Psalm 61
61
Piicaun Camun Pivkaasqevkenani
1Niisnga qayagaullemni, Agayun;
niicugninga piicallemni.
2Nanikualua nunamnek-llu yaaqsiglua
qayagauramken!
Ayausnga teggalqumun quyilriamun,
3wiinga elpet uqisvikngamken,
asvaunak cayailkutekluten inglukestemnek.
4Uitavkarnga iquilngurmek uitavigpeni!
Tua-i-tuq uqisngalii yaqugpet aciagni!
5Tua-i-wa, Agayun, niitellruavki akqutenka elpenun,
cikirlua-llu kinguvanertaitnek qigcikestevvet.
6Unguvamavkaqiu atanrulria;
unguvamakili allrakurugarni amllerni.
7Atanirturikili ciuqerpeni akwarpak, Agayun;
kenkevgun piciucirpegun-llu camun pivkaryaqunaku.
8Nanrautnek aturrlainarciqua elpenun,
elliiviku'urluten unuaquaqan akqutkellemnek.
Currently Selected:
Psalm 61: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.
