Hebrews 13

Agayutmun Ilukegcinarqellriit Cikiutet

1Kenka ilakuyun piuli. 2Allanernek-llu ilaliuqengllerkaq cakaarpek'naku, tuaten piluteng ilait an'gilanek ilaliuqengellruut nallutmun. 3Umyuaqiciki itengqalriit itengqallgutkelriatun; nangcimalriit-llu, ellaicetun temengqerravci. 4Kassuusngayaraq tamaitni kencignaqli. Aipaqucaram inarrvia menuilli; Agayutem qanercetaarciqngaki acuniatulit akusrarutekilriit-llu. 5Arcaqakinrici akinek, elaraksaunaci-llu pivcen̄ek; qanellruan, “Qacungayagutessngaitamci cakaarpek'naci-llu.” 6Taumek nalirrugtevkenata qanyunarqaakut, “Ataneq ikayurtekaqa, alingengaitua; yuum qaillun pingraanga.”

7Neq'akiciki maryartesceci Agayutem qaneryaraanek qalarutesceci; umyuaqiciu qaillun yuunriuciat, ukveruciat-llu ayuqeliluku. 8Jesus Christ-am ayuqucini ayuquciqaa unuamek, akwauvaq, akwanun-llu. 9Iqlutmurucetevkenaci ayuqenrilngurnek tangnerranarqelrianek-llu elitnaurutnek; atawauciquq ircaquq pinirimakuni naklekutekun, neqkatgun pivkenani, tamakut ciumurutestaita cakaniutekenrilatki. 10Elliivingqertukut Pelatekam Atanrem Uitaviani kevgiulriit nerviksunailkiitnek. 11Aunrarcecimalriit ungungssit temait nunat elatiitni ekuamalartut augat agayulirten͞gunrem itrutarkaungraaku Agayuvigmun cikiutekluku assiilnguut pitekluki. 12Tuaten-llu Jesus-aaq nunat elatiitni nangteqellruuq kenciknarivkarnaluki yuut nakmiin aumikun. 13Taumek anviknaurput nunat elatiitni, ellii pitekluku caunrilkumacirput aturluku. 14Wani-wa maani nangyuilngurmek nunaitukut, tau͡gaam nunakaq pingnaqerput tekitarkaq. 15Taumek elliikun cikiutmek tun'illerkarput egmian ciumurutnaurput, nanramek Agayutmun, wani-wa atran apervikuatekestain qerrluita naugillratnek. 16Kusguagillerkarci qaategutenriciu pivcen̄ek-llu avguciaqluci, tuaten ayuqelriit cikiutet Agayutmun ilukegcinarqut.

17Niisngaciki ciuliqagceci ataneqluki-llu; wani-wa tarneci qaunqen͞gatki ellmeggnun tusngalriatun. Mat'ukun tengruvkarciki umyugaat uqamaicetevkenaku, tua-i tamana elpecen̄un ikayuutngungailan.

18Kaigat'laqicikut, waniwa umyuarniurutailama, cat tamaitni elluarrlua piyuumiama. 19Arcaqerluci mat'umek eguaquramci ak'aniuvkenii ullaucuumiryaaqngama elpecen̄un.

20Nutaan Agayutem, imum uitanqegcivkarilriim, Atanemta, Jesus Christ-am tuqumalrianek maktestiin, qusngit-llu tarikestepiarata caliyunarivkarnauraaci elluarrlainalrianek akquyutem cimirarkaunrilnguum augakun. 21Ellii elpecen̄i caliluni elluakekminek, Jesus Christ-akun, ucurnarivkaumali ellii akwarpak tayima! Amen.

22Qarutaaramci, ilamaa, ciuniurciu ayuqucirtuuteka, amllenrilngurnek igarvikellruamci. 23Nallunrilkiciu anelgutmaa Timothy-m angicimacia, ukaqvaggun tekiskan aipaqluku tangerciqamci. 24Ciuliqagteci agayumalriit-llu tamalkuita aryuqutemnek pikiciki. Italy-mek tekitellriit aryuqutmek tuyuraiceci. 25Naklekutem nayurlici tamarpeci. Amen.

Currently Selected:

Hebrews 13: YPK

Highlight

Copy