ယေဇကျေလအနာဂတ္တိကျမ်း 48
48
မျိုးနွယ်တို့၏ဝေစု
1“မျိုးနွယ်အမည်အလိုက် ရသောဝေစုကား ဤသို့ဖြစ်၏။ မြောက်ဘက်အစွန်း ဟေသလုန်မြို့မှ လီဘိုဟာမတ်မြို့သို့သွားရာလမ်းတစ်လျှောက် ထိုမှ ဒမတ်စကပ်မြို့နှင့် မြောက်ဘက်ရှိဟာမတ်မြို့၏နယ်နိမိတ်အကြားရှိ ဟာဇရေနန်မြို့အထိ အရှေ့ဘက်မှ အနောက်ဘက်အထိနယ်နိမိတ်သည် ဒန်အမျိုး၏ဝေစုဖြစ်ရမည်။ 2ဒန်နယ်နိမိတ်နှင့်ကပ်လျက် အရှေ့ဘက်မှ အနောက်ဘက်တစ်လျှောက်သည် အာရှာအမျိုး၏ဝေစုဖြစ်ရမည်။ 3အာရှာနယ်နိမိတ်နှင့်ကပ်လျက် အရှေ့ဘက်မှ အနောက်ဘက်တစ်လျှောက်သည် နဿလိအမျိုး၏ဝေစုဖြစ်ရမည်။ 4နဿလိနယ်နိမိတ်နှင့်ကပ်လျက် အရှေ့ဘက်မှ အနောက်ဘက်တစ်လျှောက်သည် မနာရှေအမျိုး၏ဝေစုဖြစ်ရမည်။ 5မနာရှေနယ်နိမိတ်နှင့်ကပ်လျက် အရှေ့ဘက်မှ အနောက်ဘက်တစ်လျှောက်သည် ဧဖရိမ်အမျိုး၏ဝေစုဖြစ်ရမည်။ 6ဧဖရိမ်နယ်နိမိတ်နှင့်ကပ်လျက် အရှေ့ဘက်မှ အနောက်ဘက်တစ်လျှောက်သည် ရုဗင်အမျိုး၏ဝေစုဖြစ်ရမည်။ 7ရုဗင်နယ်နိမိတ်နှင့်ကပ်လျက် အရှေ့ဘက်မှ အနောက်ဘက်တစ်လျှောက်သည် ယုဒအမျိုး၏ဝေစုဖြစ်ရမည်။ 8ယုဒနယ်နိမိတ်နှင့်ကပ်လျက် အရှေ့ဘက်မှ အနောက်ဘက်တစ်လျှောက်သည် သင်တို့ပေးလှူရမည့် အလှူမြေဖြစ်၏။ ဤမြေသည် အနံအတောင်နှစ်သောင်းငါးထောင်#48:8 “525000 လက်မ သို့မဟုတ် 1312500 စင်တီမီတာ”။၊ အလျားမှာ မျိုးနွယ်တစ်နွယ်ရသောဝေစုအတိုင်း အရှေ့ဘက်မှ အနောက်ဘက်ခြမ်းတိုင်အောင် အလျားတူရမည်။ ဤမြေ၏အလယ်ဗဟိုတွင် သန့်ရှင်းရာဌာနရှိရမည်။ 9ထာဝရဘုရားအဖို့ပေးလှူသော အလှူမြေသည် အလျားအတောင်နှစ်သောင်းငါးထောင်၊ အနံအတောင်တစ်သောင်း#48:9 “210000 လက်မ သို့မဟုတ် 525000 စင်တီမီတာ”။ရှိရမည်။ 10ဤမြေသည် ယဇ်ပုရောဟိတ်တို့အဖို့ သန့်ရှင်းသောအလှူမြေဖြစ်ရမည်။ မြောက်ဘက်တွင် အလျားအတောင်နှစ်သောင်းငါးထောင်၊ အနောက်ဘက်တွင် အနံအတောင်တစ်သောင်း၊ အရှေ့ဘက်တွင် အနံအတောင်တစ်သောင်း၊ တောင်ဘက်တွင် အလျားအတောင်နှစ်သောင်းငါးထောင်ရှိရမည်။ ဤမြေ၏အလယ်ဗဟိုတွင် ထာဝရဘုရားအဖို့ သန့်ရှင်းရာဌာနရှိရမည်။ 11ဤမြေသည် သန့်ရှင်းသောယဇ်ပုရောဟိတ်များဖြစ်သော ငါ့အမှုထမ်းဇာဒုတ်၏ သားမြေးတို့အဖို့ဖြစ်၏။ သူတို့သည် အစ္စရေးအမျိုးသားတို့ လမ်းလွဲသောအခါ လေဝိအမျိုးတို့လမ်းလွဲသွားသကဲ့သို့ လမ်းမလွဲကြ။ 12အထူးသန့်ရှင်းသောအလှူမြေထဲမှ လေဝိနယ်နိမိတ်နှင့်ကပ်လျက်ရှိသောမြေသည် ယဇ်ပုရောဟိတ်တို့အဖို့ သီးသန့်ဝေစုဖြစ်ရမည်။ 13ယဇ်ပုရောဟိတ်တို့၏မြေနှင့်ကပ်လျက် အလျားအတောင်နှစ်သောင်းငါးထောင်၊ အနံအတောင်တစ်သောင်းရှိသောမြေသည် လေဝိအမျိုးတို့အဖို့ ဖြစ်ရမည်။ ထိုမြေသည် အလျားအတောင်နှစ်သောင်းငါးထောင်၊ အနံအတောင်တစ်သောင်းရှိရမည်။ 14ဤမြေသည် ထာဝရဘုရားအဖို့ သန့်ရှင်းသောမြေဖြစ်သောကြောင့် သူတို့သည် ဤအကောင်းဆုံးမြေကို မရောင်းရ၊ အလဲအလှယ်မလုပ်ရ၊ အခြားသူလက်သို့ မလွှဲပြောင်းရ။ 15အနံအတောင်နှစ်သောင်းငါးထောင်မြေကွက်မှ ကျန်အတောင်ငါးထောင်#48:15 “105000 လက်မ သို့မဟုတ် 262500 စင်တီမီတာ”။မြေကွက်သည် အများပိုင် မြို့မြေ၊ အိမ်မြေ၊ စားကျက်မြေဖြစ်ရမည်။ မြေအလယ်ဗဟိုတွင် မြို့ရှိရမည်။ 16မြို့၏အကျယ်အဝန်းမှာ မြောက်ဘက်တွင် အတောင်လေးထောင်ငါးရာ#48:16 “94500 လက်မ သို့မဟုတ် 236250 စင်တီမီတာ”။၊ တောင်ဘက်တွင် အတောင်လေးထောင်ငါးရာ၊ အရှေ့ဘက်တွင် အတောင်လေးထောင်ငါးရာ၊ အနောက်ဘက်တွင် အတောင်လေးထောင်ငါးရာ ရှိရမည်။ 17မြို့၏စားကျက်မြေမှာ မြောက်ဘက်တွင် အတောင်နှစ်ရာ့ငါးဆယ်#48:17 “5250 လက်မ သို့မဟုတ် 13125 စင်တီမီတာ”။၊ တောင်ဘက်တွင် အတောင်နှစ်ရာ့ငါးဆယ်၊ အရှေ့ဘက်တွင် အတောင်နှစ်ရာ့ငါးဆယ်၊ အနောက်ဘက်တွင် အတောင်နှစ်ရာ့ငါးဆယ် ရှိရမည်။ 18အလှူမြေနှင့်ကပ်လျက်ရှိသော ကျန်မြေ၏အလျားသည် အရှေ့ဘက်တွင် အတောင်တစ်သောင်း၊ အနောက်ဘက်တွင် အတောင်တစ်သောင်း ရှိရမည်။ ထိုမြေသည် သန့်ရှင်းသောအလှူမြေနှင့်ကပ်လျက်ရှိ၍ ထိုမြေမှထွက်သောအသီးအနှံသည် မြို့၌အလုပ်လုပ်သူတို့ စားဖို့ဖြစ်ရမည်။ 19အစ္စရေးမျိုးနွယ်အပေါင်းတို့ထဲမှ မြို့၌အလုပ်လုပ်သောသူတို့သည် ထိုမြေကိုထွန်ယက်လုပ်ကိုင်ကြလိမ့်မည်။ 20အလှူမြေတစ်ခုလုံးသည် စတုရန်းပုံရှိ၍ အလျားအတောင်နှစ်သောင်းငါးထောင်၊ အနံအတောင်နှစ်သောင်းငါးထောင် ရှိရမည်။ သန့်ရှင်းသောအလှူမြေနှင့်အတူ မြို့ပိုင်မြေကိုပါ ပေးလှူရမည်။ 21သန့်ရှင်းသောအလှူမြေနှင့် မြို့ပိုင်မြေ၏ဘေးတစ်ဖက်တစ်ချက်ရှိမြေသည် မင်းသားပိုင်မြေဖြစ်ရမည်။ ထိုမြေသည် အရှေ့ဘက်တွင် အနံအတောင်နှစ်သောင်းငါးထောင်ရှိသည့် သန့်ရှင်းသောအလှူမြေမှစ၍ အရှေ့ဘက်နယ်နိမိတ်အဆုံးထိ၊ အနောက်ဘက်တွင် အနံအတောင်နှစ်သောင်းငါးထောင်ရှိသည့် သန့်ရှင်းသောအလှူမြေမှစ၍ အနောက်ဘက်နယ်နိမိတ်အဆုံးထိ ဖြစ်ရမည်။ အလျားမှာ မျိုးနွယ်ပိုင်မြေနှင့်ထိစပ်ရမည်။ ထိုမြေသည် မင်းသားပိုင်မြေဖြစ်ရမည်။ သန့်ရှင်းသောအလှူမြေနှင့် အိမ်တော်ရှိသန့်ရှင်းရာဌာနသည် အလယ်ဗဟိုတွင်ရှိရမည်။ 