ဂီတမှူးအတွက်၊ ကြိုးတပ်တူရိယာများဖြင့်၊ အာသပ်၏ဆာလံသီချင်း
1ယုဒပြည်၌ ဘုရားသခင်ကိုသိကြ၏။
အစ္စရေးပြည်၌ ကိုယ်တော်၏နာမတော်သည် ကြီးမြတ်တော်မူ၏။
2ကိုယ်တော်၏တဲတော်သည် ဆလင်မြို့၌ရှိ၍
ကိုယ်တော်ကိန်းဝပ်တော်မူရာအရပ်သည် ဇိအုန်၌ရှိ၏။
3ထိုအရပ်တွင် ကိုယ်တော်သည် မီးတောက်နေသောမြား၊
ဒိုင်းလွှား၊ ဓားနှင့်စစ်လက်နက်တို့ကို ချိုးဖျက်တော်မူပြီ။(စေလာ#76:3 အဓိပ္ပာယ်မသေချာသောဟေဗြဲစကားလုံး။ ဖြစ်နိုင်သောအဓိပ္ပာယ်များမှာ 1)တေးကဗျာတို့ကိုရွတ်ဖတ်သီဆိုရာ၌ သုံးသောသင်္ကေတ။ 2)အသံတိတ်ရပ်နားစေရန်သင်္ကေတ။ 3)ဝတ်ပြုကိုးကွယ်သူတို့အား ပျပ်ဝပ်ရှိခိုးကြစေရန် သင်္ကေတ။ 4)ဝတ်ပြုကိုးကွယ်သူတို့အား အတူတကွရွတ်ဆိုစေရန်သင်္ကေတ။ 5)ထာဝရ ဟုအဓိပ္ပာယ်ရသောစကားလုံး။)
4ကိုယ်တော်သည် အရောင်အဝါတောက်ပတော်မူ၏။ သားကောင်ရှိရာတောင်များထက်
ပို၍အသရေတင့်တယ်တော်မူ၏။
5ရဲရင့်သောသူတို့သည် အလုယက်ခံရ၍ အပြီးတိုင်အိပ်ပျော်သွားကြပြီ။
စစ်သူရဲအပေါင်းတို့သည်လည်း မိမိတို့လက်စွမ်းကို မပြနိုင်ခဲ့ကြပေ။
6အို ယာကုပ်၏ဘုရားသခင်၊ ကိုယ်တော်၏ဆုံးမခြင်းကြောင့်
စစ်ရထားနှင့်မြင်းစီးသူရဲတို့သည် အိပ်မောကျသွားကြပါ၏။
7ကိုယ်တော်တစ်ပါးတည်းသာလျှင် ကြောက်ရွံ့ဖွယ်ဖြစ်တော်မူ၏။
ကိုယ်တော်အမျက်ထွက်တော်မူသောအခါ
မည်သူသည် ကိုယ်တော်၏ရှေ့တွင် ရပ်နေနိုင်ပါမည်နည်း။
8ကိုယ်တော်သည် တရားစီရင်ချက်ကို
ကောင်းကင်မှ ကြေညာတော်မူ၏။
9ဘုရားသခင်သည် ကမ္ဘာမြေကြီးပေါ်ရှိ ဖိစီးနှိပ်စက်ခြင်းခံရသောသူအပေါင်းတို့ကို ကယ်တင်ဖို့
တရားစီရင်ရန်ထတော်မူသောအခါ ကမ္ဘာမြေကြီးသည်
ကြောက်ရွံ့၍ ငြိမ်သက်စွာနေပါ၏။(စေလာ#76:9 အဓိပ္ပာယ်မသေချာသောဟေဗြဲစကားလုံး။ ဖြစ်နိုင်သောအဓိပ္ပာယ်များမှာ 1)တေးကဗျာတို့ကိုရွတ်ဖတ်သီဆိုရာ၌ သုံးသောသင်္ကေတ။ 2)အသံတိတ်ရပ်နားစေရန်သင်္ကေတ။ 3)ဝတ်ပြုကိုးကွယ်သူတို့အား ပျပ်ဝပ်ရှိခိုးကြစေရန် သင်္ကေတ။ 4)ဝတ်ပြုကိုးကွယ်သူတို့အား အတူတကွရွတ်ဆိုစေရန်သင်္ကေတ။ 5)ထာဝရ ဟုအဓိပ္ပာယ်ရသောစကားလုံး။)
10အကယ်စင်စစ် လူတို့၏အမျက်ဒေါသသည် ကိုယ်တော်ကိုချီးမွမ်းလိမ့်မည်။
ကိုယ်တော်သည် အမျက်ဒေါသအကြွင်းအကျန်များဖြင့် မိမိကိုယ်မိမိပတ်စည်းတော်မူလိမ့်မည်။
11သင်တို့၏ဘုရားသခင် ထာဝရဘုရားထံ ကတိသစ္စာပြု၍ ပြည့်စုံစေကြလော့။
ကိုယ်တော်၏ပတ်လည်၌ရှိသောသူအပေါင်းတို့သည်
ကြောက်ရွံ့ရိုသေရသောအရှင်ထံသို့ လက်ဆောင်ပဏ္ဏာကိုယူဆောင်လာကြပါစေသော။
12ကိုယ်တော်သည် အုပ်ချုပ်သူမင်းတို့၏စိတ်ကို နှိမ့်ချတော်မူ၏။
ကမ္ဘာမြေကြီးပေါ်ရှိ ရှင်ဘုရင်တို့အတွက် ကြောက်ရွံ့ဖွယ်ဖြစ်တော်မူ၏။
Currently Selected:
ဆာလံကျမ်း 76: MSBU
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
MYANMAR STANDARD BIBLE©
Copyright © 2012, 2014, 2017, 2021 by Global Bible Initiative