Psalm 120
120
Piicaun Ikayuusqelluni
1Nanikuallemni qayagaullruaqa Ataneq,
elliin-llu kiullruanga.
2Qanerlua, “Anirturnga, Ataneq,
iqlungalrianek ukverciyulrianek-llu.”
3Elpeci, iqlungalriani, Agayutem qaillun piqatartaci?
Qaillun anucimirqecetaaqatartaci?
4Pitgaquluci ipellriatgun pitegcautetgun,
uutelluci-llu kumalriatgun kangiplugteggun!
5Nunavcen̄i uitalleq cangallrunrituq
nunalgutengqellriatun yugnek aarunateng nangciyulrianek.
6Uitallgutkelnguanka
yuut e'qukilriit uitanqegcitmek!
7Qanrucaaqaqamteng nakukutevkenaki pisqelluki,
anguyallerkarteng cucukelaraat.
Currently Selected:
Psalm 120: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.