22လေဝိအမျိုးပိုင်မြေနှင့် မြို့ပိုင်မြေသည် မင်းသားပိုင်မြေနှစ်ခု၏ကြားတွင် ရှိရမည်။ မင်းသားပိုင်မြေသည် ယုဒနယ်နိမိတ်နှင့် ဗင်္ယာမိန်နယ်နိမိတ်ကြားတွင် ရှိရမည်။ 23ကျန်မျိုးနွယ်များအတွက်ဝေစုမှာ အလှူမြေနားကပ်လျက် အရှေ့ဘက်မှ အနောက်ဘက်တစ်လျှောက်သည် ဗင်္ယာမိန်အမျိုး၏ဝေစုဖြစ်ရမည်။ 24ဗင်္ယာမိန်နယ်နိမိတ်နှင့်ကပ်လျက် အရှေ့ဘက်မှ အနောက်ဘက်တစ်လျှောက်သည် ရှိမောင်အမျိုး၏ဝေစုဖြစ်ရမည်။ 25ရှိမောင်နယ်နိမိတ်နှင့်ကပ်လျက် အရှေ့ဘက်မှ အနောက်ဘက်တစ်လျှောက်သည် ဣသခါအမျိုး၏ဝေစုဖြစ်ရမည်။ 26ဣသခါနယ်နိမိတ်နှင့်ကပ်လျက် အရှေ့ဘက်မှ အနောက်ဘက်တစ်လျှောက်သည် ဇာဗုလုန်အမျိုး၏ဝေစုဖြစ်ရမည်။ 27ဇာဗုလုန်နယ်နိမိတ်နှင့်ကပ်လျက် အရှေ့ဘက်မှ အနောက်ဘက်တစ်လျှောက်သည် ဂဒ်အမျိုး၏ဝေစုဖြစ်ရမည်။ 28ဂဒ်တောင်ဘက်နယ်နိမိတ်နှင့်ကပ်လျက်ရှိသောနယ်နိမိတ်မှာ တာမာမြို့မှ ကာဒေရှအရပ်ရှိ မေရိဘစမ်းရေနားအထိ ထိုမှ အီဂျစ်ချောင်းအတိုင်းဆက်သွားကာ မြေထဲပင်လယ်သို့ ရောက်သွားသည်အထိဖြစ်၏။ 29ဤကား အစ္စရေးအမျိုးအနွယ်တို့အား သင်တို့ခွဲဝေပေးရမည့် အမွေမြေဖြစ်၏။ ဤမြေသည် သူတို့အပိုင်မြေဖြစ်၏”ဟု ဘုရားရှင်ထာဝရဘုရား မိန့်တော်မူ၏။
မြို့တော်သစ်
30မြို့ထွက်ပေါက်များကား ဤသို့ဖြစ်၏။ မြို့၏မြောက်ဘက်သည် အတောင်လေးထောင်ငါးရာ အကျယ်ရှိ၏။ 31မြို့တံခါးတို့ကို အစ္စရေးမျိုးနွယ်အလိုက် အမည်ပေးရမည်။ မြောက်ဘက်တွင် ရုဗင်တံခါး၊ ယုဒတံခါး၊ လေဝိတံခါးဟူ၍ တံခါးပေါက်သုံးပေါက်ရှိရမည်။ 32မြို့၏အရှေ့ဘက်သည် အတောင်လေးထောင်ငါးရာကျယ်၍ ယောသပ်တံခါး၊ ဗင်္ယာမိန်တံခါး၊ ဒန်တံခါးဟူ၍ တံခါးပေါက်သုံးပေါက်ရှိရမည်။ 33တောင်ဘက်သည် အတောင်လေးထောင်ငါးရာကျယ်၍ ရှိမောင်တံခါး၊ ဣသခါတံခါး၊ ဇာဗုလုန်တံခါးဟူ၍ တံခါးပေါက်သုံးပေါက်ရှိရမည်။ 34အနောက်ဘက်သည် အတောင်လေးထောင်ငါးရာကျယ်၍ ဂဒ်တံခါး၊ အာရှာတံခါး၊ နဿလိတံခါးဟူ၍ တံခါးပေါက်သုံးပေါက်ရှိရမည်။#ဗျာ 21:13။ 35မြို့ပတ်ပတ်လည်သည် အတောင်တစ်သောင်းရှစ်ထောင်#48:35 “324000 လက်မ သို့မဟုတ် 810000 စင်တီမီတာ”။ကျယ်၏။ ထိုနေ့မှစ၍ ထိုမြို့၏အမည်ကို “ထာဝရဘုရား စံတော်မူရာ”ဟု ခေါ်တွင်ရမည်။
Currently Selected:
ယေဇကျေလအနာဂတ္တိကျမ်း 48: MSBU
Highlight
Share
Copy
Want to have your highlights saved across all your devices? Sign up or sign in
MYANMAR STANDARD BIBLE©
Copyright © 2012, 2014, 2017, 2021 by Global Bible Initiative
