ÉPESUS 3
3
Kereja' Paulus belah kelunan éh tengéé' pohoo'
1Uban néh kenat akeu' Paulus éh pu'un tong lamin tutup dalem pengeloo' Kristus Yésus uban kereja' ké' belah ka'ah éh tengéé' pohoo' jin améé'. 2Adang ka'ah lepah menéng tong penika Allah ngevéléé' akeu' dokoo' ké' omok maneu' kereja' Néh nolong keh. 3Pu'un Allah pepoléng kenin Néh ngan ké', éh pelim jin kelunan sahau, bang pu'un éh pepoléng éh hun iteu' kepéh. Pu'un ku' nyurat si'ik tong inah rai, 4ngan hun keh purung éh, omok keh jam tong kenin Kristus. 5Bé' kelunan sahau jam tong kenin Néh inah, bang hun iteu' neu' Sahéé' Néh pu'un Tuhan pekelenaa' éh ngan kekat lawah Néh ngan irah nabi Tuhan. 6#Kol. 1:26-27 Neu' Rengah Jian éh pelim lem kenin Allah sahau, bang éh pepoléng Néh hun iteu' kepéh, kelunan éh tengéé' pohoo' jin pohoo' Yahudi péh, omok éh alaa' kekat pengejian Allah pemung ngan irah Yahudi. Irah péh barei' jebila' usah Tuhan ngan pu'un dalem jajii' éh pejajii' Allah lem Kristus Yésus.
7Dalem penika Allah Iah ngevéléé' akeu' ngan maneu' akeu' kelunan sohoo' Néh dokoo' ké' perengah Rengah Jian, ngan neu' penyukat Néh pu'un ku' maneu' kekat kereja' Néh inah. 8La'ah na' péh akeu' pelapah si'ik jin kekat irah éh jah éh anah Allah, dalem penika Néh Iah kejeraa' akeu' bara' ngan kelunan éh tengéé' pohoo' tong pengejian Kristus éh pelapah jian jin éh omok benara' lu'. 9La'ah Iah kejeraa' akeu' mihin kekat kelunan jam tong jalan éh petenup Néh tenéh ke' Néh omok kivu pengeloo' kenin Néh. La'ah Allah éh lepah suai kekat ineu'-ineu', nelim Néh pengeloo' kenin Néh jin kelunan sahau, 10dokoo' naneu' sidang hun iteu' kekat meliket ngan kekat éh pu'un penyukat tong seruga, omok jam tong pengeloo' kenin Tuhan éh jian mu'un. 11Allah maneu' éh kenat pekua' ngan pengeloo' Néh éh pu'un pelinguh, éh petenup Néh dalem Kristus Yésus éh Tuhan lu'. 12Pemung ngan Kristus ngan naneu' pengelan lu' tong Iah, uleu' omok tavin Allah ngan bé' pu'un medai. 13Uban néh kenat akeu' nyohoo' keh, mai keh putui pengelan uban ké' teneng keta naneu' kereja' ké' belah ka'ah rai, pu'un éh kenat dokoo' mena' pengejian ngan ka'ah.
Tong penika Kristus
14La'ah uban néh kenat akeu' ngejekuu' lep ké' tong jumen Tamen ké', 15Éh jalan siget-siget tamen tong seruga ngan tong tana' péh alaa' ngaran réh. 16Matek ja'au mu'un pengemaren Allah, uban néh kenat akeu' sebayang menyat éh ngegahang kenin keh neu' penyukat Sahéé' Ni'ai pekua' ke ja'au pengaren Néh éh ja'au nah. Akeu' sebayang kenat dokoo' Kristus omok mokoo' lem kenin keh neu' pengelan keh tong Iah. 17Jian Kristus petem dalem kenin keh, uban keh ngelan tong Néh. Akeu' sebayang dokoo' kekat penganeu' keh ngelakat dilem ngan petem reken lem penika. 18Ngan inah kepéh, dokoo' ka'ah péh pemung ngan kekat kelunan éh anah Allah, omok nesen tong ke ja'au ngan kebit ngan kebau ngan kedilem penika Kristus ngan lu'. 19Kenat akeu' sebayang dokoo' keh omok jam tong penika Allah ngan lu', dokoo' keh omok sukup ngan penoo' mu'un ngan kekat kejian Allah. La'ah ja'au mu'un penika Néh, bé' lu' omok jam éh béé.
20La'ah ngan Allah éh pu'un penyukat maneu' éh pelapah ja'au jin ineu'-ineu' éh pengenyat lu' ngan éh seneruh lu', naneu' penyukat Néh éh kereja' dalem uleu', 21kekat pengajung anah nah dalem sidang ngan dalem Kristus Yésus kelebéé'-lebéé' néh pah avéé' pelinguh. Amin.
Currently Selected:
ÉPESUS 3: PNT
Highlight
Share
Copy
Want to have your highlights saved across all your devices? Sign up or sign in
Irah éh suai © 2009, Pengepemung irah éh suai Surat Tahun tong Malaysia (The Bible Society of Malaysia) Copyright © 2009 The Bible Society of Malaysia
Éh Keruwah koléé senuai © 2011 Pengepemung irah éh suai Surat Tahun tong Malaysia (The Bible Society of Malaysia) Copyright 2011 The Bible society of Malaysia
