Psalm 58
58
Piicaun Anucimirqecetaaresqelluki Carrluulriit Yuut
1Elpeci atanirturilriani, picirkangutnek-qaa taqutelartuci ellualrianek?
Cuqcilartuci-qaa yugnek elluarrluci?
2Qang'a! Umyuangcalartuci tau͡gaam assiilngurnek atu'urkarpecen̄ek,
akngirkengengnaqluci yugnek maani nunami.
3Assiilngurmek calilriit ayuquciqelaraat tuatnallerteng yuullmeng taktaciatun;
iqluuryugluteng yuurqaanermeggnek.
4Tuqunarqellriamek imangqertut ciissirpagtun snake-atun;
ciuteteng umgumaluki niicuilngurtun ciissirpagtun cobra-tun,
5niisngaunaku erinii ciissirpagnek caqtaarcecistem,
wall'u yuarucirluni angalkumirtaalriim.
6Agayun, navgurki keggutait alingnarqelriit yugtutulit.
7Catairuskilit mertun qurrlulriatun;
canegglugtun-llu tutmausngaluteng nalakilit.
8Nepcurlitun merlerurtellriatun ayuqekilit;
mikelngurtun-llu tuqumaluni yuurcami tanqigmek tangeqsailngurtun.
9Camek nalluinanermeggni kepliarumalartut canegglugtun;
uluryanaqluni eq'uqerrluni Agayutem tengceciiqai
nalamanrilengraata.
10Ellualriit quyaciqut tangerqunegteki assiilngiumalriit anucimirqecetaarumaluki;
augatni-llu ivrararkauluteng.
11Yuut qanlarciqut, “Ellualriit yuut nunuliumaut;
ilumun Agayucetangqelliniuq nunam yuin cuqtestiitnek.”
Currently Selected:
Psalm 58: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.
