Psalm 64
64
Piicaun Camun Pivkaasqevkenani
1Arenqiallugtua, Agayun niicugninga piicallemni!
Alingua inglukestemnek—anirturnga tuqucimallerkamnek!
2Yurrluulriit aassaqluteng picirkiuraitnek avitessnga,
iirlua pillerkiuraitnek assiilnguliulriit.
3Alunguteteng ipegcarait nuussirpagtun,
qanerkameggnek akngirnarqellrianek pitgaryuumaluteng.
4Qanqataunateng iqluuruteteng sagtelarait;
yuk'egtaaraat caunrilarait picilirturluki.
5Eguaqularait ilateng assiitellrianek picirkiuraqameng;
qalartaqluteng iirluteng napcetaanek elliinaluteng,
umyuarteqluteng, “Kia tangerciqakut?
6Inerciigalliqellerput kia nallunrirngaitaa.
Umyuangcallruamta nallunriumangailngurmek picirkangellruukut.”
Yuum qamna umyugaa nallunarqellriaruuq.
7Agayutem tau͡gaam pitgaquciqai,
alqunaq ekingevkarluki.
8Qanrat pitekluku piunrirciqai;#64.8: Waten ayuqngatuq Tamakunek qalartellrat pitekluku piunrirciqai; Hebrew-tun Tamakut piunrirciqait, qaneryarat tamakut inglulirait.
tangertaita-llu qamiquteng ungaulugciiqait.
9Alingem tamalkuita tuciiqai;
umyuangcautekciqaat Agayutem ellmeggnun pillra
qalarutekluki-llu caliari.
10Ellualriit-llu tamarmeng nunaniryukilit
Agayutem caliaqellri pitekluki.
Qimagvikekilitgu-llu.
Ellualriit tamarmeng nanrarlitgu!
Currently Selected:
Psalm 64: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.
