Psalm 63
63
Piyuumiutekluku Agayun
1Agayun, wiinga Agayutkamken,
piyuumiutekluten.
Piyugyaaqluten temka piniarutuq,
nunatun kinreskiitun pikegtaunrilriatun mer'unani,
yuuciqa meqsugtuq elpenek.
2Wangnun tangerteskina Agayuvigpeni;
tangerteskiu piniucin ucurnarqucin-llu.
3Kenken cakaniyuilnguq assinqaa unguvallerkam,
taumek wiinga nanrarciqamken.
4Quyavikciqamken unguvarma taktaciatun;
yagglua piicagaqlua elpenun.
5Nerevkarilriani nerelriacetun yuuciqa camirciiquq,
aturciqua-llu quyatnek nanrautnek elpenun.
6Inangqallemni neq'alaramken;
umyuamnetauralartuten-llu unugpak,
7tua-i-wa ikayurtekuralaamken.
Yaqugpet talinragni angnirlua yuarutnek atulartua.
8Wiinga nepingavikamken,
tegumiaqlua camun pivkaqsaitarpenga.
9Tuqutengnaqestenka ayagciqut
tuqumalriit nuniitnun.
10Anguyiit tuquciiqait,
temait-llu keglunret nerluki.
11Tau͡gaam ataneq angnirciquq Agayutmi,
elliin cirlakivkaani.
Tamarmeng akqillret Agayutem atrakun nanrarciqaat,
tau͡gken iqlungarlit qanrit umgumaluteng.
Currently Selected:
Psalm 63: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.
Free Reading Plans and Devotionals related to Psalm 63
Beholding: Deepening Our Experience in God
Great Is His Faithfulness
Psalms Sung Morning and Evening
