KO E SAAME 53
53
Ko e Fai Angahala ‘a e Tangatá
(Ki he Pule ‘o e Hiva. Ke fai‘aki ‘a e fasi fakaminu. Ko e Hiva-ako ‘a Tēvita.)
1‘OKU pehē ‘e he vale ‘i hono loto, “Oku ‘ikai ha ‘Otua.”#Lom 3.10-12
Kuo nau fakaka‘anga, pea nau fakalielia ‘i he kovi honau tō‘onga;
‘Oku ‘ikai ha fai lelei ‘e toko taha.
2Ne ‘afio hifo mei langi ‘a ‘Elohimi ki he hako ‘o e tangata,
Ke vakai pe ‘oku fakapotopoto ha taha,
Pe ai ha taha ‘oku kumi ki he ‘Otua.
3Kuo nau holomui takitaha;
Kuo nau hoko ko e koto fakalielia;
‘Oku ‘ikai ha taha ‘oku fai lelei, ‘oku ‘ikai ‘aupito ha taha.
4‘Oku ‘ikai ha‘anau ‘ilo koā, ‘a e fai kovi?
‘A kinautolu ‘oku keina hoku kakai hangē ha kai me‘akai,
Ka ko ‘Elohimi ‘oku ‘ikai te nau lotu ki ai.
5‘I he potu ko ia na‘a nau mo‘umanavahēa,
Ka na‘e ‘ikai hano ‘uhinga ‘o ‘enau ilifia:
He kuo tufaki ‘e ‘Elohimi ‘a e hui ‘o ia ‘oku hanga tau mai,
Kuo ke fakamaa‘i kinautolu he kuo li‘aki kinautolu ‘e ‘Elohimi.
6Taumaiā ke ‘omi mei Saione ‘a e fakamo‘ui ‘o ‘Isileli!
Ka fakafoki ‘a e pōpula ‘o hano kakai ‘e ‘Elohimi,
Toki hākahaka ‘a Sēkope, toki nēkeneka ai ‘a ‘Isileli.
Currently Selected:
KO E SAAME 53: TMB
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
