Jesu koty rewarà kõ Imovyvya
Imovyvya
Aã kareta Janejare'e 'Ãg omotekokuwa Rukasi tokusiwa teve Teopiru pè maekwerà. Manyvo Jesu remimonokwerà kõ ekoi maekwerà okusiwa. Jesu oẽ oo yva pè paire, Janejare'e o'Ãg omuu Jesu koty rewarà kõ py'a pupe toike. Jerusarẽ taa pè ypy omojenu Jesu rewarà kupa. A'e pè ypy teve Jesu noerovijai mãe kõ ojuka Jesu koty rewarà kõ mõ. Aja paire, a'e pe wyi ojimosãsãi kupa ky'y. Ajaate ãmõ yvy yvy rupi oo kupa ky'y. Ãwĩvo Janejare'e ayvu Jesu rewarà ojimosãi pirujẽ taa taa rupi. Pauru ywesõ Jesu koty rewarà kõ noesa tari mijã. Ajamã'ẽ a'e ajaire Janejare'e omotee. Ajaate Pauru ywesõ oo yvy yvy rupi jane kõ motekokuwa, tokuwa manyvo Jesu rekoa rupi tekoua kupa ky'y. Oo remẽ Rukasi oo upi. Ajawyi Pauru rewarà ywesõ Rukasi okusiwa. Aã kareta Janejare'e 'Ãg poromokasia rè ywesõ poromotekokuwa. Ikasia rupi tè Jesu koty rewarà kõ ijatyray pirujẽ yvy yvy rupi.
Currently Selected:
Jesu koty rewarà kõ Imovyvya: oymNT
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.