Psalm 67
67
Quyayaraq Yuarun
1Agayutem nakleklikut atawaqertelluta-llu;
ciqinqerluta-llu takumcukutminek,
2ellamiut tamarmeng nallunrirnauraat pisqucin;
Atanruvilget-llu nallunrirnauraat anirturilriarucin.
3Yuut nanrarlitgen, Agayun;
yuut tamarmeng nanrarlitgen!
4Atanruviit yuit quyakilit aturluteng-llu angnirluteng,
elluarrluki yugnek cuqcilriaruavet
ciuliqagcilriaruluten-llu atanruvignek nunami.
5Yuut nanrarlitgen, Agayun;
yuut tamarmeng nanrarlitgen!
6Nuna quyurtarkanek naugillruuq;
Agayutem Agayutemta atawaqercetaakut.
7Agayutem atawaqercetaakut;
yuut tamarmeng nunami qigcikekilitgu.
Currently Selected:
Psalm 67: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.
