KOHELETI 6

1‘OKU ai ha kovi kuo u mamata ki ai ‘i he lalo la‘ā, pea ‘oku ongo‘i lahi ‘e he tangata: 2ko e toko taha kuo foaki ki ai ‘e ‘Elohimi ‘a e koloa, mo e me‘a hulu, mo e tu‘unga mā‘olunga, pea ‘oku ‘ikai masiva ‘ene mo‘ui ‘i ha me‘a ‘oku ne holi ki ai; ka kuo ‘ikai tuku ki ai ‘e ‘Elohimi ‘a e mafai ke ne kai mei ai, ka ‘oku kai ia ‘e ha tangata kehe; ko e muna ia mo e mahaki kovi. 3Kapau ‘e ma‘u ‘e ha tangata ha fānau ‘e teau, ‘o ne mo‘ui ‘o lahi ta‘u, ‘o lahi ai ‘a e ngaahi fo‘i ‘aho ‘o hono ta‘u, kae ‘ikai topono ‘ene holi ‘i he lelei, pea ‘ikai foki hano fonualoto; tala atu, ‘oku ngutuhua ange ha tama tō ‘i ha taha pehē, 4he ko ‘ene ha‘u ko e muna pē, pea ko e koto po‘uli pē ‘ene ‘alu, pea ‘oku puli hono hingoa ‘i he po‘uli. 5Kuo ‘ikai foki te ne sio ki he la‘ā, pea kuo ‘ikai te ne ‘ilo ha me‘a: ‘oku lahi ange ‘a e nonga ‘o ē ‘i hē. 6Pea neongo ko ‘ene mo‘ui ko e afe‘i ta‘u lau tu‘o ua, ka kuo ‘ikai te ne ‘ilo ‘a e lelei–‘ikai ‘oku ‘alu kotoa pē ki ha potu pē taha?

7Ko e fakaongosia kotoa ‘a e tangata ‘oku ma‘a hono ngutu, ka neongo ia ka#6.7 ka; pe ka ko hono laumālié. ‘oku ‘ikai topono ‘ene holi. 8He ‘oku hulu fēfē ‘a e poto ‘i he vale?–fēfē si‘i masiva ‘oku ‘ilo ke laka ‘i he ‘ao ‘o e nofo? 9‘Oku ngutuhua ange ke sio ki ha me‘a ‘aki ‘a e mata ‘i he feinga noa ki ai ‘a e holi: ko e muna mo ‘eni foki, mo e kai matangi.

10Ko e me‘a kuo ‘i ai kuo loa kālivu ‘a e ui hono hingoa; pea kuo ‘ilo ko ‘Ātama ia; pea ‘oku ‘ikai ke lava ha#6.10 kuo… lava; pe kuo ‘ilo ko e tangata; pea ‘oku ‘ikai ke lava ha; pe kuo ‘osi ‘ilo‘i hotau angá; pea he‘ikai te ke lava ‘o. fakakikihi mo ia ‘oku kaukaua ‘ia kita. 11Seuke, ‘oku ai ha ngaahi fu‘u lau ‘oku fakalahi muna, ka ko e hā hono ‘aonga ki he tangata? 12He ko hai ‘oku ne ‘ilo ‘a e me‘a ‘oku lelei ki he tangata ‘i he‘ene mo‘ui lolotonga kuo te‘eki kakato ‘a e ngaahi ‘aho ‘o ‘ene mo‘ui muna? he ko e mo‘ui faka‘ata hono kotoa, hono lava ‘e ha taha ke fakahā ki ha tangata ‘a e me‘a ‘e hoko ‘i lalo la‘ā hili ‘ene pekia?

Currently Selected:

KOHELETI 6: TMB

Highlight

Copy